انا لا اشجع جنط ١٧ ده خالص و عندى اكتر من صديق عانوا منه قوى و لذلك يا باشا جنط ١٧ الناس ده الناس بتهرب منه و الكاوتش اللى بيركب عليه بيبقى low profile و ده اثبت انه غير مناسب لطرقنا المكسره لانه مع اى نقره كبيره او غطاء بلاعه او مطبات من اللى معموله يدوى دى الكاوتش بيعمل بلالين و ده ملوش حل غير ان الفرده اللى فيها بلالين تتغير بواحده جديده و إلا الكاوتش ممكن لاقدر الله يفرقع فى اى لحظه و الموضوع ما بيبقاش مرتبط بحاله الكاوتش سواء جديد او قديم فممكن الفرده تحتاج تتغير بعد أسبوع و ممكن تقعد فتره و ده انت و حظك. كمان ده هيعلى العربيه و ممكن يؤثر على الثبات مع السرعات لانه مش معمول حسابه و اعتقد انه هينشف العفشه زياده ما هى ناشفه. نصيحتى خليك فى المقاسات الموصى بها فى الكتالوج لان دى نصيحه اللى مصنع العربيه و ممكن تغير الجنط بواحد اسبور بس مقاس ١٥ برضه يكون شكله حلو و ده احسن حاجه و انا حتى مش شايف لزمه للجنط ١٦ وزى ما قلتلك ارجع للنصيحه بتاعه الصانع شوف المقاسات الممكنه ايه فلو كان فيها ١٦ يبقى ممكن تركبه و لو مكنش يبقى خليك فى ال ١٥ و طبعا ابعد خالص عن ١٧ فسمعته السيئه سابقاه فى السيراتو و المازدا و السول و دة زى ما قلتلك هو مش عيب عجل لكنه عيب طرق و على فكره لو حصل فيه بلالين بعد ما اشتريته بيوم محدش هيرضى يرجعه لان عيب الطرق يندرج تحت سوء الاستخدام و البائع ملوش دعوة بيه فهتلاقى نفسك متدبس فى الكاوتش و الجنوط
المفضلات