صني الجديدة - تكييف ... وترصيص

**the_air_devil** · 30-12-2012 02:14 PM

بسم الله الرحمن الرحيم

دعوة من القلب أن يجعل الله مصر عماراً وأهلها راشدين ليستحقوا هذا العمار ... وربنا يخرجهم من اللي هما فيه

وربنا يبارك لنا فيما رزقنا من عربيات ويجعلها سبب خير ويرزقنا الأمن والاطمئنان وسلامة الطرق والنفوس

عندي ملاحظتين :

أول حاجة بخصوص التكييف ... هو ماشاء الله ممتاز سواء في التسخين أو التبريد , خصوصاً اني ساعات باستعمل العربية في أوقات باردة جداً وباحتاج تدفئة للصالون والزجاج الأمامي والخلفي , وهي ماشاء الله تكييفها مستواه عالي جداً في الأداء (لو على التبريد في الأيام الحارة التكييف مظبط نفسه مايكونش أداؤه عالي إلا بعد العربية ماتتحرك بسرعة مناسبة علشان الحفاظ على الكومبريسور والفريون)

1- النهاردة انا بردان ... شغلت التدفئة , وشغلت زرار AC علشان الهييتر يشتغل والكومبريسور يديني هواء ساخن , تمام كدة؟

2- اتحريت , وحسيت اني خلاص دفيت زيادة , قفلت زرار AC علشان كفاية كدة تسخين

3- من غير مادوس على زرار AC تاني , لفيت البكرة بحيث درجة الحرارة تخرج من المنطقة الحمراء الخاصة بالتسخين للمنطقة الزرقاء الخاصة بالتبريد , وباكرر .. من غير ماشغل زرار AC

4- ساعتها ... الهواء بييجي بارد عادي ولا كأنه عدى على تسخين ولا كأن الهييتر لسة دافي !! (مع ملاحظة اني مخلي الهواء تدوير داخل المقصورة مش يجيب هواء من برة) ... حد عنده تفسير منطقي؟ هل مثلاً مجرى الهواء الساخن غير مجرى الهواء البارد؟؟

تاني حاجة بخصوص الترصيص ... كل ماروح اغسل الجسم الخارجي للعربية , باروح بعدها اظبط ضغط الكاوتش ... انما المشكلة اني باحس بغربلة على سرعات 80 لحد 120 ... يعني محتاج ترصيص

هو كل مرة هاغسل العربية في المحطة اروح اعمل ترصيص تاني؟؟!!!

وهل لضغط المياه في المحطة تأثير على الرصاص في الكاوتش؟؟ بيخليه يقع يعني ولا بيعمل ايه بالظبط ؟؟

لكم جميعاً جزيل الشكر والامتنان

سلام عليكم

**Sehsss** · 30-12-2012 02:55 PM

لا توجد علاقة بين غسيل السيارة والترصيص، حضرتك اضبط الترصيص في التوكيل أو عند حد محترم هاتلاقيها تمام، لأن 70 % من أجهزة الترصيص الموجودة في مصر مش مضبوطة

**Youssef.Awad** · 31-12-2012 12:26 AM

اولا: بالنسبة للتكييف .. احب اقولك انك ممكن تشغل الهواء سخن بدون ما تشغل الكومبريسور .. جرب كده تلف المؤشر فى المنطقة الحمراء وتشغل مروحة بس على 1 او 2 وتقفل زرار الac هتلاقى الهواء طالع سخن .. وده غير البارد
وعالعموم حتى لو عامل تقليب هواء من الداخل وقفلت الكومبريسور فى البارد هاتلاقى الهواء الطالع سخن فى الصيف او عادى فى الايام التانية
وسبب انه اتحول من الساخن للبارد عندك لما قفلت الزرار انك حولت المؤشر لاقل درجة فى التسخين ودخلت فى المنطقة الزرقاء

ثانيا: لا علاقة بالغسيل والترصيص من قريب او بعيد والافضل تعمل ترصيص تانى عند حد عنده جهاز كويس وجديد والاهم هو صنايعى شاطر عشان يظبطهولك (بارشحلك تاير مانيا فى مدينة نصر جهازهم تمام) وسيبك من ترصيص وزوايا التوكيل

**HaNo_ELBeh** · 31-12-2012 11:19 AM

المشاركة الأصلية كتبت بواسطة lamada

صديقنا العزيرز

لا يوجد هيتر فى التكييف الساخن و لكن الفكره انه يوجد مروه على كويل مياه قادم من مبرد السيارة(مياه ساخنة) و عندما يمر عليها الهوار يسخن و يدخل الى كابينة السيارة ساخن

اما بخصوص لف البكر فده عباره عن بوابه انت بتنقلها من الساخن الى البارد(يعنى تقفل على الكويل الماء الساخن و تفتح على كويل التبيرد الموصل للكمبروسور)

لا داعى ابدا لعمل الكمبروسور اثناء تشغيل التكييف على الساخن و من الممكن ان يكون ليه اضرار برضهز

**د. علاء ابراهيم** · 01-01-2013 03:21 PM

المشاركة الأصلية كتبت بواسطة lamada

صديقنا العزيرز

لا يوجد هيتر فى التكييف الساخن و لكن الفكره انه يوجد مروه على كويل مياه قادم من مبرد السيارة(مياه ساخنة) و عندما يمر عليها الهوار يسخن و يدخل الى كابينة السيارة ساخن

اما بخصوص لف البكر فده عباره عن بوابه انت بتنقلها من الساخن الى البارد(يعنى تقفل على الكويل الماء الساخن و تفتح على كويل التبيرد الموصل للكمبروسور)

لا داعى ابدا لعمل الكمبروسور اثناء تشغيل التكييف على الساخن و من الممكن ان يكون ليه اضرار برضهز

كنت حقول كده
بلاش زرار ال ac مع الساخن استعمله مع البارد فقط[
و نصيحة بقى
دور بكرة الحرارة على الساخن بحيث تعدى المنتصف ( الفاصل بين الساخن و البارد) بشرطة او تكة واحدة ( يعنى تقريبا ثلث الزون الخاص بالساخن) و ادر مروحة التكييف على 2 و بعد دقيقة كدة خليها على 1
ستحصل على ما احب انا ان اسميه الدفء الجميل
اللى هوا ما تبقاش حران ابدا
و لو نزلت من العربية ما تاغدش دور برد و افتكر تفتح الشباك الخلفى قبل نزولك من العربية لتجديد الهواء و لو كنت ماشى و معاك حد افتح الشباك الخلفى 1سم عشان الزجاج ما يشبرش