أول تقرير بالصور والفيديو لكاسيت Adrian AD-M9

**ahmedazabreno** · 22-02-2013 04:56 PM

معلش سؤال بس انا عندى الكاست دة بس انا كنت عايز اعرف لو جبت عدة صوت هتشتغل عادى واداء عالى ولا لازم اجيب حاجة غيرة

**mous6fa** · 22-02-2013 07:56 PM

المشاركة الأصلية كتبت بواسطة ahmedazabreno

معلش سؤال بس انا عندى الكاست دة بس انا كنت عايز اعرف لو جبت عدة صوت هتشتغل عادى واداء عالى ولا لازم اجيب حاجة غيرة

أنا عندي الكاسيت حالياً شغال مع 4 سماعات .. أتنين ف الأبواب وأتنين ع الرف الخلفى .. السماعات اللى ع الرف سونى XS - GTX6931 وطبعا السماعات دى الكل عارف إنها محترمة جداااا والـ RMS بتاعها 100 وات .. وبالرغم من كده عاملين شغل جامد جداااا من غير جي إم ... طبعا أنا عارف إنهم شغالين كده يمكن بربع طاقتهم وقوتهم بس الأداء فعلا ممتاز بالنسبة لكاسيت زى ده ..
وأنا بصراحة محتار نفس الحيرة بتاعتك .. هل أجيب جي إم وأشغل عليه السماعات وأزود بازوكا معاهم ف المستقبل مع عدم تغيير الكاسيت !!! ولا أغير الكاسيت وهتفرق الخطوة دي !!!
بس أنا ف إعتقادي إن الكاسيت تغييره مش هيفرق ف حاجة طالما هتركب عدة صوت وهتعتمد ع الجي إم .. ده حتى كان معايا كاسيت سوني الإيكولايزر اللى فيه 7 باند وكنت بلعب ف الباند بتاع البيز والتريبل وبسسسس ... يعني برضو مش شايف ان تغيير الكاسيت هيفرق ف حاجة .. وكمان فى عربيات كتير عاملة عدة صوت محترمة ع كاسيت الفابريقة اللى فيها اللى أعتقد ان اداءه متواضع بكتير عن كاسيت زي السوني والبايونيير .. ولكن ننتظر أراء الأعضاء أفضل

**ahmedazabreno** · 23-02-2013 02:14 PM

كلامك تمام بس عايزين حد من الخبراء يعرفنا الدنيا فيها اية

**mostafa mahmod** · 23-02-2013 07:49 PM

طب اخر كلام
موجود فين و سعره كام علشان ننزل نشترى بقى :)

**mous6fa** · 23-02-2013 08:35 PM

المشاركة الأصلية كتبت بواسطة mostafa mahmod

طب اخر كلام
موجود فين و سعره كام علشان ننزل نشترى بقى :)

انا جبته من أرخصهم ف التوفيقية بـ 180 جنيه .. فى ناس جابته بـ 190 اليومين دول .. بس ف النهاية عاوز أقول إن فى تقريبا 4 موديلات من الكاسيت ده كانوا هناك وكلهم نسخة من بعض مفيش اى فرق بينهم غير ف الشكل الخارجي فقط ... يعني مش لازم تجيب موديل m9 بالتحديد .. الشكل الخارجي مسألة زوق مش أكتر - لكن الأساس والإمكانيات والمميزات كلها واحدة

**zomzom11** · 24-02-2013 02:20 PM

لو ملقيتهمش فى التوفيقيه انزل شارع الازهر محل العالم العربى وسط ميدان العتبه اول شارع الازهر رابع محل عاليمين ولو احتاجت توضيح اكتر وانت فى العتبه كلمنى 01068568209
نسيت اقولك انهم 3 موديلات ام 5و8و9 كلهم واحد والفرق الوحيد بينهم هو شكل الزراير فقط لا غير

**shekooo** · 24-02-2013 05:36 PM

المشاركة الأصلية كتبت بواسطة zomzom11

لو ملقيتهمش فى التوفيقيه انزل شارع الازهر محل العالم العربى وسط ميدان العتبه اول شارع الازهر رابع محل عاليمين ولو احتاجت توضيح اكتر وانت فى العتبه كلمنى 01068568209
نسيت اقولك انهم 3 موديلات ام 5و8و9 كلهم واحد والفرق الوحيد بينهم هو شكل الزراير فقط لا غير

بالظبط ياباشا مع العلم ان m9 احلى شطل فيهم انما الباقى شكله مش حلو زيه وانا جبته من العالم العربى وهيقولك 184 جنيه تقولى يعنى 180 وماتتردتش وخده لانى نزلت التوفيقية ودوخت عليها ومش موجود خالص اليومين دول

**Totexxxxx** · 21-03-2013 11:27 PM

طبعا انا بشكر جدا صاحب الموضوع الجامد جدا دا علي تعريفنا بالكاسيت , انا شايف ان الكاسيت مناسب جدا لعربيتي , بس انا عندي استفسار انا دلوقتي معايا كاسيت سوني بشرايط كده وسمعتين بيضاوي سيمفوني , دلوقتي رأيك اغير الكاسيت بادريان ولا اغير السماعات بسماعات انضف , المشكله ان الميزانيه كلها 400 جنيه فقط , تاني حاجه انا عايز واحد يركبلي الكاسيت في منطقه الدقي او اي منطقه قريبه , ياريت حتي تقولولي لو حد هيركبلي سماعات او كاسيت ياخد كام علشان ميبقاش اضحك عليا , وشكرا ليكو كلكو مقدما .

**mous6fa** · 22-03-2013 10:37 AM

المشاركة الأصلية كتبت بواسطة Totexxxxx

طبعا انا بشكر جدا صاحب الموضوع الجامد جدا دا علي تعريفنا بالكاسيت , انا شايف ان الكاسيت مناسب جدا لعربيتي , بس انا عندي استفسار انا دلوقتي معايا كاسيت سوني بشرايط كده وسمعتين بيضاوي سيمفوني , دلوقتي رأيك اغير الكاسيت بادريان ولا اغير السماعات بسماعات انضف , المشكله ان الميزانيه كلها 400 جنيه فقط , تاني حاجه انا عايز واحد يركبلي الكاسيت في منطقه الدقي او اي منطقه قريبه , ياريت حتي تقولولي لو حد هيركبلي سماعات او كاسيت ياخد كام علشان ميبقاش اضحك عليا , وشكرا ليكو كلكو مقدما .

للأسف 400 جنيه مش هيكون مبلغ كافى إنك تجيب كاسيت سوني أو بايونيير أو كينوود بيشغل فلاشات وسيديهات .. وبالتالي هقترح عليك إقتراح ..
إيه حالة السماعات السيمفوني اللى عندك ؟؟ هل راضي عنهم أو لسه بحالتهم ولا مستهلكين ؟؟
وكمان هل إنتا راضي بالشرايط و ولو عاوز تشغل فلاشة بالموديليتور بتبقى مبسوط ؟؟
أنا شايف إنك تجيب الكاسيت الأدريان لو عاوز تشتغل بفلاشة وكارت ميموري أو حتى توصل الموبايل أو اى جهاز بالـ AUX وتسمع صوت نقى بدل العك بتاع الموديليتور والشرايط .. ومعاهم طقم بيضاوي أدريان برضو بدل السيمفوني لو السيمفوني تعبوا منك .. وأتفرج ع الأداء هيكون عامل إزاي مع العلم إن الكاسيت + السماعات + التركيب هيكونوا كلهم فى نطاق الـ 400 جنيه اللى معاك

أنا جربت قبل كده السماعات الأدريان البيضاوية من فترة كبيرة وكانت ممتازة جداا وبتعمل شغل عالي أوووى .. فأنا بقترح عليك تنزل تجيب الكاسيت ومعاهم الطقم الأدريان البيضاوي وبعد كده تنزل ع شارع المطبعة ف الهرم عند المحلات بتاعة الصوتيات زى أدريان والمحلات الكتير اللى جنبه .. هيركب الكاسيت ويحطلك السماعات الجديدة بدل القديمة وكفاية اووووووووووي عليه 20 أو 25 جنيه مصنعية وهتدعيلي

.. انا كنت ركبته عند محل إسمه "البرديسي" وكان عنده كهربائي شاطر اوووى ..