الموضوع: الناس دية لازم ترجع وتشارك من تانى

اذيكوا ياهونداوية

طبعا الموضوع دة اللى هيعرفة هما الناس اللى كانت موجودة هنا فى المنتدى من 2010 و2011 وعارفة الناس بتوع الهوندا كويس

المهم فية ناس اختفت ومابقاش حد يشوفها ولا فى مقابلات ولا فى مشاركات

وعايزينهم يجوا ينورا المنتدى تانى لانهم بجد كانوا بيدوا للقسم روح جميلة جدا بتواجدهم

ومش عارف الصراحة سبب معين لغيابهم بس نتمنى انهم يرجعوا تانى

وانا هقولهم بالاسم عشان يبقوا عارفين نفسيهم

1- احمد سامى باشا ( horsepower ) الراجل دة علم من اعلام الهوندا ياريت نرجع نشوفك تانى يابو حميد

2- طبعا احمد امين ( no comment ) طبعا مشى وسابنا بدون سابق انذار وكان مخلى طعم للقسم , ان شاء الله نشوفك تانى يابو حميد

3- امين ( wellfine ) فينك ياعم امين اختفيت لية , وماشاء الله كان راجل متعاون جدا وموجود فى كل المقابلات , ان شاء الله نشوفك تانى ياامين

4- محمد نبيل ( m.nabil ) عايزين نشوف تواجد اكتر ليك ياباشا لازم الناس تستفاد من خبراتك , ونشوفك فى المقابلات بقالنا كتير ماشوفناكش يامحمد

5- احمد ( ahmed_hondawy ) اية يابو حميد اختفيت فين بس , الراجل دة بردة ماشاء الله كان موجود فى كل مقابلة , وعمل معانا الواجب ايام المطعم والبيتزا الجامدة اللى كلناها
لازم نشوفك تانى يابو حميد مش هينفع كدة

6- محمد ممدوح : Douhawise : من ساعت ماجيبت الchery يادوحة وانت بعدت عن القسم , يابنى انت هنا وسط اخواتك لازم ترجع وتشارك معانا ونتقابل من تانى ان شاء الله

7- محمد سنهورى ( sanhory ) اية ياسنهورى انت من ساعة لما جيبت ال 2007 وانت محدش بيشوفك لية ياباشا , ماينفعش كدة لازم ترجع تشارك زى الاول وتنورنا فى المنتدى بمشاركاتك القيمة تانى

8- طارق باشا زين ( tarekzein ) اية ياعم طارق فينك ياعم واحشنا جدا والله ولازم ترجع تانى تشارك زى الاول ومقابلات لازم تحضرها

9- الاستاذ عمران ( omran_73 ) ياباشا احنا اتشرفنا بمعرفة حضرتك فى مقابلة الهرم , وخدنا وعد منك بحضور المقابلات والمشاركات , فعايزين نشوف تواجدك الدائم معانا بإذن الله
وتنورنا فى المقابلات

10- محمد حسن ( m_hassan 204 ) طبعا حبيب قلبى محمد اختفى عن الانذار , ونفسى يرجع يشارك من تانى ونشوفة تانى ان شاء الله

دول اللى متذكرهم حاليا ويارب يشوفوا الموضوع ويردوا علية ويتارجعوا عن موقفهم ويشاركوا تانى ولو فية اى مشاكل ممكن نتقابل ونعمل مقابلة جميلة ويقولوا اللى عندهم واية المشاكل اللى وصلتهم لكدة ونحاول نحلها مع بعض لان بجد الناس دية لو رجعت القسم هيبقى اقوى قسم موجود فى المنتدى