الموضوع: خبراتكم في إصلاح بدي فلف فنيس a5

المشاركة الأصلية كتبت بواسطة moratoz

حبيبي afterberner تحياتي روحت النهاردة ولا لسه لو رحت قولي عملت ايه

ازيك ياعمرو
رحت النهاردة عند م/خالد والحمد لله معنديش حاجة ونصحنى امشى بيها عادى ولو حصل زى عندك كده عليك وعلى التوكيل عشان تريح دماغك وهتاخد ضمان سنة وبيقولى البدى فلف اللى هيركب متعدل ومش هتحصل المشكلة دى تانى ده على كلامه
وعديت على عمران لاقيته قافل
ولو فى جديد فى الموضوع ده هبقى ابلغك ان شاء الله
تقبل تحياتى ,,,,,

المشاركة الأصلية كتبت بواسطة moratoz

عمر صباح الفل
هو أنتا اصلا بتشكي كنت من إيه ولا أنتا علي السمع خفت وحسيت انك عندك مشكله - هوا أنتا قلت لمهندس خالد علي حالتي وأخبرك انه لا يقوم بالتصليح ولا إيه وعلشان كدة اروح التوكيل
أنتا ذهبت عند خالد الساعه كام علشان يكون موجود وهل هوا الذي قام بالكشف بنفسه وكام ثمن الكشف وبعدين معلش هوا فين بالظبط في مدينه نصر وحي الواحة ممكن وصفه
والحمد لله ان العربيه عندك طلع مفهاش حاجة بس خلي بالك لو ابتدأت تنتش نتشه خفيفه مطنش ورورح عل طول شوف الموضوع
وتحياتي لمشاركة سعادتك في الموضوع وأكيد هيبقي نشوف بعض او نتشارك في مواضيع اخري

صباح الفل ياعمرو
انا كنت عايز اطمن اصل انا عندى نتشة خفيفة قوى ومش دايما بتحصل وماشى بيها لحد دلوقتى 21000 كيلو ومفيش تغيير والعربية ماشية 165000 كيلو وانا كنت فاكر ان ده العادى طالما اتوماتيك والمشكلة بقه حتى لو فى نتشة خفيفة زى مابتقول ملهاش حل على كلام المهندس خالد قالى انه ممكن يفك وينضف وانت وحظك يعنى ممكن تنفع وممكن لأ والمشكلة هتبقى اسوء من الاول
انا رحت حوالى الساعة 4 وهو كان موجود وكشف بنفسه على الكمبيوتر وجرب العربية بنفسه وقالى مفيش اى مشكلة ظاهرة على الكمبيوتر (مفيش اى اعطال) والكشف كان ببلاش بس انا ربطت عفشة ب20 جنيه
نصيحة م/ خالد فى الحالة بتاعتك ياعمرو وفى حالتى لو وصلت للمرحلة دى روح للتوكيل عشان زى ماقلتلك الضمان والعيب ده مش هيحصل تانى والله اعلم
بقولك ايه هو مينفعش البدى فالف يتجاب من بره
طمنى بقه هو انت مشيت بيها حوالى قد ايه من اول ماظهرت المشكلة لحد دلوقتى وانت ماشى بيها دلوقتى عادى؟؟
نسيت اقولك هو قالى يعرف واحد فى التوكيل يقدر يعملك تخفيض
رأيى تسأل تانى كام واحد وتشوف رأيهم ايه وانا كمان هبقى اسأل واقولك وفى الاخر القرار ليك

عنوان المهندس خالد الحى العاشر مدينة نصر هتدخل الشارع اللى على ناصيته بنزينة موبيل هتلاقى مساكن بلوكات على يمينك هتفضل ماشى على طول هتلاقى سوبر ماركت كبيراسمه الباشا ادخل الشارع بتاعه هتمشى شوية هتلاقيه على يمينك بعد الصيدلية

المشاركة الأصلية كتبت بواسطة moratoz

حبيبي عمر مساء الخيرات
بص انا كان النتشه خفيفه قوي ومن ساعت النتشه الخفيفه لحد ما بقت تيجي اسرع من الاول وبدأت تزرع وتخبط مشيت حوالي ٦٠٠٠ كيلو بس انا كنت جايب العربيه فيها النتشه الخفيفه بعد ما تسخن من المشي شويه يس زي ما قلت ليك تقريبا الزيت ما كنش اصلي
تحياتي واشوفك في ظروف احسن

ربنا يوفقك ياعمرو وتوصل لاحسن حل وابقى طمنى