الموضوع: سؤال فى الانتقال الى زيت تخليقى

طبعا في البداية طالما هتغير من معدني لتخليقي يبقي تحط فلاش flush لتنظيف المحرك من الداخل
انصحك تجيب اما ليكوي مولي او stp اعتقد عندها فلاش
هتلاقي مكتوب عليها لو ليكوي مولي 10 دقايق ولو stp هتلاقيه 5 دقايق
وبعدها تنزل الزيت وتفك الفلتر
والأحسن انك تفتح غطا التاكيهات وتنظفه من جوة لأنه هتلاقي فيه زي جيب كدة (تحت فتحة اضافة الزيت) بتحوش جواها شوية زيت - وطبعا هتحوش جواها زيت وفلاش
والأحسن لو تغير جوان غطا التاكيهات بالمرة
واكشف علي جوان الكارتيرة - علشان ماتضطرش لفتح الكرتيرة مرة تانية

وطبعا هتغير الفلتر بفلتر جديد

واساسا لو هتجيب ماجناتيك فهو نصف تخليقي وليس تخليقي كامل رغم انه بيقعد 10.000

الحاجة الأخيرة - ان المحرك ال1.4 بياخد 2.75 لتر زيت بالفلتر و2.5 من غير الفلتر
ومقاس الزيت عند منتصف الماكس والميني - مفيش داعي توصله لحد الماكس لأنه هيحرق الزيادة في خلال اسبوع


تحياتي

المشاركة الأصلية كتبت بواسطة ابن الحتة

انا الراجل بتاع الزيت بيحط ال 4 لتر كلهم
وطبعا الزيت بيكون فوق علامة الماكس يجى 1سم
لا انا كان بينضحك عليا ولا اية

لا غلط طبعا
انا شخصيا ساعة حط الزيت بقول للراجل سيبني انا احطه بنفسي وبعد لما بوصل لنص الجركن ببدأ احط بحذر وكل شوية احط وارفع المقاس اشوف وصل لفين وارجع احط واشوف لحد لما يظبط بين الماكس والميني

تحياتي