سؤال في فتيس الجيل التامن

**hany63** · 28-12-2012 01:22 AM

صباح الخير
دلوقت لما ابقى ماشي مثلا على سرعة ٧٠ كم العربيه بتبقى على الخامس لو هبتدي ازود على نفس النقله بتبقى على ٢٠٠٠ لفه في الدقيقه لو جيت اعمل كيك داون للرابع بحس ان فيه درجتين اول درجه زي ما تكون بين البينين لا خامس ولا رابع و الار بي ام بيطلع ل ٢٣٠٠ لفه و لو كملت ضغط باحس فعلا انها على الرابع و ابتدت تشد و الار بي ام على ٢٨٠٠ لفه المهم اني بقيت اضغط زياده بس عايز اعرف ايه تفسير الموضوع
يا ترى ايه التفسير للموضوع ده و خصوصا ان الكورولا مثلا بتسقط مره واحده هل ده له علاقه بموضوع درايف باي واير

**حماده المصري** · 28-12-2012 01:34 AM

في اعتقادي

بين البينين دي هي كانك دايس على النقله الخامسه ولما بتضغط جامد الكمبيوتر بيقرا انك عايز تجري ف بيديك الرابع تحرق براحتك

الحوار ده عموما بيحصل معايا في الصني بس باعتبار انها 4 غيارات

**hany63** · 28-12-2012 09:27 AM

المشاركة الأصلية كتبت بواسطة حماده المصري

في اعتقادي

بين البينين دي هي كانك دايس على النقله الخامسه ولما بتضغط جامد الكمبيوتر بيقرا انك عايز تجري ف بيديك الرابع تحرق براحتك

الحوار ده عموما بيحصل معايا في الصني بس باعتبار انها 4 غيارات

بس ازاي نفس النقله و الار بي ام بيطلع فجاءه

**HISHAM80** · 28-12-2012 01:09 PM

اعتقد فتيس هوندا ccvt يعني نظريا عندك عدد غير محدود من النقلات

**HISHAM80** · 28-12-2012 01:14 PM

شوف حضرتك الينك فيه شرح ccvt
AutoZine Technical School - Transmission

**haythamkmal** · 28-12-2012 01:22 PM

هانى باشا صباح الفل

افضل انت اكتشف كل يوم حاجة كده فى العربية

بص يا باشا الموضوع ده بيحصل نتيجة فتح اول مرحلة من الفى تك ، ملوش علاقة بالفتيس خالص

**hany63** · 28-12-2012 03:42 PM

المشاركة الأصلية كتبت بواسطة haythamkmal

هانى باشا صباح الفل

افضل انت اكتشف كل يوم حاجة كده فى العربية

بص يا باشا الموضوع ده بيحصل نتيجة فتح اول مرحلة من الفى تك ، ملوش علاقة بالفتيس خالص

الله ينور انا قلت برضه هيثم باشا هيجيب من الاخر
و اللي فهمته من كلامك ان لو مسايسها هتفضل على نفس النقله الخامس بدون فيتك ومع اول ضغطه العربيه بتفضل على نفس النقله و الفيتك بيفتح اول مرحله فبيساعد على التسارع بدون تسقيط نقله و لو تقلت رجلي العربيه هتسقط نقله واحده و في نفس الوقت الفيتك فاتح اول مرحله عشان ببقى لسه على ٣٠٠٠ اربي ام اما لو كبست جامد العربيه هتسقط نقلتين و الفيتك هيخش تاني مرحله عشلن هكون عديت ال ٤٠٠٠ لفه ياترى الكلام ده كده صح ولا لاء

**SAMEH_FOUAD** · 28-12-2012 04:24 PM

المشاركة الأصلية كتبت بواسطة hisham80

اعتقد فتيس هوندا ccvt يعني نظريا عندك عدد غير محدود من النقلات

فتيس السيفيك اوتوماتيك عادى من خمس نسب

**Ahmod** · 28-12-2012 05:22 PM

الموضوع مالوش علاقة بال Drive by wire

الفكرة كلها ان كومبيوتر العربية بيبقى عايز يديلك افضل استهلاك بنزين ممكن

وعشان يديلك افضل استهلاك بنزين يبقى لازم العربية تبقى على اقل lowest possible RPM مناسب مع سرعتك

في حالة انك ماشي على 70 وطبعا ثابت على السرعة دي يعني مريح رجلك خفيف على البنزين

بالتالي ال ECU بيفهم انك ماشي بطريقة اقتصادية فبتبقى على اقل RPM ممكن وهو 2000 وبإعتبار انك اصلا مش دايس بنزين عشان تزود سرعتك ! لا انت مجرد مريح رجلك خفيف عشان تفضل على نفس السرعة

لما تيجي تدوس دوسة خفيفة طبيعي لازم ال RPM هيعلى معاك شوية والكومبيوتر يفهم انك عايز تزود سرعتك يقوم رافع ال RPM

بعد كدة بيتعامل الكومبيوتر مع النقلات على حسب دوستك

لو دوسة وسط هينزل نقلة لو تقلت رجلة سنة كمان هينزل نقلتين وهتلاقي ال RPM بقى في حدود 3000

اما لو دوست Kick down !! يعني جبت اخر الدواسة هتلاقي الفتيس نزل تاني او تالت على حسب نسب النقلات وال RPM رفع مرة واحد لحدود 5000 او اكثر على حسب نسب الغيارات

مع الوقت وكتر سواقة العربيات الاتوماتيك هتلاقي نفسك بقيت بتتحكم امتى تزود سرعتك على نفس الغيار او امتى تنزل نقلة او امتى تنزل نقلتين او حتى تلت نقلات من خلال دوستك على البنزين حتى بدون استغدام ال paddle shift

**Ahmod** · 28-12-2012 05:24 PM

المشاركة الأصلية كتبت بواسطة hany63

بس ازاي نفس النقله و الار بي ام بيطلع فجاءه

هو مطلعش فجاءة ولا حاجة !!

دوستك على البنزين لازم يبقى معاها في نفس الوقت زيادة في ال rpm

وزيادة من 2000 الى 2300/2500 تعتبر طبيعية بالنسبة لدوسة عادية !!!