الموضوع: ما هى فروق الأداء ما بين لانسر الشكل الجديد و البوما

اه طبعا فى فروق كبيره جدا فى الفرامل والثبات لان اللانسر الشكل الجديد فراملها اقوى بكتير جدا وخصوصا المواصفات المصرى لان فيه عربيات خليجى بالذات فى المانيوال مفهاش abs or ebd وثباتها اعلى على السرعات العاليه .انما فى السحب والتسارع والسرعه القصوى اعتقد انهم متقاربين لان الشكل الجديد 1500 بس بتكنولوجيا mivec ومحرك مصنوع من الالمونيوم يعنى اخف وزنا . والشكل القديم 1600 بتكنولوجيا عاديه ومحرك من الحديد الاثقل وزنا

أه السرعه ده 1000 شكر على الرد بس هل الفرق يستاهل 25000le ؟
بين 1600 سس مانول 1500 سس مانول

thanks nobody 4 reply begad 1000 shokr

انا مش متفق معاكم في الرأي اولا انا شايف انها مش جميلة من برة ولا حاجة انا شايف ان الشكل القديم احلي لان الشكل الجديد ضخم علي الفاضي ومش انسيابية زي الشكل القديم ثانيا الفرامل بتاعت الشكل القديم جامدة برضة وفيها Abs وعمرها مقصرت معايا يعني معتقدش ان فية فرق_عموما لو فية فروق انا شايف انها لمصلحة الشكل القديم والدليل استمرار اقبال الناس عليها واستياء ناس كتييير من الشكل الجديد

أنا سقت الشكل القديم بجد محترمة بس ليها صفارة
بس بتفرمل أكثر من رائع

المشاركة الأصلية كتبت بواسطة مازن الطويل

انا مش متفق معاكم في الرأي اولا انا شايف انها مش جميلة من برة ولا حاجة انا شايف ان الشكل القديم احلي لان الشكل الجديد ضخم علي الفاضي ومش انسيابية زي الشكل القديم ثانيا الفرامل بتاعت الشكل القديم جامدة برضة وفيها Abs وعمرها مقصرت معايا يعني معتقدش ان فية فرق_عموما لو فية فروق انا شايف انها لمصلحة الشكل القديم والدليل استمرار اقبال الناس عليها واستياء ناس كتييير من الشكل الجديد

السبب الاول لاستياء الناس من الشكل الجديد هو بسبب سعرها العالى لانهم فى الاول كانوا فكرنها نسخه من الشكل القديم بس بشكل جديد ، بس لما عرفوا ان فيه فروق جوهريه زى الباور والثبات وعلى فكره بالنسبه للفرامل فى الشكل الجديد اقوى لان الطنابير اكبر وتيل احسن واقبال الناس على الشكل القديم وممكن تلاقى ناس مش عجباهم الشكل الجديد علشان فرق السعر(30000) وطبعا كون ان شكل اللانسر الجديده مش عاجب حضرتك ده مسأله اذواق وعلشان اعرفك ان اللانسر الجديده احلى من القديمه هتلاقى مواضيع كتيرة فى قسم المقارنات بتقارن بين الشكل القديم والالنترا انما عمرك ما هتلاقى موضوع مقارنه بين الشكل الجديد والالنترا وبعدين الشكل القديم مينفعش تقارنوا بالمازدا 3 والسيفيك والكورولا الجديده انما الشكل الجديد فى كثير من المقارنات تفوقت على المازدا والكورولا وعلى السيفيك فى الكماليات . ده انا لسه صحبى انهارده مكلمنى من قطر بيقولى ان اللانسر عندهم بس (GT (2000 CC اغلى من الكامرى 2400 سى سى