الموضوع: جوله في سيارات الطبقه الكادحه - جميع السيارات اقل من 80 الف - الجزء الاول

مجهود رائع يا شباب و مشكورين واحد واحد
وفى اتنظار الجزء الثانى
ربنا يوفقكم

المشاركة الأصلية كتبت بواسطة CryptonX

وياريت تيجي معانا في الفئة الجاية بجد مش هزار :)

ان شاء الله بس ابقو قولو وربنا ييسر بإذن الله

اما بخصوص نايك او اكتيف او اديداس
فمتهيألي اني لو امامي الصيني والالماني
هشتري الألماني طبعا
وهو ده الفرق اللي بقول عليه

القصد في النهاية ان الناس دي لها قواعد وقوانين علشان صناعتهم
فمينفعشي ينزل عربيه تحت اي ظرف من بلده هو اليابان علشان الأسم ده او المانيا

ممكن يطلعها من بره مصانعه من مصانع تانيه ولكن من البلد بتاعته لا
لأنه كده هيخسر فئة من الناس بتشتري منتجه علشان جودته ومواصفاته

يعني مثلا الساعات السويسرية دي ينفع تقولي انها زي الصيني مثلا لأ
دي كفائة انتاج غير دي تماما
مع ان الاتنين هيقضوا نفس الغرض

بس الموضوع مش بيبان دلوقتي يبان يعد مرور السنين و بهدلة الأستخدام وظروفه

يارب يكون كلامي وضح الموضوع

صباح الخير

انا في تعليقي عالسيريون قلت ان سعرها الجديد استعباط .. لأنه فعلا في تزايد بيجعلها تخرج من دايرة ال value for money .. هي صحيح منافاستها اليابانيين بيغلوا برده .. يعني السيريون من شهرين كانت 77 و السيتي 83 .. السيريون بقت 79 و نص و السيتي 85 علي سبيل المثال .. ولا سعر الياريس .. أسعار غير مبررة خالص !

هي سيارات ممتازة طبعا و كل حاجة بس ليه ده .. ليه الواحد يدفع 100 الف في ياريس او 80 في السيريون اول موديل .. هي الفلوس كتير اوي كدة

مش عارف انا حاسس ان عربيات كتير حالياَ بقي كتير عليها اوي سعرها .. زي الياريس و السيريون و البيكانتو و ال i10 اللي الاوتوماتك بتاعها ب 70 الف ..

يعني انا ايام ما جبت السيريون من 7 شهور (مش بعيد) كانت ب 76 الف و كانت الناس مستغلياها جدا و بتتخض اما تسمع سعرها

و من ساعتها و هي عمالة تزيد لحد ما دخلت في التمانينات .

يعني انا مش قصدي ان سعر عربية معينة كتير عليها لأنها لا تستحق .. لأ .. منظومة التسعير نفسها غريبة حاطة عربيات في فئات سعرية غريبة !

يبقى علي كدة التويوتا الجنوب افريبقي اي كلام و الميجان التركي اي كلام والب ام دابليو الي و المرسيسد الي بيتجمعو في مصر اي كلام !

ده لو انا فهمت كلامك !

يا كريم الموضوع ده يفرق في نقط معينه :
1- الخامات المستخدمة في العربيه
2- جودة التقفيل

ودول هيختلفوا حسب البلد اللي هتتقفل فيها العربيه

اما احنا بنتكلم على التصنيع من اساسه
يعني ماتور وعافشه وتصميم ماتور وتصميم شاسيه والحفاظ على اتزان العربيه وحاجات كتير هتلاقي داخله في بعضها
المهم مين اللي بيراعي الحاجات دي

يعني مثلا فولفو بتطلع عربيه حديد
مينفعشي ميعملهاش الا كده لو عملها غير كده مش هتتباع لأن ده تميزه هنا

مثلا هوندا دائما بتحافظ على تصميم الكراسي بتاعت العربيه بحيث انها تبقى واخده على نقاط جيده جدا في الأمان والحفاظ على الراكب وايضا راحته في الركوب

حاجات زي كده ده اللي انا بقصدها

في النهاية اللي اقصده ان كل دوله من دول بيبقى لها خطوط حمراء دائما بتلاقيهم محافظين عليها كلهم وهو ده اللي انا بتكلم عليه

ولو لحظت ان كل عربيه حسب بلد صنعها لها طابع ومذاق خاص بتحسه من قبل ما تعرف العربيه دي صنع ايه
مش كده ؟؟؟

المشاركة الأصلية كتبت بواسطة MoToRiZeR

صباح الخير

انا في تعليقي عالسيريون قلت ان سعرها الجديد استعباط .. لأنه فعلا في تزايد بيجعلها تخرج من دايرة ال value for money .. هي صحيح منافاستها اليابانيين بيغلوا برده .. يعني السيريون من شهرين كانت 77 و السيتي 83 .. السيريون بقت 79 و نص و السيتي 85 علي سبيل المثال .. ولا سعر الياريس .. أسعار غير مبررة خالص !

هي سيارات ممتازة طبعا و كل حاجة بس ليه ده .. ليه الواحد يدفع 100 الف في ياريس او 80 في السيريون اول موديل .. هي الفلوس كتير اوي كدة

مش عارف انا حاسس ان عربيات كتير حالياَ بقي كتير عليها اوي سعرها .. زي الياريس و السيريون و البيكانتو و ال i10 اللي الاوتوماتك بتاعها ب 70 الف ..

يعني انا ايام ما جبت السيريون من 7 شهور (مش بعيد) كانت ب 76 الف و كانت الناس مستغلياها جدا و بتتخض اما تسمع سعرها

و من ساعتها و هي عمالة تزيد لحد ما دخلت في التمانينات .

يعني انا مش قصدي ان سعر عربية معينة كتير عليها لأنها لا تستحق .. لأ .. منظومة التسعير نفسها غريبة حاطة عربيات في فئات سعرية غريبة !

بص يا محمود اللي يقرأ كلام يقول انت بتتكلم على غلو عام وليس عربيه لوحدها
وده اللي انا اقصده

ان المشكلة مش في السيريون
المشكلة في الكل

وانت بنفسك ذكرت ان الكوري كمان نفس الموضوع
يعني المسالة لا تخص عربيه بذاتها

طيب ما العربيات كانت جديده في الاربعينات وفجاه في اول 2000 بقت في السبعينات وبعدين الثمانينات وكده

وبرضه ستظل السيريون اقل سعر عربيه ياباني في السوق بالكماليات دي