الكربراتير عندى بيسرب بنزين

**shesho** · 13-01-2013 04:18 PM

استهلاك البنزين عندى مش طبيعى طبعا بعد ما الميكانيكى اللى كنت برحلو ماشتغلنى وفك وظبط ورش ( كان فى نقاش مع الاخ سمسم قبل كدة فى الموضوع دة ) لقيت برضة نفس المشكلة وهى تسريب البنزين من الكربراتير من تحت حسة بايدى يا ترى اية العمل واروح فين

**hany_bendary** · 13-01-2013 04:38 PM

متابع

**M.Al-Hefnawy** · 13-01-2013 05:41 PM

الافضل إنك تروح لمركز متخصص في الكربيراتير عشان الميكانيكي مش هايفيدك في الموضوع ده ... لو الكربيراتير محتاج إصلاح الميكانيكي مش هايعرف يعمله لأنها حاجات بتحتاج مخرطة وكده ولازم مركز متخصص.

**SAMEH_FOUAD** · 13-01-2013 08:31 PM

المشاركة الأصلية كتبت بواسطة shesho

استهلاك البنزين عندى مش طبيعى طبعا بعد ما الميكانيكى اللى كنت برحلو ماشتغلنى وفك وظبط ورش ( كان فى نقاش مع الاخ سمسم قبل كدة فى الموضوع دة ) لقيت برضة نفس المشكلة وهى تسريب البنزين من الكربراتير من تحت حسة بايدى يا ترى اية العمل واروح فين

كدة فية مشكلة فى جسم الكربراتير نفسة , ممكن بقى غالبا يكون فية جوان بايظ , او فية خراطيم مقطوعة وبتسرب

عموما فية عندك للاسف ومضطر اقولك روحلة ( منير فى الحرفيين ) ودة جنب حسنى الكهربائى , هو اللى هيظبطلك الكربراتير

**alking_2006** · 14-01-2013 03:53 PM

غالبا الخراطيم اللى واصله للكاربراتير من طرمبة البنزين شققت و محتاجة تتغير
او الكوليه اللى بيربط الخراطيم دى محتاج يتغير او يتربط عليه كويس
و اخيرا بيبقى فيه جوان اسفل الكاربراتير ما بينه وما بين جسم الموتور ممكن يكون نشف و ابتدا يسرب بنزين

و الاحتمالات البعيدة
ان مسامير الهواءو السلانسيه بوشوا
او ان جسم الكاربراتير فيه تأكل
و فى كلتا الحالتين بتغير الكاربراتير كله

**shesho** · 15-01-2013 10:51 AM

شكرا على الردود انا روحت امبارح الى مركز الصفا اللى فى جسر السويس وفك الكارباتير ( شغل ساعتين ) لقى فى طبعا تسريب + استهلاك بنزين عالى جدا على السرعات البطيئة والسريعة -سبب التسريب فى اويلسيهات بالكاربارتير مشققة وغيرها ( هذا كل ما حدث ) وبجرب بقى دلوقتى وفى خراطيم مسدودة طبعا من كل ( الرش اللى رشة الميكانيكى قبل كدة )

**engmesk2** · 15-01-2013 11:59 AM

باشا انا عندي سيفك 92 كاربيراتير .. وبرضه عندي استهلاك عالي للبنزين .. ماتقوللنا ياباشا تفاصيل اكتر .. يعني غيروا حاجات .. دفعت كام .. وهل لازم متخصصين هوندا عشان موضوع صيانة الكاربيراتير ؟

اصلي من حلوان وبفكر اروح لحد قريب .. جسر السويس ده بالنسبالي مشوااار :)

**alking_2006** · 15-01-2013 12:00 PM

طب جميل
بس عندى سؤال
ايه انطباعك عن مركز الصفا؟ الاحترافية؟ الخدمة؟ السرعة؟ الاسعار؟ المكان؟ الصنايعية؟
و شكرا

**shesho** · 15-01-2013 02:20 PM

المشاركة الأصلية كتبت بواسطة engmesk2

باشا انا عندي سيفك 92 كاربيراتير .. وبرضه عندي استهلاك عالي للبنزين .. ماتقوللنا ياباشا تفاصيل اكتر .. يعني غيروا حاجات .. دفعت كام .. وهل لازم متخصصين هوندا عشان موضوع صيانة الكاربيراتير ؟

اصلي من حلوان وبفكر اروح لحد قريب .. جسر السويس ده بالنسبالي مشوااار :)

هما غيروا كواتشات بس وفعلا السيارة فاقت بعد ماممشيت وسحب تمام ومفيش تاخير فى الدوارة الصبح او اى وقت

ثانيا تكلفة الاصلاخ والكاوتش اللى اتركب 140 جم ويوجد ضمان لاى حاجة بيعملوها اسبوعين

ثالثا مش لازم متخصص فى الهوندا فى موضوع الكاربارتير دة