تجربتى لكاسيت Matsobishi MC81 (بالصور)

**mous6fa** · 01-01-2013 01:39 PM

المشاركة الأصلية كتبت بواسطة HAITHAM1985

من منطلق ذكورى كسمة أساسية فى العقل الجمعى المصرى ......... ومن منطلق إستخسار إن تبقى فيه بنت تعلم ما يعلمه الرجال أو ما يزيد ......... أحب أقولك إن الشك دب فى قلبى إنك بكسر النون ممكن تكون ذكر يمثل دور الأنثى على الرغم من قناعتى إن هذا الشك اللى بيحصل لما أى ذكر يحس أن هناك من هو فى الجنس الأخر يهدد عرشه المزعووووووووم بإحتكار الحقائق والمعلومات .... أن هذا الشك دليل ضعف وجبروووووووت مصطنع

الرجل والمرأة متساوون فى الحقوق والواجبات

ولم تعقم أرحام مصر عن ولادة بنات ونساء ناجبات العقل والثقافة

أنا مش عارف أنا قلت الكلام الكبيييييير ده ليه وإزاى بس لقتنى بكتبه

تحياتى ......... رجل ....... وليس بالضرورة كل الذكور رجااااال

أنا معرفش حضرتك ايه اللى "سخنك" أوووى تجاه موضوع الستات وإنهم عايشين ف مجتمع ذكورى ومقهورين وبتاع ... إسمحلى أرد عليك عشان أوضحلك إننا كرجالة عايشين ف مجتمع "أنثوى" ومقهورين وسطهم كمان

هرد عليك فى جانب واحد فقط وهو جانب السيارات والمرور بما إننا فى منتدى مختص بالسيارات وشئونها ... شوف لما بنت او واحدة ست تدخل لجنة أو كمين بتتعامل ازاى من الظباط والعساكر وشوف إنتا كراجل بيعاملوك ازاى .. شوف لما بتتقفش هي بفاميه ولا إزاز مكسور ولا حتى عكس سير بيعاملوها إزاي وإنتا بتتبهدل كرامتك ازاى ... شوف لما بنت تروح عند صنايعي يظهرلها من تحت الأرض مليون راجل ينصحها ويديها المشورة السليمة وكمااااان الصنايعي يعملها مليون خاطر ... إنما إنتا كراجل بتتمسح كرامتك عند الصنايعي من دول ... شوف البنت لما تدخل تسأل ع أي حاجة تخص قطع الغيار او الإكسسوارات بتلاقي التاجر يقف إنتباااااااااه عشان خاطرها ازاي وإنتا عشان راجل تلاقيه بيكلمك وهو قرفااااااااااان يرد عليك ومش عاوز يبص ف عينك حتى ..

ها أقول كمان ؟؟ تحب نتكلم ف حقوق المرأة ف قانون العمل ؟؟ ساعة الرضاعة والحمل ؟؟ أجازات الوضع ؟؟ مرافقة الزوج ؟؟ ممنوع طلوع المرأة ف مأموريات ميدانية خارج مكان العمل ؟؟

تحب نتكلم عن فرق النسبة بين الجامعيين والجامعيات ؟؟ تحب نتكلم عن عدد الموظفين الذكور بالنسبة للموظفات الإناث ؟؟

ها تحب نقول ايه تاني ؟؟ أستقيموا يرحمكم الله ... الستات واخدين حقهم زي الفل أكتر مني ومنك يا حضرة الذكـــــــر وبلاش نردد زي البغبغانات الكلام الاعوج بتاع حقوق المرأة والحرية والكلام اللى مالوش اساس ده ..

**المنسي** · 01-01-2013 02:26 PM

اهدو شوية وبلاش كده صاحبة الموضوع اشترت كاسيت ووضحت تجربتها معاه يانقول الف مبروك ياشكرا وخلاص

**zomzom11** · 01-01-2013 11:07 PM

صلو عالنبى واهدو وياريت يا جماعه الى يتكلم يتكلم عن نفسه وبس بلاش نتكلم عن حد
ربنا يوفق الجميع

**HAITHAM1985** · 02-01-2013 02:54 PM

المشاركة الأصلية كتبت بواسطة mous6fa

أنا معرفش حضرتك ايه اللى "سخنك" أوووى تجاه موضوع الستات وإنهم عايشين ف مجتمع ذكورى ومقهورين وبتاع ... إسمحلى أرد عليك عشان أوضحلك إننا كرجالة عايشين ف مجتمع "أنثوى" ومقهورين وسطهم كمان

هرد عليك فى جانب واحد فقط وهو جانب السيارات والمرور بما إننا فى منتدى مختص بالسيارات وشئونها ... شوف لما بنت او واحدة ست تدخل لجنة أو كمين بتتعامل ازاى من الظباط والعساكر وشوف إنتا كراجل بيعاملوك ازاى .. شوف لما بتتقفش هي بفاميه ولا إزاز مكسور ولا حتى عكس سير بيعاملوها إزاي وإنتا بتتبهدل كرامتك ازاى ... شوف لما بنت تروح عند صنايعي يظهرلها من تحت الأرض مليون راجل ينصحها ويديها المشورة السليمة وكمااااان الصنايعي يعملها مليون خاطر ... إنما إنتا كراجل بتتمسح كرامتك عند الصنايعي من دول ... شوف البنت لما تدخل تسأل ع أي حاجة تخص قطع الغيار او الإكسسوارات بتلاقي التاجر يقف إنتباااااااااه عشان خاطرها ازاي وإنتا عشان راجل تلاقيه بيكلمك وهو قرفااااااااااان يرد عليك ومش عاوز يبص ف عينك حتى ..

ها أقول كمان ؟؟ تحب نتكلم ف حقوق المرأة ف قانون العمل ؟؟ ساعة الرضاعة والحمل ؟؟ أجازات الوضع ؟؟ مرافقة الزوج ؟؟ ممنوع طلوع المرأة ف مأموريات ميدانية خارج مكان العمل ؟؟

تحب نتكلم عن فرق النسبة بين الجامعيين والجامعيات ؟؟ تحب نتكلم عن عدد الموظفين الذكور بالنسبة للموظفات الإناث ؟؟

ها تحب نقول ايه تاني ؟؟ أستقيموا يرحمكم الله ... الستات واخدين حقهم زي الفل أكتر مني ومنك يا حضرة الذكـــــــر وبلاش نردد زي البغبغانات الكلام الاعوج بتاع حقوق المرأة والحرية والكلام اللى مالوش اساس ده ..

مع إن الكلام مش ده موضعه بس حابب أوضح حااااجة ....... هناك فارق بين الفكر والإجراء

بمعنى أنه من الممكن أن تكون المرأة فعلا واخده حقها تالت ومتلت على رأى المثل وأنا أرى ذلك فعلا رغم الدعايات العلمانية المأجورة " مش كل العلمانيين مأجوريين " ..... دى إجراءات أو ظواهر أخد الحقوق ودى حقيقية

بس أنا اللى كنت بقصده هو : الصورة الذهنية لدى الرجال تجاه النساء ...... هى فى الأغلب الأعم مشاعر سلبية يشوبها الكثيييير من الشك فى القدرات مثلا قليل من الرجال من يقتنعون بكفاءة المهندسة أو الطبيبة أو الأستاذة الجامعية

إذا ليس بالضرورة وجود مهندسات أو طبيبات أو أستاذات جامعيات يعملن فى القطاع الحكومى وقلما يعملن فى القطاع الخاص ..... ليس معنى ذلك أن الرجال أو الغالبية العظمى منهم أقروا عن رضا بأحقيتهم فى هذا التواجد الوظيفى أو حتى القناعة النفسية بأن منهن من هو جدير بهذه الوظائف

تحيااااااتى

**zomzom11** · 03-01-2013 11:19 AM

ياجماعه لو سمحتم اقفلو بقى الكلام فى الموضوع ده ومن فضلكم الى يتكلم يتكلم فى الموضوع الاصلى ولو حد حابب يفتح موضوع اخر للنقاش يتفضل يفتح موضوع جديد والى حابب يشترك محدش هايحوشه

**zomzom11** · 03-01-2013 11:35 PM

الحمد لله اشتريت كاسيت ادريان ام 8 وهو نفس ام 9 وفى غيره ام 5 التلاته واحد فى كل حاجه والفرق الوحيد بينهم شكل الوش والزراير فقط وكل واحد يختار شكل الزراير اللى تناسبه
اشتريته من ارخصهم ب 180 جنيه واش وضمان سنه واشتريت سماعتين ادريان بردو مقاس 13 للابواب عندى فى اللانوس ب 75 جنيه وبردو معاهم ضمان سنه واان شاء الله هاركبهم الاسبوع القادم
لو حد يعرف حد بيركب ويكون نضيف وسعره حنين ياريت يبلغنا هنا وياريت يكون فى وسط البلد او المعادى