الموضوع: استشارة بيع سيارة والدتي و سؤال حد يعرف شهر عقاري فيه كمبيوتر ؟؟

ياجماعة انا الاخ اللحوح والمشتري الي اتكلم علية الاستاذ احمد عبد الرحمن انا اشهدكم شهادة حق ترضي ربنا ورسوله / انا دلوقتي بطلب من الاستاذ احمد اننا نروح الشهر العقاري تمام وبقوله تاخد الفلوس في الشهر العقاري تمام وانت اعد وفلوسك معاك تمام الاستاذ احمد قالي لالا مينفعش لازم تروحلي البنك وتديلي الفلوس هناك انا احب اقول للاخ الي قال كدة ازاي يعني اروح بنك وادفع 70 الف جنية حتي ثمن التسجيل ادفعة قبل ما اسجل والاستاذ احمد يروح البنك يحط الفلوس وانا اخد عقد ابتدائي يعني اخد عقد ابتدائي ابله واشرب مايته لو مثلا لاقدر الله الشهر العقاري طلع قافل او فية مشكله انا اضمن منين ان فلوسي هترجعلي تاني يعني انا عرضت علي الاستاذ احمد تمام انه يجيب بودي جارد او يجيب سيارة نقل اموال او احد الظباط الشرطة قالي البنك ممكن يقفل قلتله ماشي اجيلك الساعة سبعة الصبح نخلص عشان تلحق البنك في اخر النهار قالي لاء افرض الفلوس مزورة قلت ماشي قبل مانروح الشهر العقاري هيكون معايا الفلوس ونلف بيها علي البنوك والشركات الصرافة الي انتة تحددهم بنفسك وانا الي معايا الفلوس لحد بس ما ادخل الشهر العقاري واطمئن علي اني خلاص العربية بقت بأسمي هوة ياخد فلوسة وهوة واقف وهوة واقف سلم ورق وامضيلي واستلم فلوسك في ثواني والتسجيل وانتة معايا عاوزني اعمل اية تاني حتي لو خايف علي فلوسك هات شركة تحويل اموال تنقل المبلغ هات بودي جارد اكشف علي الفلوس في اي مكان انتة عايزة في اي بنك في الشهر العقاري هات معاك مليون شخص يعد المبلغ دول كلهم 70الف جنية مش مليون جنية وعلي فكرة الانسر بومة 20071300 سي سي مانول وهتقف عليا بلملبغ دا وقلت راضي متكلمتش في حاجة وشفت الذل ومتكلمتش وبعت جلاكسي تاب عشان اخدها ومنكرش اني بحط الي حيلتي فيها ونفذت كل حرف قالوة كمان اجي البنك اديلهم الفلوس ومضمنش انا حقي طب انا عاوز حد يقول شهادة حق ترضي ربنا انا صح ولا غلط اقسم بلله العلي العظيم ان نيتي سليمة وعاوز اشتري وماعندي اي نيه لاي حاجة تغضب ربي سبحانه وتعالي بس العقل حلو انت تضمن حقك خالصصصصصصص وتمام التمام وانا اديلك الفلوس كلها قبل ما الاقي اي حاجة تثبت الا عقد ابتدائي ميعمليش اي حاجة انا نفسي حد يقولي انا اضمن حقي ازاي وانا صح ولا غلط والله شاهد علي كل كلمه هيقولها الاشخاص كشهادة حق امام ربنا /

استاذ احمد انا مش زعلان من كلمه لحوح عادي يا استاذ احمد انت اخ واكبر مني وانا بكرر لحضرتك والله العظيم انا شاري العربية بس اديلي اي حل بديل انا فعلا غرضي اشتري طيب تعالي حضرتك من البنك للشهر العقاري العشر دقايق الي حضرتك بتقول عليهم دول بس علي الاقل فلوسك معاك في جيبك في وضوح النهار لاكن ادفع كل حاجة قبل مايكون معايا اي اثبات يا استاذ احمد اية المشكله لو طلعت من الشهر العقاري علي اي مكان اخر تحط فية فلوسك زي البنك لية توقف الموضوع كله علي كدة اصل فلوس في البنك يعني حاجة خلاص مفهاش رجعة ارجو ان تشوف حل بديل لاني انا فعلا شاري العربية ومستعد لو حضرتك تتراجع طيب وفية حل تاني اعملي توكيل في اي شهر عقاري ويكون معاك الصورة بتعتة وتطلع من الشهر العقاري علي البنك وانا هكون متواجد فية انتظر حضرتك تديلي التوكيل وتاخد فلوسك اية المشكله انا كل مشكلتي عاوز بس اضمن اني في الشهر العقاري العربية بقت بأسمي وغير كدة والله ما في في بالي اي شئ انا انسان اخاف ربنا يا استاذ احمد

يا استاذ احمد حلها انتة خليني اجيلك بكرة صدقني والله العظيم الناس كلها بتبيع بلطريقة دي وانا شاري والله العظيم شاري بس شوف اي حل هوة فية حد لاقي حد يقوله في الشهر العقاري خد فلوسك يا استاذ احمد صدقني انا الي المفروض اخاف مش حضرتك انا نفسي اضمن حقي في الشهر العقاري بس ارجو ان تيسر الموضوع شوية مش معقوله التشدد في كل البيعة كدة ياسيدي فية بنوك كتير جمب الشهر العقاري اختار الي يعجبك وانا معاك فيهم شوف اي حاجة وانا معاك بس اضمن في الشهر العقاري ان العربية بقت بأسمي بس

واضح انكوا انتوا الاتنين محترمين جدا و حته القلق دى طبيعيه جدا لاننا بنتكلم على فلوس كتير الواحد تعبان فيها و عندى اقتراح يا رب ينفعكوا

ابه رايكوا المشترى يروح يحط الفلوس فى البنك و فى نفس الوقت البايع يكتبلوا شيك بتاريخ تانى يوم بالمبلغ و يروحوا الشهر العقاري عشان التسجيل و عند الامضاء يسلم المشترى للبائع الشيك و بكده كلوا يضمن حقه

البيع لازم يكون فيه ثقه و سماحه من الطرفين عشان يتم و بالتوفيق ليكوا كلكوا

انا معنديش اي مشكله بس اهم شئ اضمن الفلوس اقسم بلله دا شقي عمري والحل الي بتقوله معنديش فية اي مشكله خالص انا مشكلتي بس اني ابقي في الشهر العقاري وامضي ان العربية اتباعتلي وبقت بتعتي دي كل مشكلتي وبعدها الفلوس حلال علية في اي مكان وانا مع اي حل يرضي الاستاذ احمد ويكون امان ليا بردو