الموضوع: ناعمة و قويه و كلها حنيه...عن لينيا 2013 أتحدث(التقرير الاول و الحصري في منتديات مصر)

مبروك يا باشا على العربية :) لو ممكن تقولنا سعرها بقى كام اليومين الدول بعد الزيادات الاخيرة ؟ و ايه الفرق بين الفئتين فى الكماليات ؟ شكرا مقدما :)

سعرها حاليا 150,000 جنيه
والفرق حضرتك هتلاقيه مكتوب في الموضوع
بس علي ما افتكر
تكييف تاتش
ستائر خلفيه
جنوط سبور
seat pumb
4ايرباج
مفتاح ريموت
نواكل حول السياره بالكمال
مرايات بلون السياره
مخادع يد اماميه و خلفيه
طاره و فتيس و هاند جلد
مخادع راس للكنبه الخلفيه
بلو اند مي
فوجات اماميه
سينسور بارك
هو ده اللي انا فاكره حاليا
وبالتوفيق ان شاء الله
وتحت امرك في اي حاجه

هو مفيش الفئيه الاولى ان 130 عشان مش لاقيها و بصراحه لو مفيش غيرالفئه الى 150 الواحد يكمل و يجيب فوكس بقى

المشاركة الأصلية كتبت بواسطة eng_ahesham

بسم الله الرحمن الرحيم
ماشاء الله لاقوة إلا بالله


التقرير الاول و الحصري عن فيات لينيا 2013 الفئه( إيموشن )


ناعمه و قويه و كلها حنيه

اولا : المواصفات الفنيه
· قدرة المحرك : 1600 سي سي
· القوه الحصانيه : 110 حصان إيطالي أصيل
· العزم : 115n.m@300rpm , 1600cc-110hp@5000rpm
· عدد الصبابات : 16 صباب
· طول السيارة : 4.56
· عرض السياره :1.946
· عرض قاعدة العجلات : 2.603
· نوع الجنوط : رياضيه ( فيات أصلي , كاوتش بردجستون )
· مقاس الجنوط : 16 بوصه
· الفتيس : ديوالجيك ( مانيوال + أوتوماتيك ) 5 سرعات اماميه + واحده خلفيه
· المحرك : 4 اسطوانات متتالية
· حجم صندوق الامتعه : 515 لتر
· سعة خزان الوقود : 45 لتر ( صغير علي الـ1600 )
· السرعه القصوي : 210 كم / ساعه
· وزن السياره : 1275 كجم
· الفرامل الاماميه : ديسكات
· الفرامل الخلفيه : ديسكات
ثانياً : الكماليات
· 4زجاج كهرباء ( 2 امامي اوتو )
· مرايات كهربائيه
· مفتاح ريموت
· راديو سي دي ( الاصلي ) , ام بي ثري
· تاكيف تاتش
· عجله قيادة متعددة الوظائف
· بلو أند مي
· ستارة خلفيه
· مسند يد امامي و خلفي
· فتح صندوق الامتعه من الريموت و من التابلوه ( كهرباء )
· إضاءه اسفل الباب تضيئ عند فتح البابين الاماميين
· طارة + فتيس + فرامل مكسوين بالجلد
· نواكل حول السيارة بالكامل والمقابض
· إيكو درايف
· فولو مي هوم
· نواكل بعدادات التابلوه
· مضخه هواء لكرسي السائق
· مصابيح ضباب اماميه و خلفيه
· التحكم في درجة إضاءة التابلوه و العدادات
· التحكم في فتح و غلف الوسائد الهوائيه للراكب الامامي من الكمبيوتر
· التحكم في تحديد السرعه التي تطلق عندها السياره صفاره تنبيه او غلقها
· إضاءه في الشماسات
· التحكم في إرتفاع كرسي السائق
· كمبيوتر رحلات ( تخزين بيانات 2 رحلة )
· مخرج تكييف خلفي
· عجلة القيادة تتحرك في اربع اتجاهات
· فتح الكنيه الخلفيه علي صندوق الامتعه ( فتحا بالكامل او نصفها فقط )
· مخادع رأس للكنبه الخلفية
· درج التابلوه مضئ.
· حساس ركن خلفي ( خلفي و جانبي )
· إشارة ركن يمين او شمال ( زي اللي في العربيات الالماني ) حاجه تبسط الصراحه j
· فتحة تكييف خلفيه
· فرش قطيفه ممتاز جدا
· مرايات بلون السياره
· اماكن تخزبن في الابواب الخلفيه و الاماميه
· التحكم في ارتفاع إضاءة الفوانيس الاماميه
· غلق الابواب اوتوماتيكياً عند سرعة 20كم/ساعه
ثالثاً : عوامل الامان
· 6 وسائد هوائيه
· فرامل مانعه للانزلاق abs
· نظام التوزيع الالكتروني للفرامل ebd
· مقدمة السياره مدعمة بالواح فولاذ
· الابواب الاربعه مدعمة بالواح فولاذ .
· قوايم السياره مدعمة بالفولاذ
· نظام منع السرقه ( إيمبوليزر )
· حساس صدمات ( زي اللي كان في البونتو )
· 3 طلقات في شاسيه السياره حتي اذا دمرت السياره لا قدر الله تماماً من الامام لا تصل الصدمه ابدأ الي مقصورة الركاب .
· الحوض مصمم علي شكل v لتفريغ الصدمه خارج المقصورة ومنع الوصول اليها .
· مفيش سقاطه لقفل الابواب ( علشان تقلل من إمكانيه السرقه )
· ثبات عالى جدا على الطريق مماثل للسيارات الألمانى بدون أى فروق... و لمن يعلم فأن العفشة الإيطالي مصنعة من شركة بوش الألمانية نفس الشركة المصنعة لفولكس فاجن منذ عام 2000
· لو الفتيس واخد الغيار r وانت مدوستش بنزين بعد حوالي 5 ثواني الغيار يفصل لوحدة وترجع العربيه تاني علي وضع n.
رابعاً : المميزات
· تتمتع السياره بشكل انسيابي يعطي لها سهوله اختراق الهواء
· تتمتع السياره بثبات عالي جدا بالمقارنه مع مثيلاتها
· نعومه العفشه ( انا طبعاً بقارنه بالبونتو كانت كاسرالي ضهري j )
· إحساس بالفخامه و الرفاهيه داخل المقصورة
· قدرة عاليه علي المناورة ( غرز و قلة ادب j )
· صندوق امتعه كبير نسبياً
· عزل السياره ممتاز جدا 95 %
· الفرامل ما شاء الله ماشاء الله
· تسارع و استجابه مستفزه جدا ما شاء الله ( ساعات ببقي خايف وانا بدوس كيك داون )
· تنقل من الاوتو للمانيوال وانت ماشي ( صياعه j )
· السياره متتحركش ابدا من السكون الي الحركه الا إذا كنت دايس فرامل بالرغم من تحريك عصايه الفتيس
· منظر حوض السياره بعلامه فيات اللي علي الموتور ممتع جدا و شيك ( حاجه فخيمة j )
· تابلوه العربيه شكله فخيم j
· قاعدة كرسي السياره ممتعه جدا تحس انه حاضنك .
· التكييف ممتاز جدا ماشاء الله و سريع
· السياره عاليه عن الارض .
· صوت الموتور هاديء جداٍ
· صوت العربيه عند الشد مستفز و مُغري جداً جداً
· صوت الكاسيت بيعلي و انت بتجري و بيوطي تاني لما تهدي السرعه
خامساً : العيوب
· كرسي السائق عالي شويه حتي بعد ما تنزله علي الاخر
· كان نفسي تبقي مقابض الابواب الداخليه نيكل
· خزان الوقود كان محتاج يبقي اكبر 60 لتر مثلا
· النقلات من الاول الي التاني في الاوتوماتيك بتحس بيها شويه
· بعض التقفيل البسيط جدا جدا جدا جدا ( اصل انا بحب الحنتفه j )
· مفيش باركنج في الفتيس ( p)
· الكيك داون ساعات بتبقي طلقه ( تحس انها بتيجي من الشنطه ) وساعات تحسها سخيفه " ممكن يكون المشكله فيا لسه متعودتش "
· مفيش مكان احط فيه المناديل علي التابلوه ( زي البونتو l )
· مفيش وحدة رفع للزجاج .
سادساً و أخيراً : نظره عامه :
§ ''لينيا'' تم تصميمها في مدينة تورينو الإيطالية شأنها شأن شقيقاتها من ''فيات''، لتكون ''لينيا'' ذات تصميم رائع ولافت، حيث تتمتع بشخصية تصميمية تعكس تصاميم ''فيات'' الجديدة، إذ تبدو عليها ملامح الأخوة بينها وبين باقي سيارات ''فيات'' الجديدة على غرار'' غراند بونتو'' و''برافو''·
§ فمن الأمام تبرز المقدمة الشرسة والهجومية والمسحوبة بتفاصيلها للخلف، وأبرز ما فيها الصادم الكبير الذي يحوي على فتحة تهوية أنيقة ومن الحجم الكبير أيضا ومقسومة إلى قسمين ومميزة بالشبك الكروم الجميل والرياضي الطابع وعليه شعار ''فيات''، على جانبي الصادم هناك الأضواء الكاشفة للضباب بشكل مميز ومناسب، كما تبرز الأضواء الحادة والكبيرة المسحوبة بشكل كبير للجانب·
§ غطاء المحرك ذو شكل جذاب وتغلب عليه الخطوط البيضوية، أما الزجاج الأمامي فهو كبير ويمنح المقصورة كماً كافيا من الإنارة الخارجية ومزيدا من تفاصيل الطريق لرواد المقصورة من الداخل·
§ بالانتقال إلى مقصورة السيارة نكتشف مباشرة بأن ''فيات'' حاولت أن تحقق تكاملا بين التصميم الخارجي والداخلي، لتكون لوحة القيادة مميزة بتصميمها العصري جدا مع احتوائها على كافة الأزرار والتجهيزات التي يمكنك الوصول إليها بسهولة تامة· المقود جميل وأنيق، ثلاثي الأذرع وعليه أزرار التحكم بعدة وظائف، أما لوحة العدادات فهي كلاسيكية وصغيرة·
· عندما تبدأ في قيادة اللينيا تبدأ باحساس و كأنك تتذوق القياده لاول مره نعومه و سهوله فائقه
· تتمتع السياره بثبات عالي جدا علي السرعات العاليه
· يمنح المحرك الـ1600 سي سي ذو الـ110 حصان و الـ 16 صباب قوه انطلاقه رائعه للسياره و يتمتع باستجابه رائعه علي السرعات العاليه ايضاً.
· بانسبه للكيك داون فانها رياضيه جدا جدا و عندما تضغط علي دواسه البنزين لتحصل عليها تحس و كان الموتور انتقل الي الشنطه الخلفيه و بدأ بدفع السياره بسرعه جنونيه
· الفرامل و عجلة القياده تعطيك احساس فائق علي التحكم منقطع النظير بالسياره
· و اخيرا احذر كل ملاك هذه الفئه من الشد و الفرك في المناطق المزذحمه لانها من الصعب ان تكبح جماحها
· اول صيانه للسياره بعد 5000 كم ولا يوجد بها اي تغييرات تبدأ التغييرات في صيانة الـ10000 كم.
· اقصي سرعه جبتها كانت 170 لاني ملاقيتش طريق لسه اجيب فيه الـ220 j

الصور
الكونسوله

عجلة القياده

وحدة التحكم في مستوي الاضاءة الاماميه و الفوجات و قائمة كمبيوتر السياره

وحدة التحكم في زجاج و مرايات السياره

الفتيس

نور الصالون الامامي و مايكروفون الـ(blue&me)

درج التابلوه و إنارته الداخليه

مخرج الـ(usb)

زرار فتح الشنطه و تشغيل الـ(eco drive) و سخان الزجاج الخلفي

مخرج التكييف الخلفي

صورة بانوراما للمقصورة الاماميه

مخدع اليد الخلفي

حامل اكواب في مخدع اليد الخلفي

صندوق حفظ صغير في كخدع اليد الخلفي

المقصورة الاماميه

الاطارات

حوض السياره

لقطه خارجيه

عزل الموتور

صندوق الامتعه

بطانه صندوق الامتعه

إشاره ركن ( زي اللي في الالماني )

الإضاءه اسفل الابواب الاماميه

طلقات الشاسيه

مفتاح التحكم في الـ(seat pump)

مخادع الرأس الخلفيه

إضاءة الشماسات

الفوج الامامي

مخدع اليد الامامي

حساس الركن الخلفي

واجهة السيارة

لقطة 1

لقطة 2


ارجو من الله عز وجل ان يكون التقرير وافي و ان ينال رضاكم وأسف علي الإطاله
السلام عليكم و رحمة الله و بركاته

تعليق مستحيل يكون العزم ١١٥ نيوتن لمحرك ١٦٠٠ حديث

المشاركة الأصلية كتبت بواسطة lanos2004

تعليق مستحيل يكون العزم ١١٥ نيوتن لمحرك ١٦٠٠ حديث

انا اسف هو انا مصححه فوق فعلا : العزم 155 نيوتن

بس مش مستحيل لان اللوجان 1600 سي سي و حديثه و 8 صباب وعزما 128 يعني قريب جدا برضوا
:)
وشكرا علي التصحيح

المشاركة الأصلية كتبت بواسطة aliabdo

هو مفيش الفئيه الاولى ان 130 عشان مش لاقيها و بصراحه لو مفيش غيرالفئه الى 150 الواحد يكمل و يجيب فوكس بقى

ياباشا الفئه الاولي موجوده و تسليم فوري
لو عاوز انا عنيا ليك

وبالنسبه للفوكس
الفوكس الاوتو اول فئه بـ193 الف يعني الفرق بين الاتنين 43 الف جنيه
بس طبعا الفوكس احسن
وبالتوفيق ان شاء الله

المشاركة الأصلية كتبت بواسطة eng_ahesham

انا اسف هو انا مصححه فوق فعلا : العزم 155 نيوتن

بس مش مستحيل لان اللوجان 1600 سي سي و حديثه و 8 صباب وعزما 128 يعني قريب جدا برضوا
:)
وشكرا علي التصحيح

لوجان ١٣١ نيوتن
وكمان دي ٨ صباب انما عربيتك ١٦٠٠ صباب