مش لاقى صحتى ؟؟؟؟؟

**egyptiandiver** · 10-12-2012 07:39 PM

أخي الكريم أنا كمان وزني زايد شوية و الطاقة أقل ... قريت كتب قبل كدة و نزلت 12 كلو و رجعتهم و عليهم بوسة كمان! من الاخر عوز الدنيا تزبط معك جيب ورقة و قلم و اوزن نفسك بكرة الصبح و ده بعد الاستيقاظ مباشرةً بعد ما تقضي حاجتك و بعد كدة إخلع ملابسك و إتوذن على ميزان و دة اسمو الوزن الخالي و ده طبعاً قبل ما تاكل أو تشرب أي حاجة. إكتب التاريخ و الوزن إلي لقيته و قرار العملية دي كل أسبوع عشان تشوف التطور في موضوع الوزن. كل خضار و فاكهة طازة و حول تقلل تماماً من السمن و الزيوت و الملح الزيادة في كل أكلك و أحسن تشرك أسرتك معك في العملية دي و ده هيسهلك - بطل تاكل عش أبيض و كل أسمر ، و برد كل نص كميات العيش ديماً خالي عندك خيار و طماطم و برتقال و تقمص شخصية الارانب شوية هى.. هى.. قبل الوجبة ب-15 - 20 دقيقة إشرب كباية مية و عليها 2 ملعقة شاي من خال التفاح و ده بيساعد على الاحساس بالشبع و بيساعد في صهر أو تسييح الدهون. ديماً إستعمل الكمون بردو كويس في القصة دي. مفيش فايدة لازم حركه و أبسطها المشي كل يوم شوية إن شاء الله تبتدي ب-10 دقايق و زود كل يوم يا سيدي 5 دقايق - قليل على قد ما تقدر السكر في الشاي و القهوة و و... و إمنع تماماً الكولا و اخواتها. إشترلك 2 دومبال 3 كيلو 5 كيلو و أقعد إلعب فيي وقت فاضي بي.. تراي.. اتفرج على فيديوهات في ال-youtube على weight loss - و ابقى طمنا ... أنا الحمد لله وزني ابتدى ينزل. أخوك أحمد سامي

**محمدصلاح** · 10-12-2012 07:42 PM

معلش انا يمكن كلامي يخضك شوية بس ربنا يسترها وتلحق المشكلة فى اولها اياً كانت المشكلة

حضرتك لازم تعمل التحاليل الآتية:
1- اولا تحليل سكر عشوائي فورى فى اي صيدلية (لمجرد الإطمئنان) بخمسة جنيه
2- لازم تحليل كوليسترول ودهون ثلاثية

لو فيه اى مشاكل فى التحاليل دى يبقى لازم تستشير طبيب غدد صماء

اتباعات يومية واعتبرها من طقوس اليوم:
1- حبيتين تومكس العادي (من الصيدلية) وعلى الريق الصبح ودي حبوب ثوم خالص ومالهاش اي ىثار جانبية وهاتفرق معاك كتير جدا فى حرق الدهون وفى النشاط اليومي وهاتظبطلك الهضم كمان
2- اكل الياف على قد ما تقدر ومحاولة الحفاظ على بطنك منتعشه على طول
3- ممكن تقلل شوية من الفول الصبح وتشوف الأخبار ايه

دى تجربتي الشخصية والحمد لله الموضوع كان كوليسترول وسكر ولحقته بدري بدري

ربنا يعافيك ان شاء الله

**rockana9112007** · 12-12-2012 12:58 AM

انا شاكر جدااا جداااا جداااا لكل واحد شاركنى الموضوع دة

وبأذن الله هعمل التوصيات والنصائح اللى اتقالت

وشكرااا ليكم

**khaled sabry** · 13-12-2012 11:25 AM

انا ظروفى نفس ظروفك بالظبط
وعندى 30 سنه و تقريبا نفس الطول و الوزن - و موضوع الخمول اللى بيجيلى برضه بس ده لأنى غالبا بنام من 6 الى 5 ساعات يوميا بس
بس كلامك حسسنى باننا خلاص حنموت
تحاليل و دكتور و مش عارف ايه
ياعم ماتحبكهاش قوى كده

**حماده المصري** · 14-12-2012 08:42 AM

25 سنه وحاسس بالاحاسيس دي كلها

بس لما بمارس رياضه الدنيا بتتزبط معايا

وطبعا العامل النفسي مؤثر جدا مفيش شغل كورسات ومذاكره احيانا وخوف شديد من المستقبل كل ده بيتقلب معايا لهستيريا اكل مستحيله مش عارف اتخلص منها

**Medicalist** · 14-12-2012 08:54 AM

قولى اخبار النوم ايه ؟ بتنام كويس ولا متقطع ولو نمت بتصحى كتير بالليل ؟
احساس الخمول طول اليوم انت قلت موجود
والحمد لله مفيش ضغط
للعلم الجديد دلوقتى هو وضع دراسة النوم كجزء اساسى فى الشيت بتاع اغلب الحالات و انه فيه مشاكل مرضيه يتسبب فيها مشاكل النوم
ببساطه فيه مشكله اسمها upper airway resistance syndrome بتحصل غالبا مع الاشخاص الرفيعين بيحصل مشاكل فى النوم بتاع بالليل النوم بيكون متقطع بيلاقى صعوبه فى النوم على ظهره بيشخر وهو نايم ة بينام على نفسه كتير فى النهار وبالتالى الجسم مش بيحصل على راحته الكافيه و بيحصل للمريض حاله من الLOW GRADE STRESS و مع الوقت بيحصل ضغط عالى و سمنه و سكر من النوع التانى
وفيه OBSTRUCTIVE SLEEP APNEA ودى بتحصل فى الناس التخينه ومشكله كبيره جداا
حل المشكله بسيط بس لازم تتشخص الاول
Sleep disorders now is considered asystemic disease coz its relation to the ....bolic syndrome

**rockana9112007** · 14-12-2012 06:56 PM

المشاركة الأصلية كتبت بواسطة medicalist

قولى اخبار النوم ايه ؟ بتنام كويس ولا متقطع ولو نمت بتصحى كتير بالليل ؟
احساس الخمول طول اليوم انت قلت موجود
والحمد لله مفيش ضغط
للعلم الجديد دلوقتى هو وضع دراسة النوم كجزء اساسى فى الشيت بتاع اغلب الحالات و انه فيه مشاكل مرضيه يتسبب فيها مشاكل النوم
ببساطه فيه مشكله اسمها upper airway resistance syndrome بتحصل غالبا مع الاشخاص الرفيعين بيحصل مشاكل فى النوم بتاع بالليل النوم بيكون متقطع بيلاقى صعوبه فى النوم على ظهره بيشخر وهو نايم ة بينام على نفسه كتير فى النهار وبالتالى الجسم مش بيحصل على راحته الكافيه و بيحصل للمريض حاله من الlow grade stress و مع الوقت بيحصل ضغط عالى و سمنه و سكر من النوع التانى
وفيه obstructive sleep apnea ودى بتحصل فى الناس التخينه ومشكله كبيره جداا
حل المشكله بسيط بس لازم تتشخص الاول
sleep disorders now is considered asystemic disease coz its relation to the ....bolic syndrome

اولا انا متشكر جدااا على مشاركتك وتفاعلك مع الموضوع

انا فعلااا عندى مشاكل فى النوم وهيا ان عملية التنفس مش سهلة بسبب مااعتقدة وجود لحمية

وبشخر وانا نايم .............فهل فعلاااا لو اتحسن النفس فى النوم هتتحسن الصحة بشكل عام

**ossamayk** · 14-12-2012 08:47 PM

الرياضة ثم الرياضة

**Medicalist** · 14-12-2012 09:25 PM

المشاركة الأصلية كتبت بواسطة rockana9112007

اولا انا متشكر جدااا على مشاركتك وتفاعلك مع الموضوع

انا فعلااا عندى مشاكل فى النوم وهيا ان عملية التنفس مش سهلة بسبب مااعتقدة وجود لحمية

وبشخر وانا نايم .............فهل فعلاااا لو اتحسن النفس فى النوم هتتحسن الصحة بشكل عام

أكيد يا باشا من اسباب العرض الى انا قلت عليه uppera airway resistance syndrome هى اللحميه او اللسان الى بيبقى حجمه كبير او اى سبب بيعمل انسداد مؤقت فى مجرى التنفس بيزيد اثناء النوم وبيعمل الشخير
عالج اللحميه بالليزر او بالجراحه زى ما يكون عند اى طبيب انف واذن و جرب نفسك فى النوم بعدها و ان شاء الله انا متأكد انك هتبقى زى الاول واحسن

**Medicalist** · 14-12-2012 09:34 PM

ببساطة انت نايم و طبيعى لما بيحصل مشكله فى التنفس بتتبعت اشارات للمخ عشان يفوقك عشان ما يحصلش نقص فى نسبه الاكسجين الى رايحه للمخ دى من نعمه ربنا علينا سبحان الله
اللحميه او مشاكل فى الاذن او كبر حجم اللسان و خصوصا لو نايم على ظهرك بتزود او بتعمل انسداد للبلعوم الى هيبعت اشاره للمخ و هكذا
كتره اثاره المخ بتعمل حاجه اسمها sympathetic overstimulation ودى بتعمل مع الوقت زياده فى الضغط و طبعا عدم حصل الجسم على كفايته او body restoration of activity من النوم بيحصل excessive daytime sleepiness و بالتالى احساس دايما الشعور بالارهاق و زياده فى الوزن مع الوقت و احباط و يخش لمريض فى دائره مفرغه
الامريكان هم اول ناس طبقوا علم النوم والاهتمام بيه وانه 90 فى الميه من الامريكان عندهم مشاكل فى النوم
احنا هنا فى مصر بيتعدوا على الاصابع الى شغالين وفاهمين فى المجال ده