الموضوع: مشكلة في عفشة بي واي دي

المشاركة الأصلية كتبت بواسطة samer5000

أخواني الأعزاء
بالنسبة لسوست الهواندا فهي أكثر في عددها عن سوست البي واي دي وكمان قطر اللفة أقل من البي واي دي يعني البي واي دي عدد لفاتها 9 لفات واسعة أم الهواند عدد لفاتها 11 اضيق وده يديلها ارتفاع اكثر الجميل في الموضوع ان سوست الهواندا جامدة وصلبة بصراحة محترمة
أما عن سعرها في الأول تاجر يقولك 350 وتاجر يقولك 300 بس الحمد لله انا لفيت عليها في الحرفيين وأحدتهم بـ 220 جنيه وده أقل سعر بس اهم شيء أنك تاخد معاهم الكوتشتين بتعهم
وفي الواقع صاحب الفكرة الجميلة دي حتى ننسب للفضل لأصحابه هو المهندس أيميل أكيد ناس كثير منكم تعرفه ده مهندس متخصص في البي واي دي وراجل محترم جدا وأمين في عمله وعنده جهاز كشف الاعطال بتاع العربية يعني مبيفتيش وروحتله امبارح وركبتهم عنده أما عن المصنعية فهي 60 جنيه .
نصيحة غالية وأخيرة لكل أعضاء القسم
العربية دي جديدة في سوق السيارات في مصر علشان كده ياريت كل واحد مننا يقابله عيب أو عطل ويتم حله يدخل وينقلنا تجربته نفيد بعضنا ونتغلب على المشاكل التي قد تصادف بعضنا لا قدر الله من غير ما ينضحك على حد فينا ولا ننسى أنه ( كان الله في عون العبد مادام العبد في عون أخيه )
أرجو أن أكون قد وفقت في نقل المعلومة وأسألكم الدعاء

موضوع مهم ومفيد جدا ... وهو ده التعاون المنتظر من اعضاء قسم ال بى واى دى ....
انا كنت اسمع عن المهندس ايميل ده كلام كويس والواضح انه متمكن .. وكنت اعرف انه فى الزاوية الحمرا ... يا ريت تليفونة لو امكن ...