الموضوع: نظريتي المتواضعه في تحويل العربية للغاز الطبيعي

المشاركة الأصلية كتبت بواسطة M!NA

الفورتشنر هتكون عملية أكتر و موفرة أكتر لسببين...
أولا لأنها 4 سلندر و 2700 سي سي بس

ثانيا من ناحية قطع غيار الموتور...هتكون سهلة لأنها نفس قطع غيار موتور الهايلوكس (النص نقل) البنزين

بس الضريبة على الأكتر من 2000 سي سي هي اللي بتكون عالية... فالترخيص هيكون غالي

و اكيد حرام تجيب عربية 2013 و تركبلها غاز... كدا تبقا بتعدمها... الغاز ده تركبه في عربية قديمة شوية لكن مش موديل السنة....

اشكرك يا استاذ مينا على الاهتمام والرد
حضرتك معندكش فكره الضريبه او تكلفه الترخيص السنويه واستهلاك البنزين فى الفورتشنر
انا قريت انها 5000 جنيه لفوق 2000ccهل حقيقى الكلام ده؟
معلش هطمع فى معلومات حضرتك شويه كمان واخد رايك
انا عايش خارج مصر وراجع قريب ان شاء الله وطول عمرى راكب سيدان بس لما بأنزل اجازات بشوف فعلا ان الطرق وسلوكيات السواقه محتاجi ان الواحد يكون معاه دبابه مش عربيه عاديه فبصراحه محتار ارجع اركب سيدان عربيه زى مابقيت الناس راكبه اشوفلى كورولا ولا استرا او اوكتافيا او جيتا ولا تفكيرى صح وان الموضوع عضلات
اسف على الاطاله

المشاركة الأصلية كتبت بواسطة m!na

فوق ال2030 سي سي التكلفة بتكون 2% من سعر العربية و بتقل 10% كل سنة
يعني مثلا الشيروكي لما كانت ب320 الف كان ترخيص أول سنة 6000
تاني سنة 5400 (6000 - 600)
و تالت سنة 4860 و هكذا... ضيف عليهم التأمين الإجباري

موضوع السواقة في مصر أكيد كل ما تكون العربية عالية كل ما يكون أفضل ليك... عشان الرؤية بتكون أوضح كتير... و طبعا عشان الميكروباصات و النص نقل مقضيينها بلطجة... بس ركوبك الفورتشنر مش هو اللي هيفرق أوي لأن برضو تعتبر حديثة و الخبطة عندك هتكلف

لو عايز تركب حاجة تعرف تمشي بيها هتضطر تركب قديم... رانجلر قديمة... شيروكي تسعينات ... لاند كروزر تعلبة... جي ام سي

و طبعا الحاجات دي معظمها بيفتقر للراحة و الرفاهية

اشكر حضرتك مره تانيه بس بصراحه حيرتى زادت جدا ومش عارف اركب ايه

المشاركة الأصلية كتبت بواسطة M!NA

بص.. لو هتركب عربية عادية... اركب حاجة منتشرة عشان لو لا قدر الله حصل تلفيات تقدر تلمها
اما لو هتركب فور باي فور.. فحاول تركب حاجة موديلها مش حديث عشان الضريبة تكون وصلت للحد الأدنى..و كمان قطع الغيار بس اهم حاجة الحالة... لأن لو حالتها مش كويسة هتكلفك اكتر من اللي وفرته..
انت حاطط ميزانية كام؟

المشكله مش فى ميزانينى المشكله فى الاسعار
يعنى هدى حضرتك مثال : لما الالنترا والسيراتو الجديد ينزل ب 170 الف يبقى لا ادفع 50 كمان ولا اكتر شويه واركب اللى نفسى فيه ،طول عمرى بحب SUV و 4x4 ودلووقتى اكتر من الاول بحكم ظروف البلد واسعار العربيات العاديه (زى الكورولا والسيراتو والالنترا)اللى بقت فى السما.
يعنى بحب الليبرتى جدا بس معتقدش هلاقى مستعمل دلوقتى نضيف عشان كده فكرت فى الفورتشنر وهى تعتبر اوحش الكويسين وزيرو
كل اللى عايزه عربيه عاليه وعائليه وتكون اعتماديه واقتصاديه الى حد ما لانى مش بهين العربيه ولا غاوى شد وبحب العربيه تبقى على الشعره وسنجه عشره

المشاركة الأصلية كتبت بواسطة M!NA

روح شوف العربيتين مرة تاني...الرانجلر و الفورتشنر... و شوف ارتحت أكتر لأنهي واحدة.... و قبل التنفيذ قوللي و نقارن النقط ...

والله مش عارف اشكرك ازاى
انا شوفت الاتنين (الفروتشنر اللى شوفتها 4000cc)وزى ماقلت لحضرتك ااقرب لعقلى الفورتشنر للاسباب التاليه:
1- صالونها اوسع (وخاصة الكنبه الخلفيه)
2- عفشتها هتكون انعم (مش زى السيدان طبعا بس افضل من الرانجلر)
3- 2700cc وبالتالى الى حد ما اكتراقتصاديه مقارنه ب 3600
4- توكيل اثق فيه

اللى محيرنى طبعاوقلقنى بصفه عامه مايلى
1- ان الجيب ماركه افضل فى الفئه دى
2- الرانجلر طبعا افضل كسياره ككل واكثر شبابيه وارخص تقريبا 10 الاف
3- السؤال الازلى هل فى الظروف دى الواحد يدفع المبالغ دى فى عربيه وبرد على نفسى واقول طيب مانا هروح اشترى كورولا ولا استراولا النترا ب 170 الف ، يا استاذ مينا السبورتاج وصلت 250 الف ليييييييييييييييييييييييي ييييييييه
4- للاسف مش لاقى اى حد يدلنى على امكانيات الفورتشنر 2700 وايه الاوبشنز بتاعتها والاختلافات بينها وبين 4000cc

انا مش غاووى اضيع فلوس طالع روحى فى مجايبها بس دلنى ركب ايه ، لو عندك اقتراح او شايف حاجه قدامك قلى
اشكر حضرتك مره تانيه وثالثه ورابعه