استشارة بيع سيارة والدتي و سؤال حد يعرف شهر عقاري فيه كمبيوتر ؟؟

**Ahmed_Rahem** · 18-12-2012 04:52 PM

انا شارى عربيتين وبايع واحدة،
الاولى دفعت عربون 1000 جنية والباقى واحنا بنسجل فى الشهر العقارى وخت العربية ومشيت،
التانية خت كل الفلوس والشهر العقارى كان عامل اضراب وخد العربية وعقد بيع ابتدائى وبعديها بيومين عملت العقد واديتهولة
الثالثة دفعت الفلوس فى العربية واحنا رايحين الشهر العقارى وطلعنا عملنا العقد وخدت العربية ومشيت.

الحل من عندى انتوا تروحوا سوا على الشهر العقارى الفلوش فى شنطة وتتعد فى العربية - او فى البنك - قبل دخول الشهر العقارى وبعد التسجيل البايع ياخد الشنطة والمشترى يرجعة على البنك - او البيت وخلص الموضوع.
فكرة الشيك البنكى كويسة ولكن تكلفتة اعلى.
والسلام ختام

**Dr.kordy90** · 18-12-2012 06:03 PM

الشهر العقاري في 6 اكتوبر في الحي السادس شغال بالكمبيوتر انا عامل فيه عقد مسجل كمبيوتر

**ahmed1981** · 18-12-2012 06:34 PM

طريقتي اللي عملتها في شراء العربيات

أروح لمالك العربية في المكان اللي هو يحبه

نجهز نسختين من عقد بيع إبتدائي سيارات

نكتب كل حاجة في العقدين ويقفوا على التوقيع

أشوف عربيتي وكل حاجة فيها ومفتاحه معاه

أعطيه الفلوس ناقص منها حوالي 10% لحين التسجيل في الشهر العقاري

يعد فلوسه كويس ويعطيني المفتاح والرخصة وأي أوراق أخرى خاصة بالعربية

نتفق على موعد آخر نتقابل فيه في الشهر العقاري المتفق عليه

في ذلك اليوم نذهب للشهر العقاري ومعي باقي الثمن

نبدأ في إجراءات التوكيل أو العقد

قبل التوقيع أعطيه بقية فلوسه ويمضي في عقد البيع على النسختين إنه إستلم بقية فلوسه

نمضي إحنا الإتنين في الشهر العقاري

آخد أوراقي وأمشي

ملاحظة:ـ
عقد البيع الإبتدائي بيكون فيه إقرار بإستلام السيارة بالوقت بالساعة وموقع من الطرفين

لو المشتري أو البائع رجع في كلامه في البيعه قبل التسجيل والطرف الآخر وافق على الترجيع

إقرار الإستلام بيتكتب فيه تاريخ ووقت عودة العربية لصاحبها وإن البيعة إتلغت ويمضي الطرفين

بحيث الفترة اللي العربية قعدت عند البائع فيها على مسئوليته

-
هذا ما نفعله في الحالات الطبيعية
-

**أبو صلاح** · 18-12-2012 06:42 PM

المشاركة الأصلية كتبت بواسطة amro0000

انا بردو بقول حل كويس اول حاجة نتقابل الصبح ونطلع علي البنك ونروح هناك نعد الفلوس ويكون الفلوس كلها في ظرف ويحط علي الظرف اي علالالامة هوة عاوزها من عندة مفيش مشكله واول مادخل الشهر العقاري هيكون معايا الفلوس المعدودة وكل حاجة معايا قدامو يمضيلي ان العربية بقت بتعتي ويستلم فلوسة كلها في الشهر العقاري واحنا واقفين وبعد كدة يطلع بيها علي اي بنك او اي مكان هوة عاوزة انا مليش دعوة بعد كدة هوة مشكلته خايف يكون فية كمين في الطريق ولا حد يثبته انا رأي ميرحوش البيت يطلع علي البنك ويحط فلوسة اية المشكله؟ ياجماعة هوة انا بتكلم غلط طيب ياريت حد يقولي يمكن اكون غلطان ويقولي الصح اية؟

هو ده اللي انا قلته بس باضافة بسيطة انك هتقابله الاول وتروح البنك اللي تبعك تسحب الفلوس قدامه علشان تتاكدو من صحة الفلوس

وبعدين يا جدعان خلصوا البيعة دي بقى
الموضوع طول جامد

**Ahmed A Rahman** · 18-12-2012 06:52 PM

احنا فعلا عملنا قلبان هههههههههههه :) :)

احنا اتفقنا اننا نروح البنك ونحط الفلوس في الحساب واديله شيك بكامل المبلغ بتاريخ يوم او يومين

حنخرج هو معاه الشيك في جيبه وانا مطمن على الفلوس

حنروح الشهر العقاري نسجل البيع ونقطع الشيك

حيمضي على محضر استلام السيارة بتاريخ وساعة محددة وخلصنا على كده واصبحت السيارة ملكه

كده صح ولا فيه حاجه ناقصة ؟؟؟

(اهم شيء في الموضوع ان الحاج والحاجه هما اللي زهقوا وشكلهم هما اللي حيبوظوا البيعة هههههههههه وتبقى جت من بره )

**gebreel** · 18-12-2012 07:13 PM

المشاركة الأصلية كتبت بواسطة ahmed a rahman

احنا فعلا عملنا قلبان هههههههههههه :) :)

احنا اتفقنا اننا نروح البنك ونحط الفلوس في الحساب واديله شيك بكامل المبلغ بتاريخ يوم او يومين

حنخرج هو معاه الشيك في جيبه وانا مطمن على الفلوس

حنروح الشهر العقاري نسجل البيع ونقطع الشيك

حيمضي على محضر استلام السيارة بتاريخ وساعة محددة وخلصنا على كده واصبحت السيارة ملكه

كده صح ولا فيه حاجه ناقصة ؟؟؟

(اهم شيء في الموضوع ان الحاج والحاجه هما اللي زهقوا وشكلهم هما اللي حيبوظوا البيعة هههههههههه وتبقى جت من بره )

انا رأيي ده حل مناسب خصوصا ان الفلوس هتبقى محطوطة في البنك و الشيك صحيح

المشتري خلص كل حاجة يدي للبايع الشيك و يتقطع و شكرا على كدة

البيعة وقفت الشيك مع المشتري يقدر يصرفه او يطلعو سوا ثاني على البنك يسحبو الفلوس و شكرا على كدة

**ffff** · 19-12-2012 12:16 AM

توكل على الله صديقى ..............حل كويس جدا وكلو تمام وألف مبروك مقدما على العربية

الموضوع: استشارة بيع سيارة والدتي و سؤال حد يعرف شهر عقاري فيه كمبيوتر ؟؟

LinkBack

أدوات الموضوع

عرض

-

-

-

-

المواضيع المتشابهه

حد يعرف مكتب تسويق عقاري محترم ؟

حد يعرف محل كمبيوتر كويس و نضيف؟

محدش يعرف موقع علية عربيات عليها صور كمبيوتر ؟؟؟؟؟

حد يعرف محلات فى الحرفيين بتبيع كارتة كمبيوتر

الكلمات الدلالية لهذا الموضوع

المفضلات

المفضلات

ضوابط المشاركة