الموضوع: حسبى الله ونعم الوكيل .. فى التوكيل

المشاركة الأصلية كتبت بواسطة tomcruies_egy

مشكلة التوكيل ان معظم اللي بيكشفوا عالعربية هواة والمتخصصين قليلين وبيخلوا الصنيعية التعبانين يكشفوا عليها .. انا معايا 307 مو 2007 ووحت التوكيل وبحمد ربنا اني عندي خلفية في العربيات وبقيت واقف بنفسي اتابع كل حاجة وبقيت أعدل عليهم في حاجات كتير ... واتخنقوا مني جداً لأني كل كل حاجة بقولها كان بيبقى عندي حق وخليت العربية تمام وزي الفل الحمد لله ومسبتش العربية من الساعة 9 لحد 12 وخدتها ومشيت

طبعا وانا شغال في عربيتي بقيت اتابع يا عيني العملاء اللي بيجوا يعملوا عربياتهم اكتشفت ان التوكيل بيستغفلهم في حاجات كتير ... وطبعا العميل ولا هو هنا قاعد في الاستراحة بيتفرج على التليفزيون وبيشرب الكابتشينو .. وميعرفش انه بيتليف

المهم نصيحة مني متسيبش عربيتك ومتغيبش عن عينيك ولو معندكش فكرة عن العربيات خد واحد صاحبك معاك بيفهم .. وده حقك ومتسكتش لحد يقولك ممنوع الدخول يا استاذ اديله فوق دماغه حتى لو عزيز اباظة نفسه
تاني نصيحة اعمل حسابك في شوية فكة عشان ترش عالصنيعية اللي بيتشغلوا في العربية عشان يشتغل بضمير ويسمع كلامك ويعملك احسن حاجة

يعني مثلاً كان عندي خبطة في الشنطة قولتلهم عايز أردها عالبارد تخيلوا قالولي 250 جنيه ... روحت اتفقت مع صنيعي واديته 50 جنيه وخد العربية على أساس هيكشف عالكهربا وطلع بالعربية زي الفل والخبطة كأن لم تكن

يا جماعة انتوا في مصر ... والفلوس اللي بندفعها مش قليلة .. خد حقك ومتسيبوش ومتتكسفش
مع تحياتي لكل الأعضاء المحترمين

الله ينور عليك

المشاركة الأصلية كتبت بواسطة aroshdy

حقيقي اصابني الفزع من توكيل بيجو في مصر لانني كنت انوي شراء 405 فور نزولي القاهرة هل توكيل فولكس افضل حال ام لا لان خدمة ما بعد البيع مهمة في اتخاذ قرار الشراء وتحديد ماركة السيارة افيدوني افادكم الله .

من خلال عده تجارب مع عده توكيلات مختلفه ثبت لى أن جميع التوكيلات فى مصر سيئه جدا جدا جدا حتى تويوتا مرورا بمنصور (أوبل وشيفرليه ) بالإضافه الى بيجو وفولكس أيضا من أسوأ التوكيلات فى مصر ولا حاجه ولا فائده منهم إلا فى الصيانات فى فتره الضمان

يا اخ كريم عشماوى انا كان معايا 406 وكنت بصلحها فى الحرفيين عند ناس متخصصة فى العربية ومعايا 206 1100 سى سى قلبتها خلتها 1600 من موتور وعفشة وتابلوة وثالون وكل حاجة وكل دا برة التوكيل ولما راحت التوكيل كان شوية حاجات بتتظبط وكل دا وعملناها برة ولما شافوها فى التوكيل كلة استغرب الى معمول فيها فا هو الحوار مش حوار توكيل هو الحوار حوار ان فى ناس بتفهم فى العربية انا لما كانت 406 بتبوظ كنت بعملها فى الحرفيين من غير ما افكر فى التوكيل

يا اخ كريم عشماوى انا كان معايا 406 وكنت بصلحها فى الحرفيين عند ناس متخصصة فى العربية ومعايا 206 1100 سى سى قلبتها خلتها 1600 من موتور وعفشة وتابلوة وثالون وكل حاجة وكل دا برة التوكيل ولما راحت التوكيل كان شوية حاجات بتتظبط وكل دا وعملناها برة ولما شافوها فى التوكيل كلة استغرب الى معمول فيها فا هو الحوار مش حوار توكيل هو الحوار حوار ان فى ناس بتفهم فى العربية انا لما كانت 406 بتبوظ كنت بعملها فى الحرفيين من غير ما افكر فى التوكي

مين بيفهم في البيجو في الحرفيين؟؟؟ ياريت تليفونة ومكانة بالظبط؟؟
انا عندي مشكلة في عداد ال rpm مابيشتغلشي وعايز اجيب عدادات من الحرفي