هل ثمَّة فروق أخرى؟

**tutankhamoun** · 27-12-2012 06:26 PM

المشاركة الأصلية كتبت بواسطة motarjim

صراحةً أنا مش متأكد من الجزئية دي.

أما بالنسبة للأكصدام الخلفي للبرسونا، ممكن أكون مش فاهم أو التبس علىّ الأمر، بس اللي انا عايز أقوله أن أكصدم برسونا الخلفي، فيه عاكسين لونهما أحمر إلى جانب حساسين للركن،

أم أكصدام الجين تو الخلفي، لا يوجد به العاكسين المشار إليهما، وفيه حساسين الركن.

هذا ما قصدته يا باشا.

وشكرًا للتوضيح.

لو حضرتك تقصد العواكس .... ده صحيح .
أنما مصابيح الشبورة فدي مختلفة .... و موجودة في الجين 2 و أعتقد كمان موجودة في البرسونا
تحياتي العطرة لحضرتك

**Motarjim** · 27-12-2012 06:35 PM

المشاركة الأصلية كتبت بواسطة tutankhamoun

لو حضرتك تقصد العواكس .... ده صحيح .
أنما مصابيح الشبورة فدي مختلفة .... و موجودة في الجين 2 و أعتقد كمان موجودة في البرسونا
تحياتي العطرة لحضرتك

الله يكرمك يا ريس، اعتقدت إن العواكس هي مصابيح الشبورة، فعذرًا لجهلي، فالحمد لله الـ 128 بالكاد فيها فوانيس ضوءها كضوء الشموع، ولا فيها شبورة ولا ضباب.

أهو بنتعلم من حضراتكم.

**hoko** · 27-12-2012 08:43 PM

بيرسونا لا يوجد بها مصابيح شبوره خلفيه

**Motarjim** · 27-12-2012 08:56 PM

المشاركة الأصلية كتبت بواسطة hoko

بيرسونا لا يوجد بها مصابيح شبوره خلفيه

شكرًا يا أستاذ هوكو على الإفادة.

هي مصابيح الشبورة الخلفية موجودة في الفوانيس الخلفية للجين تو؟

إذا كان الأمر كذلك، فاعتقد أن الفوانيس الخلفية سواء القديمة أو الجديدة LEDs للجين تو، هي هي بتاعت البرسونا، مافيش اختلاف على ما اعتقد؟

مش عارف إذا كان هذا الكلام صحيح أم خطأ.

**hoko** · 27-12-2012 09:22 PM

المشاركة الأصلية كتبت بواسطة motarjim

شكرًا يا أستاذ هوكو على الإفادة.

هي مصابيح الشبورة الخلفية موجودة في الفوانيس الخلفية للجين تو؟

إذا كان الأمر كذلك، فاعتقد أن الفوانيس الخلفية سواء القديمة أو الجديدة leds للجين تو، هي هي بتاعت البرسونا، مافيش اختلاف على ما اعتقد؟

مش عارف إذا كان هذا الكلام صحيح أم خطأ.

كلام حضرتك مظبوط ولكن فى البيرسونا مكان اللمبه موجود ( فارغ ) غير مفعله عكس g en 2 ولك تحياتى

**mhassan9** · 27-12-2012 09:46 PM

أنا مش عارف هما ليه في التوكيل كل ما حد يروح يحاولوا بقنعوه بالبرسونا!!
غالباً غشان الجين مطلوبة أكتر ومنتشرة أكتر مع أن دي ليها ناسها ودي ليها ناسها.
المشكلة أن مفيش عربيات حالياً في السوق وأديني مستني الدفعة الجديدة اللي الله أعلم هتيجي أمتي :(

**Motarjim** · 28-12-2012 12:51 AM

المشاركة الأصلية كتبت بواسطة hoko

كلام حضرتك مظبوط ولكن فى البيرسونا مكان اللمبه موجود ( فارغ ) غير مفعله عكس g en 2 ولك تحياتى

تمام ياريس، ربنا يكرمك...

اعتقد أنه ده يعني الفانوس مجهز لتركيب مصابيح الشبورة.

**Motarjim** · 28-12-2012 01:05 AM

جزاكم الله خيرًا يا شباب على الردود والمشاركات والمرور العطر.

بس كالعادة لي سؤال:

لما كنت باتفرج على برسونا، في ورقة ملصوقة على البرابريز أو الزجاج الأمامي فيها بيانات كتاريخ الشحنة والتاريخ الاعتماد وميناء استقبال العربية على ما اتذكر، وكانت كالتالي

Approval date: 00-7-2012

مش فاكر اليوم بالظبط. ومش عارف تاريخ الاعتماد أو الموافقة فين ومن مين...بس ظني والله أعلم أنه من قِبل بروتون ماليزيا قبل شحن العربيات من هناك.

Shipment date:15-8-2012

طيب العربية في مصر لها أربع شهور تقريبًا من واقع هذا التاريخ.

السؤال بقى، هي ليه متخزنة الفترة دي كلها؟ وإزاي تُعتبر موديل 2013؟

ولا دي شيء طبيعي، وعادي يعني؟

**sabregas2010** · 28-12-2012 06:44 AM

بخصوص الاختلاف ما بين العربيتين انا كنت فى عز العرب الصحراوى من كام يوم واتفرجت على العربيتين واتكلمت بعدها مع المهندس / محمد عبد الهادى واكدلى ان مفيش اى اختلاف بينه خالص غير فى الشكل طبعا ومشبت السرعة فى البرسونا لكن كعفشة وموتور كله واحد والاتنين عفشة رياضية
وانا بصراحة مش قادر اخد قرار ما بين الاتنين فادعيلى بقه ربنا يوفقنى زيك كده واخد القرار السليم ان شاء الله
والف مبروك مقدما

**Motarjim** · 28-12-2012 01:45 PM

المشاركة الأصلية كتبت بواسطة sabregas2010

بخصوص الاختلاف ما بين العربيتين انا كنت فى عز العرب الصحراوى من كام يوم واتفرجت على العربيتين واتكلمت بعدها مع المهندس / محمد عبد الهادى واكدلى ان مفيش اى اختلاف بينه خالص غير فى الشكل طبعا ومشبت السرعة فى البرسونا لكن كعفشة وموتور كله واحد والاتنين عفشة رياضية
وانا بصراحة مش قادر اخد قرار ما بين الاتنين فادعيلى بقه ربنا يوفقنى زيك كده واخد القرار السليم ان شاء الله
والف مبروك مقدما

تمام يا ريس.

المسألة مسألة ميول في الأساس، واحتياجات في المرتبة التالية.

يعني شوف حضرتك ميّال لإيه أكتر، ومرتاح لأيهما أكتر من حيث الشكل والتصميم.

ثانيًا، شوف كده لو الشنطة في البرسونا والاتساع النسبي للكنبة الخلفية فضلا عن مثبت السرعة يمثل أولوية بالنسب لك، أم أن جين تو تفي بالغرض، وتلبي احتياجاتك في هذا الشأن.

أنا كنت، ولا زلت أحيانًا اتردد في الحيرة ذاتها: برسونا ولا جين تو، جين تو ولا برسونا...ولكن فيما يبدو إن شا ءالله أني سأحسم الاختيار لصالح البرسونا.

وربنا يقدر لنا جميعًا الخير، ويرضِّنا به.