الموضوع: سؤال في فتيس الجيل التامن

على العموم بكره هسوق على المانوال مود و ده ما فيهوش تسقيط نقلات و اشوف اللي هيحصل لما ادوس جامد لو اتحرك الار بي ام فجاءه يبقى ده الفيتك زي ماقال استاذ هيثم

تحيه لاستاذ هيثم الراجل ده بصراحه كل كلمه من كلامه ليها قيمتها
انا النهارده سقتها مانيوال لحد ما رجعت عشان اركز في الموضوع
ال vti بتمتاز عن ال lxi بانك تقدر تمشي من الاول للخامس و العكس مانيوال
باختصار عشان مطولش وانا على الخامس مانيوال على سرعة ١٠٠ كم في الساعه الاربي ام بيبقى على ٢٠٠٠ لفه وانا دايس براحه و العربيه بتجمع عادي
لو ريحت رجلي لتحت الاربي ام بينط فجاءه لغاية ٢٧٠٠ لفه و السرعه لسه ١٠٠ كم و خلوا بالكم من الحته دي بس الفرق ان فيه عزم و التسارع اعلى ولسه العربيه موضحه انها على الخامس و طبعا مافيش كيك داون في المانيوال
لو خفيت رجلي ما شيلتهاش يقوم الار بي ام نازل على ٢٠٠٠ لفه و تحس بنفس احساس النقله في الاوتو
وكل الفيلم ده على نفس النقله
و جربت الموضوع برضه في النقله الرابعه نفس النتيجه و جربت و انا على الاوتو و الفتيس على الخامس لما الار بي ام بقى على ٢٧٠٠ لفه و نفس السرعه قمت مسقط بالشيفت عشان اشوف رقم النقله لقيته جاب الرابع مش التالت
الخلاصه
لو سقت اي عربيه مافيهاش شبيه لنظام ivtec هتضطر انك كل شويه تتخانق مع الفتيس هو يغيظك ويجيبلك سرعة ٦٠ كم في الساعه على اخر نقله و الار بي ام يبقى على ١٨٠٠ لفه و انت تسقط نقلتين برجلك كل شويه و صباح التهنيج و الموضوع ده بيعاني منه اصحاب الكوري و بعض الالماني و هنروح بعيد ليه ما الباسات اللي بيجيب اجل الفتيس انك كل شويه بتعمل كيك داون
اما نظام ivtec و ده مختلف عن الفيتك العادي هيتفاعل معاك في حالة التسارع المعتاد من اول ال low range اللي في الزحمه و مش لازم تضغط جامد و تعمل كيك داون و دي المرحله الاولي اما في حالة الشد الجامد هنا النظام بيشتغل بكامل طاقته و تحس ان العربيه بعد ال ٤٠٠٠ لفه بتتسارع كان فيها تربو

انا حابب بس اضيف حاجة و هي اللي بتفسر ان العربية تبقى على نفس النقلة بس الار بي ام يعلى سنة

في حاجة في الفتيس اسمها torque converter solenoid و دي بتفتح و تقفل لما يكون في load عالفتيس عشان تدي عزم لنفس النقلة من غير ما يحصل كيك داون

و دي بتبان قوي لو العربية ماشية في طريق و الطريق ابتدي يبقى مطلع بتلاقي العربية مع نفس دوسة الرجل بتعلي الار بي ام 200 300 لفة عشان تحافظ على العزم في الطلعة

و ده اللي بيحصل لما بنيجي نزود سنه بسيطة عالبنزين بيفتح ال solenoid ده في الفتيس و مبيحصلش كيك و الار بي ام بيعلى سنة على نفس النقلة و لو زودنا الدوسة يحصل الكيك داون

المشاركة الأصلية كتبت بواسطة sanhory

انا حابب بس اضيف حاجة و هي اللي بتفسر ان العربية تبقى على نفس النقلة بس الار بي ام يعلى سنة

في حاجة في الفتيس اسمها torque converter solenoid و دي بتفتح و تقفل لما يكون في load عالفتيس عشان تدي عزم لنفس النقلة من غير ما يحصل كيك داون

و دي بتبان قوي لو العربية ماشية في طريق و الطريق ابتدي يبقى مطلع بتلاقي العربية مع نفس دوسة الرجل بتعلي الار بي ام 200 300 لفة عشان تحافظ على العزم في الطلعة

و ده اللي بيحصل لما بنيجي نزود سنه بسيطة عالبنزين بيفتح ال solenoid ده في الفتيس و مبيحصلش كيك و الار بي ام بيعلى سنة على نفس النقلة و لو زودنا الدوسة يحصل الكيك داون

احب انا الناس اللي بتتكلم بطريقه علميه و فعلا اضافه جميله وفعلا شكله لما بيفصل بيسبب احساس ان العربيه نقلت رغم انها على الخامس
ياترى موضوع محول العزم موجود ستاندارد في كل الاوتو ولا مش في كله يعني الكوري مثلا بينزل بمحول العزم؟

المشاركة الأصلية كتبت بواسطة haythamkmal

ياباشا العفو ، واحييك على اسلوب شرحك المميز دائما

تصدق بأيه شويه لو اتعمل موضوع شكر لك
رغم مداخلاتك القليله نسبيا لكن كل مداخله بفايده كبيره و عمرك ما اتأخرت ولا بخلت بمعلومه

في و في يعني مثلا في شركات بتستعيض بزرار ال OD overdrive بدل ال torque converter زي الفيرنا و الماتريكس