الموضوع: استطلاع رأى .. هل فعلاً القيادة المانيوال أكثر أماناً ضد الحوادث

المشاركة الأصلية كتبت بواسطة amrelsaqqa

مفيش حاجة في الاوتوماتيك اسمها واخدة غيار
لان ببساطة الحركة بتتنقل في اتجاه واحد فقط من الموتور للعجل
والا كانت العربية الاوتوماتيك تتزق وتدور عادى زي المانيوال

يعنى لو عايز كلام دقيق : العربية الاوتوماتيك دايما واخدة غيار لو بتتكلم عن اتجاه الحركة من الموتور للعجل ، ودايما ممورة في الاتجاه التانى ( من العجل للموتور )
وفي اعتقادى مفيش فرملة موتور في الاوتوماتيك العادى خالص ، حتى الاستبترونيك ، يمكن بس في الايزي ترونيك او الـ dsg اللى هو اصلا مانيوال بديسك واسطوانة كهربا ...


المانيوال اامن بكتيييير بجد

انا كان معايا عربية بيجو 504 فرامل في الضياع وكاوتش ممسوح ، دايما تزحف منى ، بس في المواقف الشديدة كان الفتيس بيساعدنى وبوقف العربية

جبنا كورولا اوتو .. وطبعا في دماغى ان الفرامل والكاوتش تمام بقى ومش هيهمنى ، كنت ماشى وفجأة لقيت عربية ماتركس قدامى ومفيش مجال اتفاداها والارض عليها رمل ، ادوس فرامل العربية تزحف ، ومش عارف اسقط نقلة طبعا ، كانت النتيجة انى لقيت نفسى داخل على العربية اللى قدامى ومش بإيدى اعمل اي حاجة !

المانيوال متعة القيادة والاوتوماتيك راحة القيادة

أنا مختلف مع حضرتك برضه

أنا معايا العربية أوتو لو ماشى على 80 وجبت الفتيس على N جرب كدا هتلاقيها مشيت معاك أكتر ما تفضل سايب الفتيس على D

حاجة تانية عايزك ترفع رجلك من على دواسة البنزين على 80 وشوف الآربى إم هينزل مرة واحدة ولا هيفضل عالى وهينزل بالتدريج

وهو بينزل هتلاحظ إنه بيعلى سنة ويروح نازل ودا العربية بتنزل غيارات لو سبت رجلك من على الدواسة مرة واحدة هتلاحظه أكتر مع الفرملة وهتلاقى إن الموتور صوته بيعلى لأنه بينزل غيار

عايزك تجيب نظام القيادة المانيوال فى الفتيس الستبترونيك وأنت ماشى على الرابع على 80 مثلا عايزك ترجع على ال 3 وشوف العربية هتعمل إيه معاك هتكش لورا وصوت الموتور هيعلى لازم إنت طبعا تغذى بنزين عشان تكمل الكيك داون بتاعك

عايزك تبقى ماشى على التانى ورجع للأول و هتسمع أحلى فرملة موتور وهتشوف العربية هتعمل إيه

كل دا مع الفتيس الأوتوماتيك

بيثبت إن العربية الأوتوماتيك دايما معشقة طالما هى على ال d لكن أنا قلت التعشيق فى المانيوال أقوى

لعدم وجود محول العزوم هو اللى بيخفض ويخفف حدة الكيك داون أو تخفيض الغيارات فإنت مش بتحس بيه

غير إن العربية الأوتو بتخفض فى ميعاد مناسب عكس لما أنت تنزل غيار بمزاجك على سرعة مش مناسبة والعربية تزعق منك

عزيزى صاحب الموضوع أنا فهمت اللى حضرتك عايزه

أولا إنت بتحب القيادة المانيوال ولا بتحب القيادة الأوتو

اللى بتحبها فيهم أختارها ومتقلقش

بس اختار نوع العربية الأول

أنا راكب ميجان أوتوماتيك فراملها قوى ماشاء الله فرامل يسعفك

فيه عربيات كتير فراملها كويس يعنى لو العربية متأسسة كويس كنظام فرامل

هاتها مانيوال أو أوتو زى ما تحب

لكن عربية مش متأسسة كويس فرامل متجبهاش لا كدا ولا كدا دا مبدئى بصراحة