سؤال بخصوص شراء سيات ايبيزا

**ahmedawa** · 20-12-2012 04:44 PM

هل يمكن شراء سياره جيده في حدود 23-27 الف انا بحب العربيات الهاتش باك و كنت عاوز عربيه موديل تسعينات . و هل الايبيزا افضل من فولكس بولو او فيات اونو ؟ و هل اسعار قطع غيار السيات في المعقول ولا هتتعبني ؟

**hossamalsadik** · 20-12-2012 08:54 PM

اهلا بيك ...بين أعضاء قسم سيات
بص ياباشا ممكن 27 الف يدخلوك فى عربية ابيزا 94
الأبيزا عربية أعتمادية ثبات قوة ماتور شياكة فى الشكل ( حسب رأيتى)
قطع الغيار مش رخيصه زى 128 مثلاً ومش غاليه من الأخر فى متناول أيدك جدا
قطع الغيار بالكوم منتشره فى كل مكان جديد تلاقى استيراد تلاقى .... كمليات أكسسوارات أى أضافات تلاقى يعنى كله عادى جدا .مع العلم ان قطع الغيار معمره جدااااااااااااااااااااا
اما السيات الأبيزا والبولو ... دول أخوات توأم same combinationبس كل وحده بشكل خارجى مختلف ده عشان الفكره تكون مقربه فى ذهنك .
اما عن فيات اونو فده حاجة لاتقارن بالأبيزا والبولو ... من حيث الركوبه والأعتمادية Driving and reliability .
الأبيزا سياره اكثر من رائعة من نواحى كثيرة وأنصحك بها ومش تحيز بس ده عن تجربه شخصية طبعا مش سمع وخلاص بس لو اخترت ابيزا حاول تخترها حاله نظيفه عشان ترتاح معاها .
أستخير ربنا وتوكل على الله .

**ابن الحتة** · 21-12-2012 07:12 AM

السلام عليكم
طبعا بدون مقدمات ونقاش الابيزا
بجد عربية هتحبها لو حابتها كويسة
الابيزا والبولو حاجة واحدة حتى انت ممكن تجيب ابيزا تلاقى كل اللى فيها بولو انا العربية بتاعتها العفشة كلها بولو والماتور كمان

اظن رقم 27 ممكن تجيب عربية بس هتحتاج تدوير وبحث كتيير كتيير
عربية ابيزا مكيفة حط ليها حد ادنى 30 عشان تجيب واحدة حالتها كويسة لانها لو تعبانة هتكرهها انما لو كويسة هتحبها جدا جدا

**SYD** · 25-12-2012 09:05 AM

في البداية احب ارحب بيك في قسم سيات نايل موتورز

الأبيزا 94 يتراوح سعرها بين 25 و 30 علي حسب الحالة والكماليات

كمقارنة بالبولو - الأتنين مشتركين في الشاسيه والمحرك والعفشة والفرامل وألات الجر والفتيس وضفيرة الكهرباء وبعض الأجزاء الأخري
كأداء - البولو اسرع وتجميعها اعلي لخفة وزنها ولكن في المقابل الثبات اقل لنفس السبب

اما عن الأونو - فهي كقطع غيار ارخص وكميكانيكا فهي اقل تعقيدا وموفرة اكثر في الأستهلاك وسعر البيع اقل من الأبيزا

تحياتي