خبراتكم في إصلاح بدي فلف فنيس a5

**Moratoz** · 24-12-2012 03:52 PM

المشاركة الأصلية كتبت بواسطة afterburner

ده موضوع قديم كان بيتكلم فى نفس المشكلة و فى ناس بتصلحه ممكن يفيد
http://www.nilemotors.net/nile/15379...enttttt-2.html

متشكل جداً يا عمور. علشان أنتا بعد ما ما أطمنت علي عربيتك لسه بتخش ومتابع ومهتم بمشكلتي اما الموضوع فهو في اثنين بيصلحوا احمد زاهر في المعادي وايمن الصاوي في مدينه نصر وان شاء الله هحاول الي ايمن الصاوي في مدينه نصر شكله فاهم من الكلام ئل تم زكرة بالموضوع
متشكر لحضرتك جداً جداً جداً

**ahmed hilal** · 02-01-2013 02:17 PM

سمعت كمان عن عمرو الجبروني في صقر قريش بس معرفش بصراحة شغله عامل ايه

**Moratoz** · 05-01-2013 02:18 PM

انا بصراحه مجربتش شغله بس مرة روحتله كنت عايز أشوف شفرة ريموت العرييه علشان مرة واحدة مباشر شغال المهم كشف علي الكود وجرب الريموت وقلي الريموت بايظ هات ٥٠ جم ثمن الكشف والشغل
المهم انسان معاملته وحشه وتحس انو طماع علشان كدة انا مش هروحله

**forti** · 05-01-2013 02:44 PM

انا اعرف ان احمد زاهر تقريبا متخصص اكتر فى الفتيس انا فاكر انه قالى كده مرة

**Moratoz** · 05-01-2013 05:20 PM

المشاركة الأصلية كتبت بواسطة forti

انا اعرف ان احمد زاهر تقريبا متخصص اكتر فى الفتيس انا فاكر انه قالى كده مرة

اه مش قصدك احمد زاهر بتاع الاسكودا ئل في اول صقر قريش قريب علي الاوتوستراد مباشرة هو كويس بس تقريبا تلكلفة الاصلاح بتبقي ٥٥٠٠ جم علي شان مرة كنت بشتري عربيه وكشفت عندة وقالي تكلفه إصلاحه في حدودو ٥٥٠٠ جم
ربنا المستعان
وتشكراتي واحتراماتي لمداخلتك

**EngAhmedSayed** · 06-01-2013 12:16 AM

المشاركة الأصلية كتبت بواسطة moratoz

انا بصراحه مجربتش شغله بس مرة روحتله كنت عايز أشوف شفرة ريموت العرييه علشان مرة واحدة مباشر شغال المهم كشف علي الكود وجرب الريموت وقلي الريموت بايظ هات ٥٠ جم ثمن الكشف والشغل
المهم انسان معاملته وحشه وتحس انو طماع علشان كدة انا مش هروحله

طيب ليه مشرحتش القصه دى فى موضوع
علشان الناس تاخد بالها من الانسان ده
ربك المستعان

**Moratoz** · 06-01-2013 12:28 AM

المشاركة الأصلية كتبت بواسطة engahmedsayed

طيب ليه مشرحتش القصه دى فى موضوع
علشان الناس تاخد بالها من الانسان ده
ربك المستعان

انا مشرحتش الموضوع دا علشان لم القي تنويهات عن هذا الرجل في المنتدي غير موضوع واحد في قسم الفولكس عن فولكس جيتا مش زي باقي المهندسين المشهورين علي المنتدي مثل أصلان وخالد وهاني ومحمد سمير
وان شاء الله قريبا قربت أوصل لحل لموضوعي وأول ما يخلص سوف أضع الرد في الموضوع حتي تعم الاستفادة وان كنت أتمني تثبيت هذا الموضوع لمعاناة كثر من مالكي a5 من هذه المشكله
ولكن منا تحياتي واحتراماتي

**forti** · 06-01-2013 05:06 AM

المشاركة الأصلية كتبت بواسطة moratoz

اه مش قصدك احمد زاهر بتاع الاسكودا ئل في اول صقر قريش قريب علي الاوتوستراد مباشرة هو كويس بس تقريبا تلكلفة الاصلاح بتبقي ٥٥٠٠ جم علي شان مرة كنت بشتري عربيه وكشفت عندة وقالي تكلفه إصلاحه في حدودو ٥٥٠٠ جم
ربنا المستعان
وتشكراتي واحتراماتي لمداخلتك

أيوة الى على الاوتوستوراد .. اصل بما انى ساكن فى 15 مايو فهو اقرب حاجه ليا على الاتوستوراد .. و اتعاملت معاه فترة كويسة بس اخر مرة كانت العربية فيها مشكلة وش سلندر بس ده كان تالت مرة تحصل و يمكن انا قولت الكلام ده فى المنتدى تمام و قولتله هل كده العربية تبقى عايزة موتور ولا ايه مش معقول ده تالت وش هغيره و كل مرة الموضوع بيخش فى 700 جنيه على الاقل فقالى طيب سيبلى العربية تمام سبتهاله لعل و عسى نخلص من الموضوع ده على الرغم من ان والدى معاق و كنا اى حاجه نعملها فى العربية بنستنى حتى لو هنقعد اليوم كله مع الميكانيكى لان طبعا العربية بالنسبة لبابا اعتمادية جدا و مينفعش الخروج من غيرها .. المهم قولنا فعلا لعل و عسى عشان يشوفها براحته و تتظبط .. هو طبعا قال عشان يكشف براحته اذا كانت هتحتاج جوان وش زى المرتين الى قبل كده ولا هتعوز موتور .. كلمناه بعدها المهم قال عايزة جوان وش بس رغم طبعا انا توقعت ساعتها انها هتعوز موتور .. قلنا خلاص هو الى قال عمل الجوان و غير كمان الراديتير الاصلى و ركب واحد صينى ! .. عشان دورة المياه كانت مليانة طحينة و سدته خالص .. تمام تمام طيب خدنا العربية مكملتش 200 كيلو و نفس اللخبطة حصلت اثار طحينة على غطا الموتور و كذلك طحينة فظيعة فى دورة المياه الاتنين طبعا روحناله هنتجنن .. راح قايل ساعتها يبقى عايزة موتور .. كده فى حاجات من جوه مش باينه بالعين لما كشف ساعتها ( بيبرر يعنى ) المهم قالنا موتور و حتى تحس انه مكنش عايز يعمل الموضوع ده قفل الكبوت .. العربية عايزة موتور ربنا يصيرك يا حاج و الله انا عارف العربية دوختك .. و كأن هيقولنا ربنا يعوض عليكوا .. مش مثلا لو هنعمل الموضوع ده انا فاضى فى كذا و هنروح فين و نعمل ايه لا مفيش الكلام ده كله .. قلنا طيب خلاص مش هنعمل الموضوع ده عنه .. بس كده

غير كده بقى فترة التعامل الى قبل كده كلن مفضل جدا لوالدى عشان قريب .. المكان نظيف جدا بصراحة و واسع و هو كمان منظم .. قطع الغيار بتبقى عنده سواء موتور يفك منه اى حاجه .. او حاجات جديدة باستثناء لو حاجه مش عنده بيقول هاتوها من الهاشميه

**Moratoz** · 06-01-2013 09:29 AM

الغريب ان اكثر الصنانعيه اصبحو يتعاملوا مع الزبون بمبدأ طور ونحلبه يعني لو هوا من الأول كشف كويس كان ثمن الثلاث مرات الخاصين بوش السلندر كانو دخلوا في ثمن الموتور ونشتريه وخلاص بس هما عايزين يريحوا دماغهم والزبونكل شويه يجي تاني وتالت
والمهم الواحد مبقاش عارف يروح فين ولمين والتصليح هيبقي كويس ولا اشتغاله
ربنا المستعان وبتبادل خبراتنا في المنتدي علي الأقل بيكون عندنا فكرة نالموضوع والحلول االمقترحه لأقرب للتنفيذ لأن احيانا كثيرة بيكون احد الأعضاء مر بنفس التجربه ويعرض خلاصة ما توصل اليه.
ولكم منا تحياتي

-

الموضوع: خبراتكم في إصلاح بدي فلف فنيس a5

LinkBack

أدوات الموضوع

عرض

-

-

-

المواضيع المتشابهه

حكايتى مع فنيس الجيتا وقدري الندل

زيت فنيس الاتوماتيك

خبراتكم مع ورش أثاث

عايز خبراتكم

خبراتكم في شهر العسل

الكلمات الدلالية لهذا الموضوع

المفضلات

المفضلات

ضوابط المشاركة