مساعده في أجراءات إستلام الصني الجديده من السبع النزهه

**gomana85** · 28-12-2012 10:51 PM

السلام عليكم و رحمة الله و بركاته
انا ان شاء الله هستلم الصني الجديده خلال اسبوع او 10 ايام من السبع شارع النزهه
فكنت عايزه اعرف ايه النظام بالنفصيل ؟ و ايه الورق الي هستلمه ؟ و انا كاش ، فهل باردوا هيبعت معايا مندوب من المعرض للمرور ، و النسبه ان ممكن ملحقش المرور و احتاج ارخص تاني يوم ، هيبعت معايا مندوب باردوا ؟؟
معلش اصل انا اول مره اشتري عربيه
و شكرا جزيلا

**youssef_u** · 28-12-2012 10:53 PM

الــــــــــــف مبروك و ربنا يباركلك فيها و يديك خيرها و يكفيك شرها

**Land_Cruiser** · 28-12-2012 11:11 PM

الف مبروك مقدما و تستلمى على خير ان شاء الله. الاجابه نعم السبع هيبعت مع حضرتك مندوب سواء كاش او تقسيط و هو بيبقى غالبا مشترى ورق الترخيص معاه كمان علشان يوفر وقت. بالنسبه ليوم الاستلام حاولى حضرتك تتفقى مع مندوب المبيعات انه يسلمك الصبح يعنى الساعه العاشرة بالكتير و نبهى عليه على الموضوع ده و ان الورق يبقى جاهز لان العربيه بتبقى جايه من المخزن عليها تراب و بيقعدوا يغسلوها و بيطولوا . بالنسبه للمندوب هو هيطلع مع حضرتك بس لو روحتوا متأخر هتلاقوا المرور قفل طبعا فحضرتك حسب الظروف يوميها لو استلمتى بدرى خدى معاكى المندوب و اطلعوا على المرور و لو ملحقتوش يبقى حضرتك استلمى العربيه و الورق و اتفقى مع المندوب انه يجيلك تانى يوم الصبح بدرى على المرور

**gomana85** · 29-12-2012 10:04 PM

تمام ، شكرا جزيلا

**the_air_devil** · 29-12-2012 10:35 PM

انا مستلم من نفس الفرع بالظبط وخدي من المندوب اللي باعلك رقم الراجل اللي المفروض ييجي معاكي المرور , هايقوللك انك تستنيه الساعة 8 او 8 ونص الصبح ان شاء الله وهاتلاقي العربية نضيفة ومغسولة , أما لو حبيتي تستلمي خلال النهار فالموضوع هايطول وغالباً هاترخصي يوم تاني أو تسيبيها عندهم لحد ماترخصي الصبح كذلك ... عموماً هاتبقى عملية سهلة وبسيطة ومافيهاش تعقيدات بس ورقك هايكون أكتر شوية لأن حضرتك شارياها كاش وربنا يرزقك خيرها ويكفيكي شرها وشر النفوس والطريق

وطلعي حاجة لله زي ما أكرمك بحاجة تغنيكي عن سؤال اللئيم :)

**gomana85** · 30-12-2012 01:55 PM

المشاركة الأصلية كتبت بواسطة the_air_devil

انا مستلم من نفس الفرع بالظبط وخدي من المندوب اللي باعلك رقم الراجل اللي المفروض ييجي معاكي المرور , هايقوللك انك تستنيه الساعة 8 او 8 ونص الصبح ان شاء الله وهاتلاقي العربية نضيفة ومغسولة , أما لو حبيتي تستلمي خلال النهار فالموضوع هايطول وغالباً هاترخصي يوم تاني أو تسيبيها عندهم لحد ماترخصي الصبح كذلك ... عموماً هاتبقى عملية سهلة وبسيطة ومافيهاش تعقيدات بس ورقك هايكون أكتر شوية لأن حضرتك شارياها كاش وربنا يرزقك خيرها ويكفيكي شرها وشر النفوس والطريق

وطلعي حاجة لله زي ما أكرمك بحاجة تغنيكي عن سؤال اللئيم :)

متشكره جدا ، ربنا يكرمك
ان شاء الله ربنا يكرم و ادبح حاجه صغيره