""" كوتشــان اللوجان.......قنابل موقوتة تحمل السيارة :::

**أبو آسر** · 22-12-2012 01:35 AM

المشاركة الأصلية كتبت بواسطة egyzizo

اللوجان بتنزل بأنواع مختلفة من الكاوتش ، على الأقل فى الموديلات الأقدم ، أنا افتكر اننا جمعنا 3 أو اربع أنواع مختلفة بتنزل بيهم العربية ، وماكانش فيهم الباروم ده خالص ..

أنا عربيتى نازلة بكاوتش اسمه كوموران والحمد لله بيكلبش فى الأرض.

هل كل اللوجان دلوقتى بتنزل بالباروم فقط ، واللا برضه بتنزل بأنواع تانية من الكاوتش؟

عربيتي موديل 2010 وعاملة 27000 كيلو تقريبا وفيها الباروم ده
هو طول ما الطريق كويس الكاوتش شغال لكن لو طريق بيزحلق شوية بتزحف

**dr_mustafa_ali** · 22-12-2012 03:09 AM

فعلا بتزحف بشكل مرعب وربنا يستر انا عامل 27 الف ومستني اجيب ال 30 او 40 واغيره وبقول ربنا يستر لغاية ما يعدوا

**amr.elsayed** · 22-12-2012 04:38 AM

افتكرت عربية صديق ليا فيات ريتمو علشان تقف لازم نكاركلها بالفرامل (abs مصرى) علشان العجل منحول
لو ضربنا فرامل مرة واحدة بقوة مش حتقف فى سنتها
بلاش رجلك تكون تقيلة اوى على الفرامل لدرجة الزحف واعمل نقطة قبل التيل ما يقفش بقوة على الطنابير تكون الفرامل مؤثرة
وفى نفس الوقت مش فرامل خطر
......................................
حاجة تانية مهمة جدا الكشف على الفرامل الخلفية .. كانوا الاول فى التوكيل بيعملوا للعربيات رجلاش بعدها تحس ان الفرامل ممتازة جدا
فضرورى تكشفوا على الفرامل الخلفية وضبطها لان لو الفرامل الخلفية ضعيفة كل ما حتضغط على الفرامل وزن العربية كله يحمل على الكاوتش الامامى
بفعل القصور الذاتى وكمان الكاوتش الخلفى مش مساعد على تماسك العربية وبيدفع العربية للامام اكتر علشان كدة لازم الكشف على الفرامل الخلفية زى الامامية
والكلام عام لاى حد حتى لو عامل 1000 كيلو بس يطلب منهم فى التوكيل الكشف على الفرامل الخلفية وعمل رجلاش لها

**amr.elsayed** · 22-12-2012 04:41 AM

المشاركة الأصلية كتبت بواسطة mohamed1979

اليوكاهاما سى درايف لسه مركبه لواحد صاحبى فى عربيه لوجان كاوتش كويس اووى و سعره معقول عن البريد جيستون

هو رخص ولا ايه ؟؟؟؟ دة وانا بغير الكاوتش كان موجود بس كان بسعر البريدج التايلاندى

**ahmed_m_ashraf** · 22-12-2012 04:52 AM

المشاركة الأصلية كتبت بواسطة amr.elsayed

هو رخص ولا ايه ؟؟؟؟ دة وانا بغير الكاوتش كان موجود بس كان بسعر البريدج التايلاندى

كان فين ياعمرو في إسكندرية؟؟؟؟؟؟

**amr.elsayed** · 22-12-2012 05:03 AM

المشاركة الأصلية كتبت بواسطة ahmed_m_ashraf

كان فين ياعمرو في إسكندرية؟؟؟؟؟؟

كان فى بريدجستون السرايا على البحر .. هم توكيل بريدجستون ويوكوهاما
ومنتظر اخبار حلوة

**ahmed_m_ashraf** · 22-12-2012 05:36 AM

المشاركة الأصلية كتبت بواسطة amr.elsayed

كان فى بريدجستون السرايا على البحر .. هم توكيل بريدجستون ويوكوهاما
ومنتظر اخبار حلوة

إيه ده! هو أنا مقلتلكش؟! آآآآآآآسف يابرنس، العربية طلعت ١٠/١٠ ولا كأن حصل حاجة، بجد مشكور على وصفك الناس دي ليا

بتاع الدوكو بس كنت حاسس سعره زياده شوية، بس للأمانة ممكن أنا أكون متأثر بأسعار الناس التعبانة إللي كنت بروح ليهم بالعربية القديمة ههههه. بس شغله فابريكة بصراحة. ألف شكر ليك الصراحة.

بالنسبة للكاوتش .... ياراااااااجل ده ورايا على طول تقريبا. أنا كنت فاكر إنهم بريدجستون بس! طب بياخدو الكاوتش القديم؟؟؟

**k555** · 22-12-2012 11:46 AM

انا معايا ستيب واي
ده نوع الكاوتش اللي راكب
ايه نظامه ده؟
Continental Eco ....... 3 | the Continental Eco ....... 3 reviewed and rated | the online tyre guide

**ahmed_m_ashraf** · 22-12-2012 05:43 PM

المشاركة الأصلية كتبت بواسطة k555

انا معايا ستيب واي
ده نوع الكاوتش اللي راكب
ايه نظامه ده؟
Continental Eco ....... 3 | the Continental Eco ....... 3 reviewed and rated | the online tyre guide

حضرتك تقصد ده؟ ...

Continental Eco ....... 3 | the Continental Eco ....... 3 reviewed and rated | the online tyre guide

لو كده فهو كويس وكمل بيه عادي لحد ميستهلك، بس اليوكوهاما سي درايف والبردجستون تورانزا جي آر ٩٠ أحسن منه طبعا. والله أعلم.