اولا تغيير الزيت ممكن يحل الموضوع مبدئيا, بس معاة تغير فلتر الصفاية اللي في الفتيس من جوة من تحت و لما يتفك بيتم رش سبراي تنظيف على وش البلوف من تحت ثم يتم تركيب الفلتر الجديد و تقفيل كارتيرة الفتيس ثم ملو زيت جديد, و مش لازم تحط الزيت الاصلي دلوقتي بس تجيب يا زيت شل دوناكس (علبة سوداء و عليها تكت اخضر في ابيض) يا زيت موبيل او امارات ترانس ماكس و لازم لازم و ضروري تجيبهم بنفسك من محطة البنزين ومش من بتاع زيت في محل, تجيب 4-5 لتر معاك و تروح لبتاع الفتيس
ولو الموضوع اتحل لغاية كدة يبقى شوية و تغير بالزيت الاصلي, ماتحلش يبقى ماكلفتش نفسك غيار زيت ب 1200 جنية عالفاضي
ولما تنزل زيت الفتيس لونة و ريحتة حاتعرف منة ان المشكلة كلاتشات و لأ, لو الزيت ااسود و فية بودرة سودة باينة في الزيت و ريحتة شياط يبقى طقم كلاتشات يتغير (بس يبقى دلوقتي ماتغيرش الزيت و خلي الزيت اللي فية رايش دة ماتغيروش لانك لو غيرتة الفتيس حايجيب اخرة) , اما لو الزيت احمر و نضيف يبقى العيب في البودي فالف غالباً
انت لازم تاخد اكشن في الموضوع دة و بسرعه قبل ما يكبر على فكرة
اللي يعمل الموضوع دة مش واحد بتاع باسات و جولف و جيتا و مش ميكانيكي يعني و انما واحد متخصص فتايس اوتوماتيك
شوف محمد الونش اللي في الحرفيين ورا المزرعه بعد فرن صابر الاسمر, دة محترم و مش بتاع اشتغالات خالص, و فاهم و محترف و ابعد عن مجدي بتاع كنيسة احمد سعيد في العباسية لأنة عكس الكلام دة, و ربنا معاك
المفضلات