ثبات الصني 2013 الجديدة

**Moh.El Saady** · 16-12-2012 12:46 PM

المشاركة الأصلية كتبت بواسطة د.هشام

علشان اجيبلك من الاخر الجين والبيرسونا اللي انت ذكرتهم في الاول حيبقوا ممتعين اكتر علي طريق الغردقة، بس حتتكلف بنزين اكتر، والصني حتبقي ممتعة اكتر جون البلد.

عندك حق دكتور هشام يمكن يكون البيرسونا والجين2 افضل على الطرق السريعة لكن بصراحة انا حابب شكل الصني الجديدة جدا

**toty_305** · 16-12-2012 11:33 PM

-العربيه دي ثابته جدا بس بعد ال 160 عشان الخطين اللي فوق السقف بيضغطها الى تحت

- هوب أمسك أقسم بالله بضحك معاكوا

**د. علاء ابراهيم** · 17-12-2012 02:08 AM

المشاركة الأصلية كتبت بواسطة toty_305

-العربيه دي ثابته جدا بس بعد ال 160 عشان الخطين اللي فوق السقف بيضغطها الى تحت

-

هوب أمسك أقسم بالله بضحك معاكوا

**د. علاء ابراهيم** · 17-12-2012 02:30 AM

المشاركة الأصلية كتبت بواسطة Moh.El Saady

استاذ مولا ممكن اعرف رايك حضرتك في الموضوع لأني يهمني جدا برده ..شكرا

ما هو انا رايى من رأى الاخ حاتم
و اتفق ايضا مع راى اخونا الفاضل التالى :

المشاركة الأصلية كتبت بواسطة د.هشام

العربية ثباتها ممتاز حتى ١٥٠ وبتبتدي تعوم عند ١٦٠، وممكن تاخد ملفات عادي عند ١٤٠
والباور بيتقل فعلا مع السرعة
اكيد الثبات حيتحسن لو جبت كاوتش اعرض شوية
بس بالنسبة لطرق السفر لو سرعة الرياح قوية يفضل متزودش عن ١٤٠ علشان العربية وزنها خفيف.

و عن تجربة
العربية دى بالكاوتش اللى نازل فيها بتبقى على سرعة 100 و تحس انك على 60
و ما تصدقش انها فعلا بتجرى الا اما تبعلق فى العداد و تقول " الله دى مش بطيئة دى بتجرى اهيه امال انا حاسسها بتتمختر ليه"
و لحاد 120 او 130 العربية ثابته و كانها واحد قاعد مربع على الارض
بعد كده تبدا تحس ان وزنها اصبح اخف شوية
لما تعدى 160 بقى ( و دى اقصى سرعة جبتها ) تبدا الالعاب

الفرامل جيدة جدا بس الكاوتش الحالى حيتزحلق بيك لو كنت كابس و اللى حيلحقك هو الabs

بعد تغيير الكاوتش لنوع " اكثر احتراما" و حجم اكبر بقليل (من 185 يبقى 195)

احساس ان العربية بدات تبقى خفيفة شوية لن يراودك الى على 150 ( لسه مراودنى من ساعتين)
و ما جربتش ازود عن كده بعد تغيير الكاوتش - عشان اعرف الالعاب حتبدا عند سرعة كام- لانى مش فى مود الحوادث اليومين دول

اه و الفرامل بتتحسن اكتر و اكتر و صوت الكاوتش بيقل و التاثير السلبى على الباور يكاد يكون صفر

**the_air_devil** · 17-12-2012 09:34 AM

عايز بس اقول حاجة

العربية بشكلها الملعبك المكعبر - بصراحة ماكانش عاجبني لكن لقيتها إجمالاً كويسة جداً في حاجات تانية - بتتأثر بالهواء , ممكن تحس بالرجة بتاعت أي عربية تعدي من جنبك ولو كنت واقف على سرعة صفر

على السرعات العالية خلينا واقعيين , العربية ثباتها عادي زي أي عربية في فئتها , لكن عمرها ماهاتوصل للجيتا أو الفيكترا أو الأوكتافيا , خصوصاً بعرض الكاوتش الحالي ونوعيته

ولو بنتكلم على سرعات عالية في مصر بالذات , مشاكلها مش الثبات , مشاكلها مفاجآت الطريق اللي مش متوقعة مطلقاً وحالته الرديئة اللي ماينفعش معاها أكتر من 120 , وأعلى من كدة بتبقى جميع العربيات سواء من جهة التأثر بالحادث والتدمير الكلي لجسم العربية وأجسام الركاب !!

انما تجربتي كمالك للعربية من بدري ورايح جاي بيها على طرق سريعة أو طرق مزدحمة , ثباتها ممتاز على 120 لحد 140 , وباكرر واقول العربية مش بتخرج من حارتها ولا الكلام ده , انت بالفعل بتحس بتأثير ضغط الهواء بتاع اي عربية كبيرة معدية جنبك بس سبق وقلت ان ده بيكون ولو على سرعة الصفر , ده نتيجة لشكل جسم العربية وخفة وزنها وبيعتبر من عيوب الصني الجديدة ولازم ناخد كدة في اعتبارنا خصوصاً عند التحكم في العربية

ومن رحمة ربنا ان الباور كهربا وبيتقل مع السرعات العالية , لأن خروج العربية من مسارها ده معناه ان اللي سايق مش متحكم تماماً في الدركسيون , وده بسبب انه مش ماسكه كويس أو ان الدركسيون ناعم على سرعة عالية , أو نتيجة للفزع المفاجئ من رجة العربية فغصب عنه بياخد رد فعل يخلي العربية تروح وتبعد

عموماً العربية دي مش من المفضل مطلقاً الجري بيها فوق 140 , ولما باعدي السرعة دي بيكون لتجربة السحب بس علشان اتطمن على حالة العربية وأداءها وبيكون في مكان فاضي تماماً وطريق انا عارف كل حتة فيه علشان أمان الناس وأماني , لأنها أرواح ناس ماينفعش نجرب فيها

ولو بنتكلم على 180 و 200 , هي العربية بتبقى ماشية لكن باحس انها طايرة من فوق الأرض , بشكل مش مطمئن إطلاقاً ويدفعك غصب عنك تقلل سرعتك , اللي هي أصلاً أقل من السرعة القصوى بعشرين كيلومتر بس !!! وماحدش عاقل هايجيب السرعة دي في الظروف العادية

**SonaSteel** · 17-12-2012 11:04 AM

مبدئيا ........ ثبات الصني الجديدة اعتقد لا يقارن بالجين تو ولا البيرسونا الصراحة
الجين تو علي الطريق رووووووووعه ماشاء الله ..... يتتحرك في (الغرز) حتة واحده ماشاء الله

يعني انا بحاول اوصل بالصني القديمة لنفس ثبات الجين تو ....... الي هي اصلا اعرض واوطي من الجديدة

انت شوف مشيك ازاي و بتحري ولا لا

والثبات علي فكرة مش انك تفضل ماشي طوالي وتجيب 200 ويبقي العربية ثابته
لا في الغرز و الملفات

انت حددت نقطة الثبات ....... لو علي الثبات يبقي الجين تو والماتور كمان

ومتنساش الاستخارة وربنا ييسرلك الخير يارب

المشاركة الأصلية كتبت بواسطة toty_305

-العربيه دي ثابته جدا بس بعد ال 160 عشان الخطين اللي فوق السقف بيضغطها الى تحت

-

هوب أمسك أقسم بالله بضحك معاكوا

ههههههههههههههههههههههههه ههههههههههههههههه

الحمد لله جت سليمة

**Moh.El Saady** · 17-12-2012 01:26 PM

[QUOTE=theblackpirate;3874696802]

المشاركة الأصلية كتبت بواسطة the_air_devil

قبل ماتجيب سرعات عالية لازم تغير كاوتشك للفئة المناسبة , والأخوة اللي بيشتكوا من عدم ثبات زيادة بيكون منهم كتير لسة ماظبطوش ضغط الكاوتش اللي بييجي على 40 من المعارض والمصنع , ولذلك بالاقي معظم العربيات الجديدة أعلى من عربيتي وافاجأ ان الكاوتش منفوخ على الآخر, وده بيزود الإحساس بالمطبات ويفقدك الاتزان على سرعات عالية

سؤال فنى مفروض الضغط يبقى على كام عشان انا لسه مظبوطش ومش عارف مفروض يبقى رقم كام ؟؟؟

المفروض تظبيط الكاوتش يكون 33 قدام و30 للخلف ومانتساش تقولنا ايه الاخبار بقة؟