الموضوع: إستفسار بخصوص Honda Civic 93 Hatchback

المشاركة الأصلية كتبت بواسطة Adham

خلاااااااااااااص يبقى نصلح عربياتنا في التوكيل افضل ................ أبو شقرة

هههههههههههههههه

وحياتك ولا الهوا برده . ده أنا دخلت توكيل هوندا اللي عندنا في اليكس عشان أعمل حاجة بسيطة يرد يقولي احنا مش بنشتغل في موديلات اقل من 2001 طب ده ترد عليه وتقوله ايه :s‏ ‏
وحتى توكيل هوندا اللي في القاهرة يقولك مش بنشتغل غير في العربيات الاستوك . طب يا بشمهندس مش ده موتور هوندا بردو ولا موتور توك توك .
بجد احنا في بلد غريبة
0_o

المشاركة الأصلية كتبت بواسطة belladona

بس عندي برضو تعليق الي عايز حاجة نظيفة هايجيب لان بكل بساطة النظيف موجود والتعبان موجود والخامات النظيفة موجودة بس ادفع بقى

ماشي أنا معاك بس المشكلة مش في كده ، المشكلة في الصانيعي اللي بيعجن .
يعني أنت بتعمل عمره دلوقتي ، مش سمسم هو اللي ب يوجه الميكانيكي ولا هو شغال مع نفسه !
نفس الكلام مع أحمد إيهاب عنده مشكلة في موتوره و مش هيشتغل فيه غير لما يكون سمسم واقف علي ايد الصانيعي عشان الشغل يطلع صح
السؤال بقي هنا : كام واحد في مصر معاه هوندا يعرف سمسم أو شخص زي سمسم ب يفهم اووووووي في الهوندا عشان يقدر يوجه الميكانيكي !؟
‏o_‏‎0

المشاركة الأصلية كتبت بواسطة Adham

عمر الموتور ما يقفش طول مافية زيت, و لو ركنتة سنين مايجيبش شنبر و لا سبيكة من الركنة الا لو فضيت زيتة, و المواتير مش بتتركن عند بتوع ااستيراد كتير قوي يعني مانت شايف الناس بتشتري و المستوردين بيقلبوا بضاعتهم بسرعه و يجيب غيرها و كلها مواتير حديثة

و بعدين لو من الركنة بيبقى قافش و مش بيدور اساساً, انما تلاقية زي الفل و بعد فترة جاب شنبر و سبيكة دة من الاستعمال السيء, لان اللي بيجيب موتور استيراد بيبقى فرحان بية و شغال شد و حرق لغاية ما يدمرة في شهور و بعدين يقولك الحاجة الاستيراد مابيتعشش

انا عمرت مواتير هوندا مرتين, مرة طقم شنبر و قواعد و دلايل لسيفيك كان موتورها خفيف و بياكل زيت شوية, بعد 20 الف كيلو كان خف تانى زي الاول

و مرة عمرة كاملة لأكورد شنبر و صباب و سبيكة و خراطة كرنك و شمايز و طبعا قواعد و دلايل ورودية , صوتة كان خشن وتقييييل و بعد اقل من 10000 كيلو او مافيش كام شهر اتخنقت منة و رميتة و جبت موتو ر استيراد قعد لغاية مابعت العربية سنتين تلاتة ماغيرتش فية مسمار و كانت طيارة ونعومة و اداء

و جبت موتور استيراد لسفيك تانية قعد برضة 4 سنين كان فية جوان وش سلندر بس, و جبت 3 مواتير جولف و شيروكو استيراد بورسعيد برضة على مدار سنيييين , عاشوا سنين كتيييير قوييييي ولا الزيرو

بصراحع مافيش مرة جبت موتور استيراد و طلع خفيف و لا مفوت و لا كلام من دة, بس مرتين كان فيهم جوان وش سلندر و بس, و مافيش مرة عملت عمرة موتور و عجبتني النتيجه

ههههههههههه الكلام متفصل علي أحمد إيهاب بالسوكه
‏o_‏0

كتر الكلام على المواتير الخفيفه ده وحش اوي وكمان الكلام عن العمرة ده اعوذ بالله منها ربنا يبعدنا عنها انا بقا عاوز اسأل ايه الاعراض الاساسيه اللي لما اشوفها اتاكد ان المكنه خفيفه وهل صحيح ان لما الشاكمان يطلع نقط مية في بدايه الدواره في الشتا معنى كده ان العربيه تمام مفيش فيها حاجه غلط لان سمعت الكلام ده من كذا واحد ولكم جزيل الشكر .

المشاركة الأصلية كتبت بواسطة abo-berry

ههههههههههه الكلام متفصل علي أحمد إيهاب بالسوكه
‏o_‏0

معلش مش فاهم قصدك, انهي جزء في الكلام متفصل علية من حيث اية ؟؟

المشاركة الأصلية كتبت بواسطة hamada maher

كتر الكلام على المواتير الخفيفه ده وحش اوي وكمان الكلام عن العمرة ده اعوذ بالله منها ربنا يبعدنا عنها انا بقا عاوز اسأل ايه الاعراض الاساسيه اللي لما اشوفها اتاكد ان المكنه خفيفه وهل صحيح ان لما الشاكمان يطلع نقط مية في بدايه الدواره في الشتا معنى كده ان العربيه تمام مفيش فيها حاجه غلط لان سمعت الكلام ده من كذا واحد ولكم جزيل الشكر .

العربية تعرق لما يكون الاشعال مضبوط, البوجيهات جديدة و توقيت الاشعال تمام, و حالة الموتور معقولة, بس ممكن موتور خفيف شوية او بداية سبايك او بيل بيرزع يعني و برضة تعرق, و لو التعريق دة بزيادة و كمان و الجو حار بيبقى تهريب مياة من وش السلندر, يعني غرف الحريق بتشفط مياة تبريد من جوان وش سلندر بايظ برضة تجيب مياة من الشكمان و مش و الجو بارد الصبح بس, و في الحالة دي تلاحظ نقصان مياة القربة بسرعه عن المعدل الطبيعي , و ربما تلاحظ نفخ كبس في الردياتير, و هنا يبقى محتاج تغير جوان وش السلندر (الهيد)