الموضوع: حد جرب التايم شير مع عامر جروب (بورتو) ؟

عامر جروب شركة نصابه ليا انا و ناس كتير قضايا نصب معاها
نصيحه متشتريش سمك في ميه منهم

كلها نصب و الشركه دي من كتر ما اتفضحت عملو كذا شركه بنفس النظام باسامي مختلفه

و في الاخر هيخلوك تدفع مبلغ سنوي برضه :) صيانه او حاجه زي كده و معرفش ليه الحكومه بتسكت علي الحاجات دي

عامر جروب سمعته ألماظ و لكن لا أفضل التايم شير عالاطلاق التمليك أحسن استثمار

المشاركة الأصلية كتبت بواسطة estimation

عامر جروب سمعته ألماظ و لكن لا أفضل التايم شير عالاطلاق التمليك أحسن استثمار

ما هو فيه مثل الصيت و لا الغنى

المشاركة الأصلية كتبت بواسطة Karim_Monir

طيب ما تقول لناس تجربتك معاهم عشان نستفيد

اشتريت محل في بورتو كايرو مول من 2010 و كان المفروض تسليم 6-2012 لما جيت امضي العقود اتفاجأت ان بقت 12-2012 و بتاع المبيعات مش مشكلة 6 شهور و مش عارف ايه و بعد كده دا اتاجل ل 6-2013 و في الاخر اتاجل ل 2014 بدون تحديد معاد ( دا بالنسبه لمواعيد التسليم و التاخير ده علشان بياخد فلوس الناس و بيبني بيها مشاريع تانيه و بيستثمر فلوسهم )

تاني نقطه المحل اللي شاريه بمساحه معينه التاجير بيبقى بالمتر هوب كانوا خصمين 30 في الميه من المساحه في التاجير ( و عرفت من بره ان الفرق بياخدوه في جيبهم )

تالت نقطه المحلات بياجروها بسعر قليل جدا و خلاف السعر اللي متفقين عليه لو قولت اقل الخمس ممكن محدش يصدقني و برضه الفرق بياخدوه في جيبهم

الدليل بقى ان عقود الايجارد اللي بيمضوها بيرفضوا يوروها للملاك الاصليين و بيقولوا اخبط دماغك في الحيط
دي مش مشكلتي لوحدي فيه جروب عاملينه لضحايا عامر جروب بالنسبه للمول ده بس

اه صحيح عامر الكبير قابلناه و قال بالنص ( انا مليش دعوه باللي بيقوله مندوب المبيعات بتاعي علشان يبيع و يحقق التارجت بتاعه )

كل ده و اسمي صاحب محل و فيه عقود ايجار و التزامات فما بالك بتايم شير !!!!!

عامر جروب من اول صاحبها لحد اصغر واحد كلهم حراميه و ياريت اشوف حد فيهم هنا في الموقع