الموضوع: مقارنة ياباني و اوروبي

نشوف الرأي من حيث:

سعر مقابل كماليات
تواؤمها مع الطرق المصرية
قطع غيار
اعادة بيع

و اللي عايز يقول حاجة تانية من وجهة نظره يا ريت

بس قطع غيار و اعاده بيع يبقي في صالح النترا و لانسر بلا منازع

بس لازم نقولنا متطلباتك بالتقريب كده كام واحد هيركبها محتاج شنطه ولا لأ وكده

بالنسبة لل

1- سكودا فابيا (New Automatic)

السكودا الفابيا حلوة جدا و مركة سكودا اعتمادية و كويسة جدا و ملك فولكس الالمانية.
عيوبها 1-سعر اعادة البيع هيبقى ضعيف اوى
2-العربية صغيرة (لو كنت بتدور على عربية عائلية)
الواضح انك عايز عربية فى حدود 120 الف فكدا منصحكش بالسكودا علشان الحلو فعلا فى السكودا الامكانيات اللى نازلة بيها زى لون السقف المختلف و الESP و الجنوط ال16 و الحاجات دى فالكاملة معدية ال140 على ما اعتقد و الكماليات الصراحة هى اللى محلية العربية.

2-سكودا رومستر

بصراحة انا شايفها عربية وحشة اوى و سعر اعادة البيع فى الضياع لان العربية منتشرتش خالص (شفت واحدة بس فى الشارع) و غالية على عربية كدا, منصحش بيها خالص, انا رايى الشخصى دى اخرها 90 الف , دا رايى.

3- نيسان تيدا

الصراحة عربية حلوة و يابانى بالكامل و تقفيل ممتاز و كل حاجة.
اعتقد سعر اعادة البيع مش هيكون قوى (دى مش متاكد منها) , العربية امكانيتها كويسة , مشكلتها الوحيدة انها مش مبهرة , هى حلوة شكلا بس مش مبهرة و رايى احسن من اللانسر , يعنى فى رايى خليها رقم 2.

4- هيونداي النترا (Full option) خليجي

دى بصراحة احلى واحدة فيهم و الfull options طالما فيها airbags-abs يبقى الصراحة انا شايف دا احسن اختيار , عموما غبور منزل واحدة فيها airbag و abs و فتحة سقف فى حدود 120 الف و سعر اعادة البيع بتاع الالنترا كويس اوى و العربية منتشرة جدا.

5- سيات كوردوبا(Full option automatic)

حلوة بس ضعيفة جدا (موتور 1400 ضعيف جدا) و كمان سعر اعادة البيع هيكون ضايع طبعا.

6- مازدا 3 (اول فئة)

الصراحة المقارنة دى لو كانت من 3 سنين كنت رشحتلك المازدا , الصراحة عربية ممتااااازة بمعنى الكلمة بس المشكلة ان فى شكل جديد نازل السنة الجاية فحرام تشترى عربية نازل منها شكل جديد كمان سنة.
هى يابانى 100% برده و كويسة اوى و سعرها كويس جدا.

7- تويوتا افانزا

كلمة واحدة بس : يععععععععععععععععع و لا تعليق عليها.

8- فيات جراند بونتو (Full option)

متسالش عن سعر اعادة البيع علشان ملهاش اعادة بيع اساسا , دى توزعها ببلاش العربية تقريبا متباعيتش خالص, موتور 1400 برده , طلعها بره خالص.

9- لانسر 1600

الصراحة انا شايف كفاية اوى بقا لانسر لانسر , العربية اعتمادية و سعر قطع غيارها ممتاز و توافر قطع الغيار على راى واحد كان كاتب هنا تلاقيها فى اولاد رجب بس الصراحة العربية شكلا من كتر ما الواحد شافها اتعود اوى عليها و بقت حاجة عادية يعنى مش عربية مميزة شكلا و لا اى حاجة , بعدين نزل منها شكل جديد , كفاية اوى لانسر كدا.

ارشحلك بالترتيب
1-النترا
2-تيدا
3-مازدا3
4-فابيا
5-لانسر
6-سيات

المشاركة الأصلية كتبت بواسطة som3aa

بالنسبة لل

السكودا الفابيا حلوة جدا و مركة سكودا اعتمادية و كويسة جدا و ملك فولكس الالمانية.
عيوبها 1-سعر اعادة البيع هيبقى ضعيف اوى
2-العربية صغيرة (لو كنت بتدور على عربية عائلية)
الواضح انك عايز عربية فى حدود 120 الف فكدا منصحكش بالسكودا علشان الحلو فعلا فى السكودا الامكانيات اللى نازلة بيها زى لون السقف المختلف و الESP و الجنوط ال16 و الحاجات دى فالكاملة معدية ال140 على ما اعتقد و الكماليات الصراحة هى اللى محلية العربية.

بصراحة انا شايفها عربية وحشة اوى و سعر اعادة البيع فى الضياع لان العربية منتشرتش خالص (شفت واحدة بس فى الشارع) و غالية على عربية كدا, منصحش بيها خالص, انا رايى الشخصى دى اخرها 90 الف , دا رايى.

الصراحة عربية حلوة و يابانى بالكامل و تقفيل ممتاز و كل حاجة.
اعتقد سعر اعادة البيع مش هيكون قوى (دى مش متاكد منها) , العربية امكانيتها كويسة , مشكلتها الوحيدة انها مش مبهرة , هى حلوة شكلا بس مش مبهرة و رايى احسن من اللانسر , يعنى فى رايى خليها رقم 2.

دى بصراحة احلى واحدة فيهم و الfull options طالما فيها airbags-abs يبقى الصراحة انا شايف دا احسن اختيار , عموما غبور منزل واحدة فيها airbag و abs و فتحة سقف فى حدود 120 الف و سعر اعادة البيع بتاع الالنترا كويس اوى و العربية منتشرة جدا.

حلوة بس ضعيفة جدا (موتور 1400 ضعيف جدا) و كمان سعر اعادة البيع هيكون ضايع طبعا.

الصراحة المقارنة دى لو كانت من 3 سنين كنت رشحتلك المازدا , الصراحة عربية ممتااااازة بمعنى الكلمة بس المشكلة ان فى شكل جديد نازل السنة الجاية فحرام تشترى عربية نازل منها شكل جديد كمان سنة.
هى يابانى 100% برده و كويسة اوى و سعرها كويس جدا.

كلمة واحدة بس : يععععععععععععععععع و لا تعليق عليها.

متسالش عن سعر اعادة البيع علشان ملهاش اعادة بيع اساسا , دى توزعها ببلاش العربية تقريبا متباعيتش خالص, موتور 1400 برده , طلعها بره خالص.

الصراحة انا شايف كفاية اوى بقا لانسر لانسر , العربية اعتمادية و سعر قطع غيارها ممتاز و توافر قطع الغيار على راى واحد كان كاتب هنا تلاقيها فى اولاد رجب بس الصراحة العربية شكلا من كتر ما الواحد شافها اتعود اوى عليها و بقت حاجة عادية يعنى مش عربية مميزة شكلا و لا اى حاجة , بعدين نزل منها شكل جديد , كفاية اوى لانسر كدا.

ارشحلك بالترتيب
1-النترا
2-تيدا
3-مازدا3
4-فابيا
5-لانسر
6-سيات

سمعة باشا .. الحقيقة مش لاقي كلام اقوله بعد كلامك.. انا متفق معاك تماما خصوصا فيما يخص المازدا 3. العربية دي ملهاش حل و هي الاحسن في هذه الفئة بدون منازع فعلا وده من كلام المتخصصين في الخارج لكن مشكلتها الوحيدة فعلا انها نزلت متأخرة في مصر و متوقع نزول شكل جديد.
و الترتيب منطقي جدا و انا متفق معاه.

يا سلام ...

فعلا ألف شكر يا أستاذ سمعة...
أولا فهمت قصدي من المقارنة....
ثانيا" رديت بأسلوب منمق "خير الكلام ما قل و دل...

آه على فكرة انا حطيت الموضوع ده الصبح بس رحت اشوف الالنترا الخليجي لاقيتها من غير Airbags و لا ABS بس عربية اوتوماتيك و منزلين 2009 بفتحة سقف ...

فأنا باعتذر بس نعمل ايه حظنا كده في البلاد ده:-)

كمان في حاجة اود اضافتها في التقييم:

انا لاقيت النهاردة فورد فوكس 2008 full option (الشكل القديم ) زيرو بالضمان ب 120000 جنيه . .. ايه رأيكم؟