الموضوع: محتاج نصائح في كمال الاجسام

المشاركة الأصلية كتبت بواسطة abdulkhaleq

السلام عليكم
شوف ياسيدي
الف مبروك اولا انك بدأت تتمرن, ان شاء الله ماتقطعش
لكن بتلعب من 3 شهور ووزنك 95 كيلو حاليا ؟؟ على طولك واضح فعلا ان نسبة دهونك عاليه
التمرين واضح انه يمكن بس عشان لسه في الأول فهو عايز تظبيط
لكن قبل كل ده التغذيه أهم
نظام أكلك اليومي عامل ازاي ؟؟؟
سيبك من اللي بيقوللك ان الواي هيقلب دهون, هو عمره ماهيعمل كده وده مش معناه ان الأمينو وحش

اه حاجه أخيره
يعني ايه مش بتلعب رجل ؟؟؟ الرجل زيها زي اي عضله
تدخل في الجدول
وعلى فكره الانظمه الجديده عضله واحده في اليوم
يعني يوم بنج, يوم ظهر, يوم كتف, يوم رجل, يوم باي وتراي كده 5 ايام وعندك راحه يومين

قوللي بس نظام اكلك الأول وبعدين نشوف موضوع التمرين

يا باشا الله يكرمك يا رب
ان شاء الله هبدأ في الرجلين يمكن علشان مليانه شوية فمش حاسس انها محتاجه التمرين
بس هل لو لعبت رجلين و عديت كتير بوزن خفيف هنشف العضلة من الدهون الي عليها ولا عضلة الرجل تختلف ؟
و هحاول ابدأ في النظام اليومي ان شاء الله و اهو يبقى تغيير عن الروتين الحالي ان شاء الله
هو مبدأيا مفيش الحمدلله دهون في اي مكان غير الكرش يعني دراع ضهر بنج كتف كله زي الفل الحمد لله الدهون هو بس في الكرش و ممكن الرجل انا واثق من كده هي شكلا طبيعيه يعني بس فيها وزن كتير

النظام الغذائي بحاول اخف من الدهون قدر الامكان بس مفيش فايده و بعد مشاركات الاخوة الاعضاء الافاضل اتأكدت انه بسبب قلة المجهود كده علشان ولا في تسخين و لا كارديو و لا تبريد و لا اطاله بصراحه يعني

و هقوله لحضرتك برده و جزاك الله كل خير يا رب
الفطار في الغالب : بياض اربع بيضات + بيضه كاملة سليمة + كوب لبن 350 جم خالي الدسم + حوالي 150 جم فول بدون اي اضافات ممكن لمونه بس مش اكتر + قطعة جبن ابيض و دي بتختلف من وقت للتاني احيانا قريش احيانا دوبل كريم حسب الموجود و بتكون تقريبا 50 جم و نص رغيف عيش بلدي

الغدا : و غالبا بيكون بعد الجيم في يوم الجيم يعني : طبق رز متوسط و طبق خضار و ربع فرخه او نص لو الفرخه صغيره

و بعدين العشا تقريبا زي الفطار بالظبط

و لو منمتش بعد العشا و عدا عليه 3 ساعات بيكون في وجبة رابعه و بتكون : علبة تونه أو لتر لبن خالي الدسم أو ربع فرخه مسلوق

مش عارف بقا الكرش ده جه منين مفيش دهون اهه

المشاركة الأصلية كتبت بواسطة amrelsha3er

اولا كويس انك خدت الخطوه دى وحاول الاستمرار لان اللعبه دى فعلا جميله وهتتبسط منها اوى كل ماتستمر وتدى فيها هتحس بالفرق كويس اوى
احب اقولك اجل موضوع المكملات دلوقتى ممكن تاخد امينو اوك بس انت جسمك فى دهون على وزنك انت فعلا مش محتاج مكملات حاليا
انت تلعب باوزان خفيفه احسن لليك وتجيب تكرار(دفنشه) ده بيحرق اكبر قدر ممكن فى العضله يعنى مثلا ف الباى هاتلك دمبلين 5 او 10 وهات بيهم 20 30 عده لحد مادراعك تحس فعلا انه هيقف
كل ماترمى تكرار كل مااحسن ليك
موضوع البطن ده العب وسط قبل التمرين كل مره فى كزا تمرين للوسط غير التويست (القرص)
هات 2 دمبل وحرك جزعك وانت واقف يمين وشمال كانك تتارجح العب بطن سفليه وركز فيها اكتر
كل تمرينه ابتدى بيهم هتحس بفرق
مع التمرين ابعد عن النشويات ولدهون والعيش والحاجات اللى عارفنها كلها انها بتخن
متكلش باليل بعد الساعه 8 او 9 اخرك
حاول تعمل يوم ايروبكس
الايروبكس كزا حاجه منها (العجله العاديه بتاعه الشارع والجرى او المشى الرياضى تمارين اطالات واحماءات للعضل)
بالتوفيق وان شاء الله مع الاستمرار والعزيمه ممتقلقش هتوصل والله لانى كنت زيك بالظبط ودى تجربتى :)

جزك الله كل خير يا رب
في الحقيقه انا بفضل اكل لحد قبل النوم مباشرة و دي اول مشكله كده
و بعيد تماما عن الايروبكس و دي تاني مشكله كده
و بشوف فعلا ناس بتسخن بتمرينات الوسط دي و جميله فعلا بس بستمر عليها اسبوع و بيأس الصراحه و تمرينات البطن 3 ايام في الاسبوع , عضلة البطن انا حاسس انها كويسه جدا في التمرين بس مش باينه اصلا من الكرش و بالتحديد الكرش من تحت كده يعني اول عضلتين بطن ممكن يبانو و انا بتمرن كده الي هما تحت القفص الصدري مباشرة دول , موصللهمش الكرش الحمدلله
مش عايز اعد كتير بالدنبل علشان العضله اصلا معليهاش دهون , فهل العد كتير هينزل الكرش و لا كده هنشف العضله نفسها
هو واضح انه لا بد كده من الايروبكس مفيش كلام
و جزاك الله كل خير