""" كوتشــان اللوجان.......قنابل موقوتة تحمل السيارة :::

**ahmed_m_ashraf** · 22-12-2012 05:47 PM

معلش الموقع بيمسح كلمة من الرابط، حضرتك تقصد كونتنينتال إيكو كونتاكت 3، صح؟ الفردة دي حسب الريفيوهات أحسن كتير من البارود كفاية إن كونتنينتال من الشركات البريميوم بس طبعا الموديل ده مش حاجة عالية قوي.

**amr.elsayed** · 22-12-2012 11:42 PM

المشاركة الأصلية كتبت بواسطة ahmed_m_ashraf

إيه ده! هو أنا مقلتلكش؟! آآآآآآآسف يابرنس، العربية طلعت ١٠/١٠ ولا كأن حصل حاجة، بجد مشكور على وصفك الناس دي ليا

الف مبروووك و يا راجل شكرا على ايه بس انت تأمر

بتاع الدوكو بس كنت حاسس سعره زياده شوية، بس للأمانة ممكن أنا أكون متأثر بأسعار الناس التعبانة إللي كنت بروح ليهم بالعربية القديمة ههههه. بس شغله فابريكة بصراحة. ألف شكر ليك الصراحة.
كلوا فدى لوجى وهم فعلا سعرهم غالى سنة بس علشان هم كويسين وامناء

بالنسبة للكاوتش .... ياراااااااجل ده ورايا على طول تقريبا. أنا كنت فاكر إنهم بريدجستون بس! طب بياخدو الكاوتش القديم؟؟؟

لا مش بياخدوا الكاوتش القديم ... اللى ممكن يجيبلك حد ياخد الكاوتش القديم بريدجستون كيلوبترا فى شارع بور سعيد وناس محترمة جدا

**ahmed_m_ashraf** · 23-12-2012 01:50 AM

المشاركة الأصلية كتبت بواسطة amr.elsayed

لا مش بياخدوا الكاوتش القديم ... اللى ممكن يجيبلك حد ياخد الكاوتش القديم بريدجستون كيلوبترا فى شارع بور سعيد وناس محترمة جدا

جميل هعدي عليهم مرة وأشوف إيه نظامهم، ودول ألاقي عندهم يوكوهاما برضة؟ أصل يوكوهاما توكيل غبور وبريدجستون شركة النيل للتجارة، إزاي الإتنين مع بعض؟!

**amr.elsayed** · 23-12-2012 02:17 AM

المشاركة الأصلية كتبت بواسطة ahmed_m_ashraf

جميل هعدي عليهم مرة وأشوف إيه نظامهم، ودول ألاقي عندهم يوكوهاما برضة؟ أصل يوكوهاما توكيل غبور وبريدجستون شركة النيل للتجارة، إزاي الإتنين مع بعض؟!

انا معرفش ايه الموجود عندهم دلوقتى لكن هم عندهم يوكوهاما وحاطين يافطة كمان بريدج ويوكوهاما
بص انت تروح الفرع اللى جنبك بتاع السرايا وهم بيكونوا عارفين ايه الموجود فى فرع كيلوبترا وفرع سموحة علشان عندهم شبكة داخلية
انت قوله انا عايز الكاوتش كذا هل موجود فى فرع كيلوبترا ؟؟؟ غالبا بيكون موجود وتروح فرع كيلوباترا تركب وتقولهم عايز ابيع الكاوتش
و غالبا حيجبولك راجل بتاع كاوتش يشتريهم ( بس مش فرض عليهم ) لكن بتمشى ودى وهم ناس ظريفة جدا

**amr.elsayed** · 23-12-2012 02:20 AM

يا ساتر اسم الموضوع فظيييييع !!!!!

**ahmed_m_ashraf** · 23-12-2012 05:56 AM

المشاركة الأصلية كتبت بواسطة amr.elsayed

يا ساتر اسم الموضوع فظيييييع !!!!!

هههه إنت لسه واخد بالك!

**wael30003** · 23-12-2012 10:33 PM

انا اتكلمت قبل كده فى الموضوع ده وما حدش صدقنى
فعلا قنبلة موقوته
ربنا يستر انا عامل 21000كم ومش عارف اعمل ايه
عايز اغير بس بصراحة لا املك الثمن فى الوقت الحالى
بس فى اقرب فرصة هاغير حتى لو هرميه فى الشارع

**ahmed_m_ashraf** · 23-12-2012 10:39 PM

المشاركة الأصلية كتبت بواسطة wael30003

انا اتكلمت قبل كده فى الموضوع ده وما حدش صدقنى
فعلا قنبلة موقوته
ربنا يستر انا عامل 21000كم ومش عارف اعمل ايه
عايز اغير بس بصراحة لا املك الثمن فى الوقت الحالى
بس فى اقرب فرصة هاغير حتى لو هرميه فى الشارع

ليه بس محدش صدقك؟ ما كلنا متفقين أهو، بس هو الموضوع نسبي ...

يعني أنا مش بتحرك بالعربية كتير ولا يوميا ومشاويري كلها جوه البلد يعني الجري محدود جدا ويوم ما أمشى على ٨٠ يبقى كتر خير الدنيا، فعشان كده أنا شايفة متواضع جدا بس مش لدرجة كارثى.
ومع ذلك عايز أغيره قريب.

لكن لو حد بيسافر بالعربية كتير أو بيمشى على طرق سريعة يوميا، طبعا غيره في أقرب فرصة، مفيش كلام.