الموضوع: ipad mini

جبت النسخه 16 جيجا واي فاي من تريدلين ب 2600 جنيه اول ما نزل عندهم اللون الابيض وبعديها باسبوعين اللي هو دلوقتي حاليا سعره زاد بقي ب 2777 علشان الدولار الجهاز وهمي وهمي وهمي ولا ايباد 2 ولا 3 ولا حتي 4 يتقارن بيه في الحجم والوزن والاداء أحلي حاجه في الجهاز دا انه بشيله في جيبي اه والله بشيله في جيب البنطلون كمان هو باين شويه انه فيه حاجه كبيره في جيب البنطلون ههههههه بس شغال يعني حد كان يحلم انه يشيل ايباد في جيبه دا الايباد الكبير دا قتيل متحرك كأكنك شايل حلة متحركه طبعا شاشة الميني مش ريتينا ولكن شغالة جدا والقراية عليه تحفه والكارثة بقي اللي انا عاملها واللي معتقدش حد عملها قبل كدا هو اني منزل عليه برنامج الواتس أب وبرنامج فيبر ودا من غير جيلبريك أو سيديا وقريبا هعمل فيديو للبرنامجين دول عليه بعمل منه مكالمات لاي تليفون وبستقبل عليه رسايل الواتس أب من غير سيديا __ أيباد ميني = good job apple

اه بالمناسبه كنت شاريه من فرع المهندسين اللي في شارع جامعة الدول وعملت حادثه بالعربيه بعد ما اشتريته علي قد ما كنت فرحان بالميني علي قد ما كنت زعلان من الحيوان اللي خبطني بس خد جزاءه وقتي البركة ف الشرطه المصريه طلعو من عربيتو مخدرات كراتين راح في 60 داهيه

المشاركة الأصلية كتبت بواسطة dsaasdsadsa

اول حاجه الف الف مبروك يا باشا على الجهاز!

وفعلا اللون الابيض دا فاجر اوووووى

واكيد هيغلى اكتر دا الدولار سارح لوحده

وبالنسبه انا لقيت 2 نفس السعر تقريبا الفرق 500 جنيه او اقل ؟

فا ياريت تقول رأيك

وايه حكايه الواتس اب والفايبر دى ....شكلك كدا لعبت على أبل

وضحلى اكتر يعنى رسائل الواتس اب والفايبر

يعنى الرسائل بتيجى على نمرتك بس بتوصل على الايباد؟؟

وفداك العربيه ....المهم الجهاز حصله حاجه

وبعدين الراجل اتكيف اهوا ....واتقفش بلمخدرات

تلاقيه دلوقتى ورا الشمس

الله يبارك في حضرتك

بص يا بوب هو انت قدامك شويه اختيارات بالنسبة للي هتشتري منه الجهاز دا يا اما تشتريه من محل أو تشتريه من المكان الرسمي لبيعه في مصر وهو التريدلين وبصراحه انا قررت اجيبه من هناك لسببين الاول معاه فاتوره وضمان سنه ثانيا المحلات اللي تحت بير السلم او المحلات اللي بتبيع الجهاز دا عموما بتبقي عايشه فيها الدور قوي ومغلياه علي الفاضي وكمان ممكن لو الستور نص كم بيكون جايب بضاعته من هونج كونج او ماليزيا ودي بتكون اسوأ منتجات شركة ابل يعني بيبقي الفرق واضح في الماتريل بتاع المنتج الايباد يعني في الصوت والشاشه وكدا انما وارد انجلتر او امريكا دا بيكون المنتج رقم واحد او الفرز الاول زي ما بيقولو علي اي حال انت اسأل هنا وهنا وأتأكد قبل ما تشتري وشوف الانسب ليك أيه هو انا كنت شاريه ب 2600 بالظبط لما دخلت علي الموقع دلوقتي لقيتهم 2777 الجهاز في ادائه ملوش حل مفيد جدا انا حاطط عليه كمية كتب خيالية اجنيي وعربي ربنا رزقني بأكونت عاملة فلو علي التويتر بينزل كتب عربي جامده جدا قديم وجديد وطبعا الكتب الاجنبي سهل تنزليها حتي اانا عندي اكتر من 1500 كتاب دلوقتي ومنزل شوية مزيكا لياني وبتهوفن وبخ مع القرايه بيبقي عايش في عالم اخر بتروح مع الكتاب اللي بتقراه انا اصلي غاوي قرائه طبعا الميديا والافلام والالعاب عليه تحفه انا عاجبني اكتر من الايباد العادي القديم واللي في وجهه نظري متعب بالنسبة وانت بتقري صعب تفضل شايله في ايدك اكتر من 10 دقايق انما الميني 300 جرام يعني اخف من الكتاب نفسه اللون الابيض الميزه فيه انه مبيبنش فيه البصمة الصوابع خالص عكس الاسود اللي أي لمسة بتظهر فيه علي طول وبتحتاج تنضفه كل شويه وفي الاخر دي ازواق المهم بالنسبة للفيبر والواتس اب دا فيديو عملي انا عملة فيه الفيبر والواتس اب بيتصلو ببعض عن طريق الايفون والايباد معلش التصوير مش حلو قوي علشان بكاميرا جهاز تالت فاكس شويه

ipad mini with whatsapp and viber working without jailbreak or cydia - YouTube

المشاركة الأصلية كتبت بواسطة youssef_u

تصحيح بس يا باشا مفيش فرق بين اجهزة ابل في اي مكان في العالم يعني لو حضرتك اشتريت ايباد من امريكا و ايباد من مصر مش هيطلع في فرق ابدا لا سوفتوير ولا هاردوير
الايباد ميني اخف واسهل في الشيل بس اكيد مجربتش الريتنا :_alshmokh23[1]: وضوووح رائع و الالعاب الhd خيااااااااال و فوق الوصف

و بالمناسبه انا كاتب المشاركة دي من ايباد ٣ :_alshmokh23[1]:

يا باشا تصحيحك علي عيني وعلي راسي بس يافندم بناء علي خبرتي البسيطه وتجاربي المتواضعه مع شركة أبل من عمر فات الايفون مثلا فيه منه درجات هوضح لحضرتك الايفون 4 الاماراتي موديل mc604ae مثلا بيكون فيه الشاشه فاتحه شويه مايله علي زراق كدا والسماعات بتكون كويسه بس ضعيفه في الصوت شويه أما في الايفون 4 السويسري أو البريطاني مثلا موديل mc604b بيكونو الشاشه مايله علي الاصفرار كدا والسماعات بتكون صوتها لودر شويه عن الاماراتي الكلام دي عن تجربة شخصيه أو بمعني أصح تجارب في 5 او 6 أيفونات اللون الابيض نفس النوع ولكن موديل مختلف وبلد المنشأ مختلف واكيد بالتبعية الايبادات نفس الحوار والماك نفس القصة أنا مقصدش ان الباقي مش جودة كويسة ولكن الفكرة ان مختلف بأختلاف البلد المصنع للمنتج أنا شخصيا لقيت ناس تفضل الشاشة تكون فاتحه زي الايفون الاماراتي مثلا عن الاتجاة للاصفرار في الشاشة زي البريطاني او الامريكي في النهاية أي حاجه من أبل كويسه بشكل عام ان شالة تكون من كولالامبور :)