الموضوع: ?Are your car mirrors adjusted correctly- بتظبط مراياتك صح؟؟

المشاركة الأصلية كتبت بواسطة truss

الطريقة المذكورة فى الفيديو صح جداً لو ماشى فى شوارع مفتوحة او على سرعات عالية,

انما لو ماشى فى اماكن ضيقة او حتة زحمة او بتعدى وسط عربيتين او حتى راجع بضهرك كدة مش هتقدر تقدر المسافة ما بين عربيتك و الجسم او العربية اللى جنبك, او بمعنى انك لازم تجيب جزء من عربيتك فى المراية عشان تقدّر المسافة صح.

لازم هيكون فيه جزء فى المنطقة العمياء و ممكن تقللها عن طريق وضع مرايات كبيرة او المرايات الاكسسوار الصغيرة.

لا انا جربتها بسوق بيها بقالي شهر
بالنسبة للمراية الشمال المفروض تكون مفتوحة على الاخر كده عشان تقدر تشوف blind spot

بالنسبة لليمين تبقى مفتوحة بردو بس بحيث انك تشوف حتة صغيرة من مقبض الباب اللي ورا يمين (لانك ببساطة مش محتاج تتفرج على جمب العربية، الطريق اولى وفى نفس الوقت شايف حتة من العربية فمينفعش حد يعدى من جنبك ومتشوفوش

بالنسبة للمراية اللى فى نص المفروض تتظبط بحيث تبقى جايبة الجنب الشمال اكتر شوية من اليمين عشان تعوض المراية الشمال

كده حضرتك هتبقى شايف يمين وشمال بالاضافة لblind spot
يعنى كل الطريق وده المطلوب

الحاجة الوحيدة اللى هتحتاج تعدل فيها المراية بحيث انها تبقى جايبة اغلب عربيتك ، وانت بترجع ورا لوهتركن بين عربيتين او جمب رصيف ، لانك وانت بعيد هتشوف الرصيف لكن كل ماتقرب وترجع مش هتشوف الرصيف لان المرايات مفتوحة فهتحتاج تخليها على عربيتك وانت بترجع لورا ودى بسيطة

وتقبل تحياتى

المشاركة الأصلية كتبت بواسطة ahmad_salama

في مصر المرايات اكسيسوريز

للاسف فى ناس كتير فاكراها فهلوة ونصاحة انها تسوق من غير مرايات
وشكرا لمرورك وتقبل تحياتى