الموضوع: الحقنى ياسمسم باشا بجد هبيع العربيه

المشاركة الأصلية كتبت بواسطة mamdoh zaky

خلف مبنى الازاعه والتلفزيون فى وكالت البلح

للاسف اغلبية وكالة البلح نصابين وبيبيعوا حاجات بايظة , ولازم يكون واحد فاهم قوى عشان يكشف الحاجات المستعملة

وانت خدت الحاجة بدون ماتشوفها ودة اكبر غلط

شوف هو كدة اللى اقدر اقولهولك حاجة انى هبعتك لميكانيكى قولة بس انت من طرف سامح , وبيقولك اكشفلى على العفشة , وانا هكلمة او كلمنى وقولى انت رايحلة امتى , وانا اكلمة , وهيكشفلك على العفشة ومش هياخد منك حاجة ماتقلقش , ويقولك على اللى فيها بالظبط

وماتقولش انت غيرت اية , قولة بس اكشف على العفشة عشان عايز اشوف اية اللى بايظ

ولو طلع حاجات من اللى انت مغيرها بايظة تفكها وتروح ترميها فى وشة وتقولة هات فلوسها كل دول بايظين او يغيرهوملك بحاجات نظيفة

المشاركة الأصلية كتبت بواسطة mamdoh zaky

بجد شكرا اوى لزؤق حقيقى موقع ناجح وفعال بس بمكن العنوان ورقم موبيل حضرتك علشان نقدر نتواصل
والله يا سامح انا اتخنقنت وبزعل اوى لما حد من صحابى يركب معايا ويقولى العربيهناشفه وكلام من ده بحس ان كده بهين الهوندا والله بكلمك بجد عالى فكره انا العربيه عندى مفهاش خربوش ومرشوشه بويه اسكنز ومهتم بيها جدا بس زى مقولتلك ما باليد حيله ويارب مكنش بجد ذعجتك وصدعتك بجد انا محروج منك اوى وشكرااااااااااااااااااااا اااااااااااااا

اية ياباشا انت عامل تكليف لية كدة , احنا كلنا هنا اخوات , ومحدش بيبخل على حد بمساعدة , ودة هتلاقية فى الهونداوية كلهم بلا استثناء

وعموما ياباشا دة رقم تليفونى 01003088605 , وانا ساكن عند دائرى المريوطية

وعادى ياباشا ولا احراج ولا حاجة ولا ازعاج ولا حاجة , ماتقولش كدة احنا اخوات تعالى انت بس تنورنى وانا اقولك العفشة اللى عندك دية فيها اية