الموضوع: سؤال عن 525i 2007

المشاركة الأصلية كتبت بواسطة mohamed_hamdi

ال X3 2013 عربية هايلة قياسا بالموديل السابق لها سواء من حيث الموتور التوين باور تيربو أو الاتساع الداخلي نتيجة لان قاعدة العجلات اكبر و طبعا الإضافات التكنولوجية زي الاي درايف و الكاميرا و غيره و البنزين ٩٢ اتطمن لان نسبة الانضغاط اقل من ١١ و ده مكتوب على تانك البنزين يعني مافيش فتاوى من الوكيل أو غيره. الثبات طبعا مش محتاج نقاش و كذلك التعليق و العفشة رائعة و دي إحدى اسرار ألبي ام في الحصول على ثبات خرافي بدون عفشة ناشفة. الملاحظة الواضحة بالنسبة لي هي الباور الكهربي قياسا بالباور الهيدروليك في الموديل - الموديلات - السابقة عموما لان الباور الكهربائي بيتأثر جدا بحالة الطريق و خصوصا في طرق السفر بتحس انك محتاج تبذل مجهود باستمرار مع الدريكسيون للحفاظ على خط مستقيم للقيادة و طبعا الطرق في مصر كلنا عارفينها كويس . الموديل ال ٢٠٠٠ سي سي - موتور N20 - كويس و اقتصادي لمصر من حيث الضريبة فقط إلا انه ١٨٤ حصان و ليس ٢٤٠ حصان الموجود خارج مصر و ده بيفقد متعة القيادة و السيطرة للبي ام بقدر ما و دي ملاحظة فعلا من بعض ملاكها لي شخصيا و الى جانب ذلك بدون بعض الكماليات كالفرش الجلد و الجنط ١٧ بدل ١٨ و الابنوس الداخلي و الكاميرا و الزينون الى اخره و ان كان فرق قوة الموتور هو الأساس من وجهة نظري الشخصية. استهلاك البنزين بالنسبة لي مع الموتور ال ٣٠٠٠ سي سي هو متوسط ٧.٥ لتر كل كم برة و جوة البلد و ٩ كم لكل لتر في السفر خارج البلد و ده بعد عمل ١٤٠٠٠ كم لان قبل اول غيار زيت عند ١٠٠٠٠كم الاستهلاك بيكون غير واقعي. طبعا الاستهلاك ده مرتبط ب استخدام بنزين ٩٢ لان الاستهلاك بيتحسن جدا مع بنزين ٩٥ بس طبعا بعد السعر الحالي له اصبح غير واقعي.

احسن توليفة للعربية دي لمصر من وجهة نظري هي موتور N20 ال ٢٤٠ حصان مع جنوط ١٨ و كل الكماليات الأخرى ها تبقى توليفة هايلة من حيث قوة الموتور و الشد مع سعر ضريبة ١٠٠٠ جم في السنة و استهلاك بنزين كويس جدا لن يقل عن ٩ كم لكل لتر أو ١٨٠ كم للصفيحة كمتوسط جوة و بره المدينة. طبعا التوكيل له حساباته لعدم التأثير على أسعار الموديلات المختلفة عنده و الحفاظ عى برستيج العربية سعريا مقارنة مع المرسيدس طبعا و خصوصا موديل ال GLK المتوفر فقط بفئة واحدة ٣٠٠٠ سي سي و ده سبب وحيد لعدم توفير السيارة بالموتور ٢٠٠٠ سي سي ٢٤٠ حصان - X20i لانها هاتوقف بيع الموتور الكبير ٣٠٠٠ سي سي X35 i.

أخيرا تحت أمرك في اي اسئة خاصة بالعربية و كلنا في المنتدى بنفيد بعض قدر الإمكان و خالص احترامي للجميع.

+++111
بصفه عامه ال x3 من 2007 هى من افضل ال suv و 4 wheel drive الى ممكن تركبها ...
و عن تجربه ال x3 الجديده 2012 هى امتداد للنجاح و افضل من الموديل السابق فى كل حاجه زى ما حضرتك قلت ...
ايضا عن تجربه المرسيدس glk مقاربه جدا لل x3 و لكن للاسف ملهاش نفس نصيب المبيعات مش عارف ليه مع انها مرسيدس :) .... ال x3 باعت اضغاف ال glk و سعر اعاده بيعها افضل ...
تحياتى ...

المشاركة الأصلية كتبت بواسطة Ahmed_Adham

موجوده في ال 320؟ عاجبني قوي الموضوع ده لأني بتحط في مواقف كتير أضطر فيها احط الحاجات اللي في ايدي على الارض عشان أفتح الشنطه. هوه ده اللي بيعجبني في البي ام ومرسيدس انهم بياخدو بالهم من الحاجات اللي تبان صغيره لكن تعمل معاك فرق كبير.

لازم يكون اوبشن comfort access او الدخول من غير مفتاح موجود (الى بيقولو عليه بصمه ) ... لا اعتقد ان 320 بتنزل به ... ممكن ال 328 و اكيد 335 ...
فى ال 528 فقط هذا النظام و اكيد فى ال 740 و 750 ...
تحياتى ...

المشاركة الأصلية كتبت بواسطة mohamed_hamdi

مشكلة وظيفة ال الدخول من غير مفتاح أو Comfort Access في مصر و طبقا لكلام البافارية أنها تسببت في سرقات سيارات كتير من ملاكها لأسباب فنية و فعلا بتنزل بس للفئة السابعة و خلوها في ال ٥٣٥I الموتور ال ٣٠٠٠ سي سي N55 مع الزينون لان سعرها معدي جامد في حدود ٦٢٥٠٠٠ جم.

مفيش و لا عربيه بى-ام اتسرقت بالتدوير ... الكلام ده غير صحيح ... فقط للكيا سيراتو التى ببصمه لان العصابات تحصلوا على الجهاز الكورى الاصلى الماستر الذى يفتح جميع السيارات عن بعد ...
سرقه البى-ام و المرسيدس تتم بالتحميل على النقل بتاع الطوارء فى 5 دقايق :)
ال comfort access موجود فى كل e60 ال executive من 2007 و ال 535/f10 من 2011 و سعرها الرسمى 765 الف ... و ممكن تشغله و توقفه de-activate من البرمجه فى التوكيل ...
تحياتى ...