الموضوع: استفسار عن اسعار بعض قطع غيار ال 127

المشاركة الأصلية كتبت بواسطة eslam eltamy

بسم الله الرحمن الرحيم


انا كنت عايز اعرف بعض اسعار قعط غيار ال 127 الفيورا

1-المساعدين (جديد)
2-الفوانيس الاماميه و الخلفيه
3-تابلوه (الاوبل كورسا او لو يوجد شىء احسن)
4-كاوتش و جنوظ اسبور 13
5-كراسى طياره

وشكرا ....
منتظر الردود

1- المساعدين الامامى : صينى الجوز فى حدود 250-200 و بولندى الجوز معدى 350 .. متجيبش مساعدين استيراد او اى حاجه فى العفشة استيراد

2- الفوانيس الاماميه بـ 50 المصرى و التايوانى يزيد مثلا 10 او 15

3- تابلوه الاوبل كورسا محتاج شغلانه علشان تركبه و مش هايطلع مظبوط و العدادات كلها مش هاتشتغل معاك .. لو التابلوه بتاعك بايظ و مقشر اسال عند سروجى محترم تكلفه عمل كسوه له كام و اسـأل فى عزبه شلبى عن تابلوه استيراد كامل بكام و الحل الارخص هاتوا

4- مقاس الكاوتش الاصلى 13-80-135 و ده هايبقى رفيع قوى (لو لقيته) .. المقاس المرشح هو 13-70-145 .. متزودش عن كده لانك لو عرضت زياده 155 او 165 مثلا هيبهدلك العفشة .. و حاول متجبش جنوط صينى .. هات جنط تايوانى سبور (بس هايكون اغلى) او الاحسن دور على جنط سبور استيراد 13 بتاع فيات 132 المروحه او 131 ...

5- كراسى الطياره هتلاقيها فى الحرفيين و عزبه شلبى استيراد (الكرسيين اللى قدام) بس هتلاقى حالتهم سيئة جدا لان بتوع قطع الغيار الاستيراد بيستخدموا الكراسى كفواصل بين المواتير و انصاص العربيات و فى جميع الاحوال انت مضطر لتنجيدهم و كسوتهم جلد ..