إستفسار بخصوص Honda Civic 93 Hatchback

**abo-berry** · 18-12-2012 10:56 AM

كلامك جميل يا عم سامح .
المشكلة بقي في حاجة واحدة ، انك تلاقي حد كويس يشتغل فيها ،كل بتوع الهوندا اللي في الحرفيين بياعين طورشي اصلا ولو قلتلي سعيد بتاع التوكيل هقولك انه حراق، فعلا بتاع توكيل

**belladona** · 18-12-2012 02:04 PM

حلو بس انا اركب متور معمله عمرة صح الصح ولا اجيب متور استيراد معرفش اتعمل فيه ايه برة ولا ايه

**Adham** · 18-12-2012 02:37 PM

المشاركة الأصلية كتبت بواسطة belladona

حلو بس انا اركب متور معمله عمرة صح الصح ولا اجيب متور استيراد معرفش اتعمل فيه ايه برة ولا ايه

برة مابيتعملش حاجة

برة بيتغير بجديد اي جزء يبوظ .... و الصيانة انضف من شغل التوكيلات هنا و مافيش عك

انما هنا الصناعيه كفتجية و الخامات سيئة وشغل الخراطة زفت , تاخد كرنك بيضاوي وشمايز معتبة و غيرة و عيرة

و خامات الصلب عند الخراطين سيئة للغاية لو بتعمل شمايز او بنوز اي اي شيء مش حايبقى مظبوط

**belladona** · 18-12-2012 03:27 PM

معنى كدا لو دفعت 20 الف جنيه تمن متور type r يبقى ارميه عاشت مصر اهو هاانت كلها 3 سنين ونمشي من البلد دي

**abo-berry** · 18-12-2012 05:54 PM

فعلا احنا هنا معندناش صانيعيه احنا عندنا كفتجيه
0_o

**Adham** · 19-12-2012 09:48 AM

المشاركة الأصلية كتبت بواسطة abo-berry

فعلا احنا هنا معندناش صانيعيه احنا عندنا كفتجيه
0_o

خلاااااااااااااص يبقى نصلح عربياتنا في التوكيل افضل ................ أبو شقرة

هههههههههههههههه

**belladona** · 19-12-2012 10:36 AM

بس عندي برضو تعليق الي عايز حاجة نظيفة هايجيب لان بكل بساطة النظيف موجود والتعبان موجود والخامات النظيفة موجودة بس ادفع بقى

**Adham** · 19-12-2012 10:53 AM

المشاركة الأصلية كتبت بواسطة belladona

بس عندي برضو تعليق الي عايز حاجة نظيفة هايجيب لان بكل بساطة النظيف موجود والتعبان موجود والخامات النظيفة موجودة بس ادفع بقى

ماهو لو حاتدفع في مكونات العمرة (أطقم بستم و شنبر و صباب و سبيكة اصلية) تمن موتور استيراد او بلوكة استيراد يبقى تجيب البلوكة احسن ,

**ahmedeihab** · 19-12-2012 10:56 AM

المشاركة الأصلية كتبت بواسطة adham

ماهو لو حاتدفع في مكونات العمرة (أطقم بستم و شنبر و صباب و سبيكة اصلية) تمن موتور استيراد او بلوكة استيراد يبقى تجيب البلوكة احسن ,

و الكلام ده عامل زى البطيخه

بيبقى زى الفل و كبسه تمام

و تلاقيه بعد فتره جاب شنبر او سبيكه من الركنه

و اسأل مجرب معاك واحد من قلب الحدث

^_^

**Adham** · 19-12-2012 11:32 AM

المشاركة الأصلية كتبت بواسطة ahmedeihab

و الكلام ده عامل زى البطيخه

بيبقى زى الفل و كبسه تمام

و تلاقيه بعد فتره جاب شنبر او سبيكه من الركنه

و اسأل مجرب معاك واحد من قلب الحدث

^_^

عمر الموتور ما يقفش طول مافية زيت, و لو ركنتة سنين مايجيبش شنبر و لا سبيكة من الركنة الا لو فضيت زيتة, و المواتير مش بتتركن عند بتوع ااستيراد كتير قوي يعني مانت شايف الناس بتشتري و المستوردين بيقلبوا بضاعتهم بسرعه و يجيب غيرها و كلها مواتير حديثة

و بعدين لو من الركنة بيبقى قافش و مش بيدور اساساً, انما تلاقية زي الفل و بعد فترة جاب شنبر و سبيكة دة من الاستعمال السيء, لان اللي بيجيب موتور استيراد بيبقى فرحان بية و شغال شد و حرق لغاية ما يدمرة في شهور و بعدين يقولك الحاجة الاستيراد مابيتعشش

انا عمرت مواتير هوندا مرتين, مرة طقم شنبر و قواعد و دلايل لسيفيك كان موتورها خفيف و بياكل زيت شوية, بعد 20 الف كيلو كان خف تانى زي الاول

و مرة عمرة كاملة لأكورد شنبر و صباب و سبيكة و خراطة كرنك و شمايز و طبعا قواعد و دلايل ورودية , صوتة كان خشن وتقييييل و بعد اقل من 10000 كيلو او مافيش كام شهر اتخنقت منة و رميتة و جبت موتو ر استيراد قعد لغاية مابعت العربية سنتين تلاتة ماغيرتش فية مسمار و كانت طيارة ونعومة و اداء

و جبت موتور استيراد لسفيك تانية قعد برضة 4 سنين كان فية جوان وش سلندر بس, و جبت 3 مواتير جولف و شيروكو استيراد بورسعيد برضة على مدار سنيييين , عاشوا سنين كتيييير قوييييي ولا الزيرو

بصراحع مافيش مرة جبت موتور استيراد و طلع خفيف و لا مفوت و لا كلام من دة, بس مرتين كان فيهم جوان وش سلندر و بس, و مافيش مرة عملت عمرة موتور و عجبتني النتيجه

الموضوع: إستفسار بخصوص Honda Civic 93 Hatchback

LinkBack

أدوات الموضوع

عرض

-

-

-

-

المواضيع المتشابهه

معلومات عن honda civic hatchback

Honda civic 2012 hatchback

The new Honda civic 2011 will be only in ................Hatchback

honda civic hatchback 1980 1300cc auto

3ez ashtre civic hatchback mn 92 l 94

الكلمات الدلالية لهذا الموضوع

المفضلات

المفضلات

ضوابط المشاركة