المشاركة الأصلية كتبت بواسطة أبو عبدالله
أولا احب ان اهنئكم على هذه الخطوة وفعلا مجهود اكثر من رائع وشكرا له
ولكن احب ان اعلق على بعض النقاط فقط :
اولا
ذكرت في التعليق على احد العربيات مش متذكر انهي ان حوض الماتور ضيق وصعب صيانته
ممكن افهم يعني ايه صعب صيانته حيث انه انا بعتبر ان مفيش حاجه دلوقتي اسمها صعب صيانتها
وأي وغالبا كل العربيات لما تحب تعملها صيانه في الماتور لدرة انك عاوز مساحه يبقى زيها زي اي عربيه تانيه
انا بعتبر الجمله دي من الجمل اللي بتتقال كده وليس لها مكان في ارض الواقع زي جمل تانيه كتير
ثانيا
طبعا نيجي للسيريون وطبعا مع احترامي لكل اللي كانوا متواجيدن وخبراتهم
حضرتك ذكرت وقولت ان دي عيوب بسيطة
لأ دي مش عيوب بسيطة ولو دي فعلا زي ما حضرتك بتقول متبقاش عيوب بسيطه دي عيوب تقفيل واضحه
ولكن للأسف هيا ليست كذلك لأن دي نقطة انهيار الحديد بتاع العربيه
حضرتك العربيات المحترمه الجديده بتعمل حاجه اسمها نقاط انهيار في الحديد في عضم العربيه بحيث مع اي حادثة لا قدر الله الفاصل اللي حضرتك مصوره ده
بيحصل عملية ثني علشان ميعملشي عملية رد فعل عكسي على باقي العربيه والكابينه بالأخص
يارب يكون كلامي وضح المسألة
اما بخصوص مسألة الكراسي مش مريحه
فغالب اللي جربوا مني العربيه علقو ان الكراسي قاعدتها مريحه وجيده جدا لأنها بتسند الظهر من الجانبين
وانا رايي الشخصي فيها ان الكراسي دي ريحتني جدا جدا بعد ما جالي خشونة في فقرات الرقبه من قاعدة النوبيرا
والحمد لله بعد العربيه دي وانا مرتاح والحمد لله خصوصا السفر
وعلى فكره اكتر واحد يقولك رايه في الموضوع ده اللي بيسافر ويقعد في العربيه وقت كبير جدا
مش اللي بيجرب كده وخلاص
لأن الموضوع مش بيظهر الا على الوقت الطويل والمسافات والقاعده داخل العربيه وقت اكبر
اما بخصوص مسألة السعر
فانا برضه هسأل السؤال بتاع كل مره
ممكن حدي يقولي على عربيه ياباني تقفيل كامل وفي الأمكانيات دي وبالسعر ده وماتور 1300 سي سي ؟؟؟؟؟؟؟
وعلى فكره الكاوتش دانلوب ياباني :embarrassed2::embarrassed2:
أما عن تعليقات الأعضاء المشكورين على مجهودهم ووقتهم بجد
أولا تعليقي هذا ليس نقدا وانما راي وراي اخر وكل يأخذ منه ويرد
أولا محمود بيقول سعر مبالغ فيه وراي اخرين
انا سألت سؤال
ايه العربيه اللي في السوق المصري ياباني 100 في 100 وبالسعر ده وماتور 1300 سي سي
انتم اخترتم الفيات وهيا سعرها 75 الف ومفيهاش كل الكماليات بتاعت السيريون
مع اداء ماتور 8 صباب ضعيف
اخي احمد انور قال مش عارف العربيه اتعملت لمين
انا اقولك يا سيدي اتعملت علشاني انا ومالكيها برضه وربنا ما يحرمنا منها ولا منهم :):):)
ابيزا طبعا كلام بيدل على مدى الفهم
احمد علاوي طبعا ده احساس اي احد بيدخل العربيه لأول مره وده كان احساسي اول ما دخلتها برضه
اخي نايل ستورم حضرتك بتقول خرجت من الفئة الموجهه لها
ممكن تقولي الفئة اللي تقصدها حضرتك دي ايه ؟؟؟
أولا العربيه فئة البونتوا اللي انتم اخترتوها اللي هيا 75 الف مانيوال فاضيه مفيهاش اي شئ مع العيوب اللي انتم ذكرتموها
وانا اضيف شئ تاني مع الاخذ انه موديل قديم وتكنولوجيا قديمه وليس فيها شئ جديد من فيات بعكس الجراند اللي سعرها واصل 170 الف علشان جديده
كريم برضه ايه القصد بالروح ؟؟
والسعر انا اتكلمت عليه
حازم خضر برضه هاتشباك صغيره مش عارف حاسس انك تقصد ان البيكانتو احسن او العربيات دي
دي فئة يا جماعه ودي فئه تانيه
انا شايف ان محدش لقى عيوب ظاهره والعيب اللي صورتوه انا وضحت موضوعه
ومع ذلك ذكرتوا عيوب للبونتوا واضحه واجمعتوا عليها
وسعرها مش بعيد عن السيريون بفارق 4 الاف ومع ذلك اخترتوا البونتوا
انا بأطالب المره القادمة لازم تخدوني معاكوا
أحسن اقول لبابا ......
الله يرحمه
المفضلات