الموضوع: بشتري أول عربية ليا ومحتاج مساعدتكم ! ! !

بسم الله الرحمن الرحيم .

أعرفكم بنفسي الأول :أنا دكتور مهاد عرفه طبيب بشري . ساكن في بورسعيد حاليا .

ناوي بإذن الله أشتري أول عربية ليا اليومين دول وطبعا كالعادة لأنها اول مرة بقالي شهرين بلف وأدور ودوخت من كتر التشويش والتردد وشوية اقتنع بعربية وتاني يوم اقتنع بغيرها .
عموما بإذن الله بكرة نازل اتفرج على عربية هوندا سيفيك موديل 1994 والعربية كوبيه أوتوماتيك كاملة فتحة سقف جميع الكماليات ورشة نظافة من الخارج ولونها أحمر وعدد الكيلوات 190 ألف . ومسقط موتور vtec خمس نقلات من شهرين . والعربية ملاكي وليست منطقة حرة .

دي المواصفات المتوفرة حاليا والباقي هعرفة بكرة بإذن الله بعد المعاينة . والسعر المبدئي 45000 جنيه .

حابب أعرف رأيكم إيه في العربية الكوبيه كعفشة وقطع غيار ؟ ؟ ؟ وسعرها مناسب ولا لأ ؟ ؟ ؟ وبالنسبة للموتور حلو ولا وحش النوع ده ؟ ؟ ؟

وشكرا ليكم وإن شاء الله بعد مااشتري العربية بإذن الله بغض النظر عن نوعها متابع في المنتدى لما فيه من معلومات وفائدة كبيرة لأني من النوع اللي هيظبط ويعدل في العربية بإذن الله . . .