تكلفة سمكرة ودوكو لإبيزا 1998

**pcegypt** · 21-07-2008 01:49 AM

المشاركة الأصلية كتبت بواسطة banboty

ده اكبر غلط ممكن تعمله في العربية , انك تشيل البوية بالمزيل او بالرشم بالنار لغاية الصاج

لان انت كده بتشيل طبقة الفيلر اللى بتترش في المصنع علشان تعزل و تمنع الصدا انه يوصل للصاج بسهولة ,
و حتى لو الصاج عندك ظاهر من كتر الخدوش ,
برضوا بلاش تشيل الجزء المتبقي لانك بتحمي باقى المساحة المتغطية و بتطول عمرها من ناحية التآكل و مقاومة البارومة ..

اسلم حاجة , انه يعمل سحق للطبقة الاولى و الثانية و بس لغاية اما يجيب بطانة العربية و يسحقها و تكون هي دي نقطة بداية شغله .

وضع معجون الاستوك و باقي المراحل المتعارف عليها

الف شكر اخي الكريم على المعلومة ، وانا فعلا كنت صرفت نظر عن موضوع تنزيل البوية القديمة لاني عرفت انه كمان بيموج الصاج.

تحياتي

**pcegypt** · 21-07-2008 01:54 AM

المشاركة الأصلية كتبت بواسطة mohamed ibiza

بص يا باشا الراجل السمكري اسمه محمود لسه موجود و البوهيجي موجود برضه علي فكرة وراني البويه قبل ما تروح الفرن عشان اشوف الدرجة بتاعة اللون بصراحة شغلهم انا لحد دلوقتي مش عارف اطلع فيه غلطة الحمد لله زي الفل و الراحل السمكري انا سبته لحد ما العربية دخلت مرحلة المعجون بعدها قمت مظبطه علي جنب كده مع انه مكانش محتاج توصية بصراحة بس برضه يعني زيادة اهتمام مش وحش :) انا كنت في فترة امتحانات و اهلي برضه كانوا بيروحوا يبصوا كل 3 4 ايام كده يلاقوا شغل جديد اتعمل و العربية بتتشطب خلاص في موضوع هنا اسمه الابيزا تحت الاصلاح في كل حاجة بالصور من الاول خاااااااااالص لحد الاخر لما العربية كانت بتاخد الفلاير و الحمد لله العربية طلعت جميلة و ملعلطه:D:D

طيب ممكن تبعتلي رقم الموبايل على الخاص ونتفق نروح مع بعض علشان نعمل تقييم مبدئي للتكلفة والفترة الزمنية اللازمة.

تحياتي.

**mohamed ibiza** · 21-07-2008 02:04 AM

المشاركة الأصلية كتبت بواسطة pcegypt

طيب ممكن تبعتلي رقم الموبايل على الخاص ونتفق نروح مع بعض علشان نعمل تقييم مبدئي للتكلفة والفترة الزمنية اللازمة.

تحياتي.

علم و نفذ يا باشا انظر بريدك الخاص :D:D

**banboty** · 22-07-2008 01:20 AM

المشاركة الأصلية كتبت بواسطة pcegypt

الف شكر اخي الكريم على المعلومة ، وانا فعلا كنت صرفت نظر عن موضوع تنزيل البوية القديمة لاني عرفت انه كمان بيموج الصاج.

تحياتي

عندما يقوم السمكري بتسخين الصاج لازالة البوية بواسطة الباشبوري ,
بياكل اجزاء من الملي من سمك الصاج , فيحصل تمويج للصاج و ده كمان عيب تاني كما تفضلت , لانه بعد كده بيضطر البوهيجي يملى الواطي بالمعجون و يربي طبقة معجون تحت البوية اللى بتطقق بعد كده مع اول تريحة او خبطة خفيفة ...

و لا شكر على نصيحة او واجب لاننا جميعا اخوة

محمد ابيزا

ربنا يكرمك و تشرفنا بيك يا ريس