الموضوع: خبراتكم في إصلاح بدي فلف فنيس a5

المشاركة الأصلية كتبت بواسطة moratoz

انا عاوز حد يكون بتاع فتيس اوتوماتيك وليس الورش المشهور للصيانه زي مهندس /هاني ومحمد اصلان وخالد علشان ئلي اكتشفته انهم مابيصلحوش بنفسهم ولكن بيفك الفتيس ويبعتوا البدي فلف لحد هما بيتعملوا معاه وطبعا يعلي في سعر الأصلاح علشان هوا كمان يسوي وسيتفيد من الزبون علشان كدة انا بدور علي حد في القاهرة مباشرة يقوم بالأصلاح علشام ممكن يتم توفير 25% تقريبا من ثمن الأصلاح
وتقبلوا تحياتي لكل من شارك او يشارك برأيه او تجاريه

ولكن الغريب ان مفيش حد لغايه دلوقتي رد عن تجربه الأصلاح نفسها يمع ان العيب دة منتشر في أكثر موديلات الاوكتافيا حتي موديلات 2007 يعني الناس التي قامت بالأصلاح فعلا اصبحت لا تدخا المنتدي وكبرت دماغها

---

#ff0000

سيدى الفاضل بعد السلام عليكم
احب اعرفك انى اتعرضت لمشكلة الفالف بودى فى عربيتى القديمة الa5 وانا عميل عند المهندس خالد اسماعيل اللى فى الواحة فى مدينة نصر ولما قولتله قالى ممكن ان شاء الله يتعمل بس فيه نسبة فشل انه ما ينجحش ولكنى قولتله اتوكل على الله وربنا يجيب اللى فيه الخير وعلى فكرة الكلام ده تقريبا من اربع او خمس سنوات. وهو اللى فكه بنفسه وعمل شغله بنفسه مش الصنايعية اللى معاه وانا كنت قاعد على ايده واستغرقت حوالى خمس ساعات القصة دى. ومن كتر لما انا حسيت ان الموضوع طلع كبير مش سهل قولتله انا لو اعرف كده كنت صورتك فديو وعرضته على اليوتيوب وان كنت بتكلم بجد والحمد لله النقلات رجعت زى الفل لحد لما بعت العربية.
المهم هو راجل امين ومحترم وجربه لو حابب مش هتخسر حاجة ان شاء الله.
والسلام عليكم ورحمة الله وبركاته

المشاركة الأصلية كتبت بواسطة moratoz

استاذ amroebraheem بعد التحيه معلش انا أسف بس انا معرفش إيه بالظبط المهندس خالد ياريت وصف بالتفصبل لمكانه
ثانيا أنتا إيه كانت طبيعه الحل هلي غسيل وتنظيف ام تم تغير شيئ وكم كانت تكلفة الأصلاح
وتقبل تحياتي

سيدى الفاضل :المهندس خالد اسماعيل
مكانه:مدينة نصر-الحى العاشر-مدينة الواحة
تليفونه:01002970564
الحل:فك الفالف بالكامل وخروجه من الفتيس-وهو بره قام بتفويره بالكامل جزء جزء(تنظيف كامل بالبنزين لجميع الاجزاء-غيار قطعة واحدة فقط على ما أذكر اسمها سولينويد)
التكلفة:السولينويد:150
المصنعيات بالكامل:300
وهذا كل ما تم .ارجوا الافادة
والسلام عليكم ورحمة الله وبركاته

المشاركة الأصلية كتبت بواسطة moratoz

استاذ adham المحترم جداً
تحياتي وتشكراتي علي ردك المحترم الوافي لأنك عرفت بالظبط انا عايز ومحتاج إيه وأفدت بكل احتمالات المشكله وطرق حلها فيما يبدو عن خبرة وهذا ما كنت ابحث عنه تشكراتي مرة اخري ولباقي الزملاء الذين اعطوني اهتماهم واستاذ aliabdo لأن في ناس حاولت تساعد علي مقدار المعرفة الخاصة بهم
معلش فين محمد ألونش دا بالظبط عشان انا جاهل في الحرفيين شويه ولو امكن تقريبا تكلفة الأصلاح لو فألف وهل يقوم بتغير البلف البايظ فقط ام يقوم بتغير البدي فلف كله بما يحتويه من بلوف علشان انا عليه أغير الفلف البايظ فقط فهل هذا ممكن
وتشكراتي وأحترماتي مرة اخري علي حسن ردك وأهتمامك بالرد

العفو يا صديقي العزيز كلنا هنا بنحاول نساعد بعض و اللي عندة خبرة سابقة او تجربة حتى لو مريرة بيشارك الاعضاء فيها علهم يستفيدوا

بص انا من سنين مارحتش عند الونش دة بس هو فعلا امين و فاهم قوي, و ماعرفش تكلفة الاصلاح حاتبقى كام و لا ان كان حايجيب البودي فالف و لا حايقولك انت اشترية, فعلا ماعرفش, انا زي ماقلتلك مارحتش عندة من اكتر من 5 سنين مثلا, ممكن تروح تلاقية مشي مثلاً, بص انت داخل الحرفيين من جسر السويس وماشي و سور المزوعه علي يمينك, و تلف من السور يمين في اتجاهك لناحية مدينة السلام و تمشي شوية في حتة الطريق فيها بيلف شمال و بيبقى مخنوق قوي, قبل الحتة دي حاتلاقي على يمينك يافطة على فرن دوكو باسم "صابر الأسمر" تدخل يمين من الشارع اللي قبلة وقبل اخر الشارع عاليمين ورشة الونش, و هو مش ميكانيكي و انما متخصص فتيس اوتوماتيك و بس

وربنا معاك