الموضوع: تقرير مصور : شراء و تركيب سماعات كينوود 10 سم في تابلوه سوزوكي التو

المشاركة الأصلية كتبت بواسطة graffittiii

ألف مبروك يامعلم ....
والله ياعمرو جيت في وقتك ....
-هي السمعات دي بتطلع بيز لو الصوت واطي ؟ مش رزع ...لا بيز نقي ومكتوم مش هوا وتريبلات ...
..... ولا كده يبقي تفاؤول أكتر من اللازم ...
أو هل في سماعات 10 سم الوات بتاعها أعلي من كده ....
...

الله يبارك فيك يا ريس

ايوة يا باشا بتطلع بيز حلو و خفيف و صوت محترم اهم حاجة تكون ظابط البيز و التريبل في الهيد يونت و لو عليت شوية البيز ما شاء الله هيشتغل حلو و الميزة في السماعات دي ان الار ام اس بتاعها بيكون في حدود خرج الكاسيت فبتشتغل بكل قدرتها
بخصوص الوات فيه اعلي في السوني 130 وات تقريبا فرق 30 ار ام اس اما الكينوود 20 ار ام اس بس لما سمعت صوت السوني عندهم لما بتعلي بتصرخ و البيز مش اوي بصراحة معجبتنيش الكينوود افضل بس يمكن تقفيل السوني احسن شوية و ار ام اس 30 مش 20

المشاركة الأصلية كتبت بواسطة graffittiii

طيب هي تستحمل جي إم ولا هتزعل ...
أنت جبتها صناعتها إيه ؟ ... معلش عاوز الكود بتاعها أو لينك للـ specification

بص ياعمرو أنا شايف أن أنت من ساعة ماركبتهم وإحنا مصدعينك ...
إديهوملي وخلاص يابني راحة البال ماتتقدرش ...
.

يا باشا متغلاش :)
الصناعة صيني و مش هتلاقي غير صيني انسي دورت و روحت و جيت و عايز اقولك حاجة عشان تريح نفسك مش هتلاقي حاجة هنا اصلي فعلا الا نادرا زي ما تقول الحاجات اللي هنا هاي كوبي
زي الناس اللي فرحانين بالـ جي بي ال بـ275 ج 300 وات اذا كان الأصلي اساسا شوف بكام دولار برة او بما يعادل اكتر من 400 ج هتجيلنا احنا بـ275 ج طب ازاي بالعقل ؟؟ حد يقنعني
بخصوص تستحمل جي ام اعتقد هي مش محتاجة جي ام ديه تتوصل ع الكاسيت عالطول لأنها ار ام اس 20 و السوني 30 ار ام اس يعني نفس خارج الكاسيت فلو جي ام اعتقد ممكن يضربوا و الله اعلم عكس سماعات زي 400 وات فيما فوق الحاجات ديه من 60 و 80 ار ام اس
اما الكود هو 1010 و بص في اول صورة في الموضوع هتلاقي العلبة و الكود و مكتوب عليها الكلام كله :)