الموضوع: مشكله قانونيه لصديق

المشاركة الأصلية كتبت بواسطة dr.hazem

عندنا عماره اقل شقه فيها تسوى 350 ألف وكلها على بعضها مبتجبش 200 جنيه في الشهر!!
الله المستعان
الادهى ان اتنين من السكان مش بيرضو يسددو (ايجار الواحد 5 جنيه وربع) ومنساش اني طلعت لواحد منهم قلتله انا بتغدى باضعاف الرقم بتاعه واني متصدق عليه بال5جنيه!!

ههههههههههههههههه
بالنسبة لصاحب الموضوع...
لا يمكن تغيير اسم المستأجر الا بتغيير العقد وانا هكلمك كمالك اتطلب مني اني اغير الاسم... للأسف كان ردي اني لو هغير العقد هتتغير القيمه من 19جنيه الى 2000جنيه ايجار جديد يجدد سنوياً بزيادة 10% وطبعا معجبوش وقالي لا خليني قاعد زي منا وامتنع عن السداد كمان:-d
الخلاصة....
زمان كان الايجار القديم وسيلة تكافليه للي وضعه مش ميسور لكن حاليا الوضع بقا ان المالك حالته المادية زبالة جنب الباشا المستأجر وطبعاً هو عمره مهيحس بالذنب....
ومن زيادة الهم... في شقة والله اللي مأجرها قافلها ومش بيعمل بيها حاجة وبيدفع اجرتها (5 جنيه) وخلاص وقافلها على كده...
عرضنا عليه ياخذ مبلغ ويسيب مرضيش....
يعني قافلها استكساب ليه وللزمن ومش مهم انت كمالك تتحسر على اموالك ال(منهوبه)!!

الله المستعان
تحياتي

sent from my se arc s using forum runner

أبويا كان اشتري بيت من ورثه كان 4 أدوار وفي كل دور شقه وكان الدور الارضي معموله عقد ايجار قديم من صاحب البيت لواحد من ولاده وكانت مقفوله بقالها سنين وعلى البلاط وفي وقت البيع أبويا حاول يقنعه ياخد فلوس ويسيب الشقه ومرضيش أبدا واخواته كمان طلبو من أبويا يأجر الشقه اللي فوقها لأمهم عشان مش عايزه تسكن بره البيت (أبويا قال في سره طب ما ابنها يسكنها في شقته المقفوله) المهم أبويا وافق وعملها عقد ايجار جديد وبعد كام شهر لما لقاها ست محترمه جاب والدته هيه كمان سكنت في شقه في البيت واتصاحبو على بعض وونسو بعض وعدت حوالي 12 سنه حاول أبويا خلالها كذا مره يقنع الراجل يسيب الشقه مكنش بيرضى لحد ما في يوم جه خبر ان الراجل ده وقع وهوه ماشي في الشارع واتشل وبعت لأبويا بعدها بفتره صغيره وقاله خد عقد الايجار أهو وأنا مش عايز فلوس أنا معنديش دم ده كفايه معاملتكو المحترمه مع أمي. الظاهر كده ان موضوع الشلل ده خوفه من الأخره.

فيه ناس كتير واخده شقق ايجار قديم وربنا مسهلها وتقدر فعلا على الايجار الجديد لكن قله الضمير مخلياهم مستخسرين يسيبو الشقه وفيه منهم اللي بيبقى معاه فلوس لدرجه انه بيشتري شقه تمليك او بيت كامل وبرضه يفضل متمسك بالشقه الايجار القديم. حسبي الله ونعم الوكيل.