أنا أعرف ناس بتسخن بـ 4 لتر؟؟!!!!!!
وممكن يعمل كده مرتين فـ اليوم؟!! :crying1:
وعربيات مش قديمة على فكرة -الى حد ما- injection وموديل ألفينات؟!!
يعنى جولفات وe36 e46 وفكترا وهوندا؟!!
ربنا يسترها
أنا أعرف ناس بتسخن بـ 4 لتر؟؟!!!!!!
وممكن يعمل كده مرتين فـ اليوم؟!! :crying1:
وعربيات مش قديمة على فكرة -الى حد ما- injection وموديل ألفينات؟!!
يعنى جولفات وe36 e46 وفكترا وهوندا؟!!
ربنا يسترها
مفيش حكومة بتدي فلوس لحد (مش هاتكلم عن الخليج )
أي حكومة في الدنيا بتجمع الضرائب للصرف على البلد (خدمات صحية - خدمات تعليمية - خدمات الدفاع عن أرض البلد - الطرق - بناء المدارس و المستشفيات -
الناس اللي في الأرياف محدش قال لحضرتك تديهم فلوس .... بس ما تأخدتش منهم الفلوس اللي ممكن تحسن حالتهم الأجتماعية عن طريق بناء مدارس و منظومة تعليمية محترمة و بناء مصانع لهم لتوفير فرص العمل .
إنما أحنا بنصرف مليارات في الهوا (علشان حضرتك عايز تركب عربية 2000 سي سي )
ممكن بكل سهولة تبيعها و تجيب عربية 1300 و توفر معاك جامد .... و في نفسالوقت يبقى ما تركتش رفاهية ركوب عربية .
إنما في الآخر
الدول اللي بتعمل دعم هي الدول الفاشلة في كل شئ
و هما كلهم على بعض 10 دول في العالم أجمع اللي بتعمل دعم على البنزين و كلهم دول فاشلة صناعيا ما عدا ماليزيا .
من العشر دول دول مصر و دول الخليج بالكامل ......... يعني نصهم دول عربية فاشلة لا عندها صناعة و لا أبحاث علمية ..... هانضيف عليهم فنزويلا (دولة متخلفة برضه و لكن أنتاجها من البترول عالي جدا و من أكبر 10 دول في العالم أنتاجا للبترول ) و معاهم كمان نيجيريا (برضه دولة منتجى للبترول بكميات كبيرة )
نيجي بقى لأوروبا و أمريكا و دول آسيا المتقدمة
و لا دولة فيهم بتدعم الطاقة
اللي عايز يركب عربية ...... بيركبها من شغله ........ و كمان عليها ضرائب
أنجلترا بتتباع فيها الجين 2 ب 100 ألف مصري ........ و ماليزيا بتتباع فيها بنفس الثمن في ماليزيا
يعني كمان مصر أرخص منهم ........
أنجلترا مفيهاش دعم على الطاقة .......... و الضرائب على العربيات عالية جدا .
وقف الدعم أو أستقطاعه سيؤدي إلى منافع رهيبة على الأقتصاد
منها وقف العجز المالي فيها ......
انا مع القرار ده تماماً
أنا عن نفسي مش معترض على رفع الدعم عن الوقود بس بشروط
1- رفع الجمارك عن العربيات..............يعني العربية سعرها برة 100 ألف جم أشتريها ب 100 ألف جم مش ب 200 أو 250 ألف.............لأن السبب الرئيسي لفرض جمارك عالية على العربيات هو أن الوقود مدعم..............هتشيلوا الدعم..............شيلوا الجمارك........مش دى برضه عدالة المفروض تحقيقها ؟
2- أشوف نتيجة لرفع الدعم فى مختلف الخدمات من تعليم و صحة و مرافق الخ...........مش الدعم يترفع و نفضل زي ما أحنا.........و مش عاوز أشوف نتيجة قريب..........خلال 3 أو 4 سنين......بس يكون فيه مؤشرات برضه.
3- عاوز أمشي فى الشارع مطمن أني مش هلبس مطب ولا حفرة تخليني أدفع دم قلبي فى تصليح العربية..........مش هبقى بدفع جمارك و بنزين غير مدعم و بصلح العربية علشان الشوارع الزبالة.
4- عاوز أعانة بطالة للناس اللى مش لاقية شغل............زي أغلب الدول المحترمة.
5- و أخيراً عاوز لما أروح مشوار ملاقيش الطريق واقف و يخليني أستهلك بنزين أضعاف اللى أنا المفروض أستهلكة و بدفع فلوسه من جيبي و بدون دعم.
مش عاوز كل الحاجات دي أشوفها دلوقتي.........بس على الأقل أحس أن فيه تغيير جاي.
(خدمات صحية - خدمات تعليمية - خدمات الدفاع عن أرض البلد - الطرق - بناء المدارس و المستشفيات
اللي هما مش موجودين اصلا و بلاش نتكلم عن الطرق او المستشفيات
إنما أحنا بنصرف مليارات في الهوا (علشان حضرتك عايز تركب عربية 2000 سي سي )
ممكن بكل سهولة تبيعها و تجيب عربية 1300 و توفر معاك جامد
حضرتي راكب العربية دية مش بمزاجي والله انا مش راكب بي ام او مرسيدس انا عربيتي موديل 78 و راكبها عشان مصاريفها علي ادي و استحمالها معايا كويس حضرتك انا لو جبت ال1300 هجيب 128 و اقعد اصرف عليها عند الميكانكية دم قلبي ولو روحت بيها جمعتي مشوارين في التالت هقعد جمبها
نيجي بقى لأوروبا و أمريكا و دول آسيا المتقدمة
و لا دولة فيهم بتدعم الطاقة
دخل الفرد كام في اوربا و امريكا اصلا مواصفات العربيات اللي هناك عاملة ازاي جودة البنزين هناك عاملة ازاي الطرق عاملة ازاي معدل دخل الفرد اد اية التعليم هناك بيتكلف اد اية العلاج بقيت السلع عاملة ازاي قبل ما نتكلم عنهم يا ريت نقارن بين و بينهم في كل حاجة و لو عاجبينك اوي كدة سيب البلد و روح عيش برة زي ما انت عايزني اغير عربيتي
اللي عايز يركب عربية ...... بيركبها من شغله ........ و كمان عليها ضرائب
من شغلة زي ما بتقول بياخد كااام بقي حضرتك من شغلة حتي اللي مش راكب عربيات هناك المواصلات نضيفة انما هنا الواحد اما بيصدق يلاقي حاجة ترحمو من زحمة المواصلات و بهدلتها متفتكرش ان كل اللي راكب عربية مرفه اوي زي ما انت فاكر في ناس اتمرمطيط علي ما جابت حاجة تلمها اظن بقي اني كمان ليا حق علي الدولة اني اخد دعم علي بنزينها
أنجلترا بتتباع فيها الجين 2 ب 100 ألف مصري ........ و ماليزيا بتتباع فيها بنفس الثمن في ماليزيا
يعني كمان مصر أرخص منهم ........
الجين في مصر هنقول ب 85 الف فيا ناس هيتشال عنها الدعم و عربيتها متسواش 15 الف متفكرش في نفسك بس اللي مش واصلهم الدعم ليهم حق طبعا بس ماتجيش علي حد عشان تدي التاني اكييد في اكتر من طريقة غير موضوع البنزين
+1
هو ده كلام الناس اللي فاهمه
و ده ابسط حقوقنا كمواطنين
لكن رفع الدعم بين يوم و ليله و الابقاء علي كل العوامل التانية زي ما هي
يبقي و لا مؤاخذه هبل و جهل
و مفيش نتيجه منه الا زيادة الاعباء علي الناس و غليان الشارع اكتر
لكن مين يسمع
و الاهم مين يفهم
80 لتر في الاسبوع . طريق شغلي 55 كيلو رايح وزيهم راجع . دة غير الزحمة طبعا .
الرد في مشاركة العضو الفاضل بعد الرد . وهازودلك شوية حاجات بسيطة . وبعدها انا معاك نشيل الدعم
+
6- مطلوب مستوي معيشة للافراد زي الدول الي مافيهاش دعم
7- مرتبات
8- شوارع مضائة
9- شفافية (الفلوس التي يتم توفيرها في الدعم هاتروح فين بالضبط)
10- مصاريف ليس لها لازمة في اجرائات استخراج رخص السيارات (زي التامين)
11- ........................
لو حابب كمان ممكن اكتبلك
:Ta_clap[1]:
دة تمن العربية في انجلترا
Proton Cars UK
يعني انا شغال هناك ب 11 الف يورو بجيب عربية
لاكن هنا ب 11 الف جنية بتجيب اية !!
مفيش بلد في العالم تمن العربيات فيها زينا . احنا حاجة تانية خالص .
http://s7.postimage.org/cpb7hm78b/gen.jpg
هي الحسبه غلط شويه لان الناس مش بتنزل تركب العربيه 30 يوم في الشهر
الطبيعي ان كل واحد ليه يومين اجازه يعني بيشتغل بمعدل 22 يوم في الشهر او اقل والعربيات 1600 مش بتمشي 10 كيلو اصلها مش 8 سيلتدر يعني ومعظم العربيات ال 1600 بيمشي 12 كيلو للتر ان مكنش اكتر يعني اكتر من 80 كيلو يوميا
اي حد اكتر من كده يبقي حاله مش عامه وميفعش نمشي قانون علي الحالات الخاصه
اما لو العربيه هي اللي فاتحه البيت فاعتقد ساعتها هتبقي العربيه مش رفاهيه وبقت مصدر رزق وساعتها المفروض تدخل في شريحه تجاريه زي التاكسي مثلا وتاخد اكثر بس معرفش ده يطبق ازاي
اعتراضي علي القرار بقي مش في كده
اعتراضي علي الجمارك
الجمارك عاليه عشان السي سي وعشان استهلاك البنزين والضرايب عاليه علي السي سي العالي عشان البنزين برده يعني انت بالفعل واخد تمن بنزين 95 يكفي عربيتي 100 سنه قدام يبقي المفروض متسرقنيش اكتر من كده وعلي الأقل ترفع الجمارك علي ال 1600 او توحد الجمارك والضرايب
ماهو متبقاش عربيه زي الكاميرو والا الموستنج ب 20 الف دولار بره يعني 120 الف مصري يعني تمن سيراتو وتيجي تبيعلهالي بنص ولا بمليون جنيه عشان سي سي عالي بالرغم انها ممكن تكون بتستهكل بنزين اقل من السيراتو نفسها
انا مستغرب من الناس اللي بتقارن مصر ب اوروبا و امريكا ،،، يا حبيبي في امريكا سعر البنزين اغلى من هنا بس بيقبض خمس او ست اضعاف المرتب اللي بنقبضه هنا و هناك في الطرق النضيفة و الرعاية الصحيه و الخدمات التعليمية
و كمان ليه العربيه اللي اركبها ب ١٠٠ الف بره اركبها هنا ب ٣٠٠ الف + ادفع بنزين غير مدعم ، لو العربيه اللي بركبها بره ب ١٠٠ الف هشتريها هنا بنفس السعر يبقا انا موافق ادفع بنزين غير مدعم .
و الزحمه المروريه اللي ممكن توقفك ساعتين في المحور اللي هو ١٢ كيلو كله على بعضه + الطرق الزباااااله اللي كلها مطبات و حفر
يا اخي ارفع الدعم بس عايزين مقابل في الطرق و باقي الخدمات و ليه وانا ماشي ابقا عامل كأني في امتحان سواقه عمال اروح يمين شمال عشان اتفادى الحفر و اعرض العربيه عالمطب عشان متحكش و ليه وانا مسافر بليل البس مطب يبوظلي ام العربيه عشان الباشا حاطه في مكان عقيم ولا ليه اي تلاتين لزمه و مفيش اناره عالطريق ولا عواكس توضح ان في مطب ،،،
حسبي الله ونعم الوكيل في كل من كان السبب
بطلو اشاعات شوية انا لسه قارئ انهارضة في جريدة الاهرام علي لسان هشام قنديل لا نية لرفع سعر البنزين
جريدة الاهرام يوم الاثنين بتاريخ 31-12-2012 علي فكرة الفترة القادمة هتظهر اشاعات كتير غرضها زعزعة الاستقرار
الله يفتح عليك يا باشا ! انتا الكلمتين دول ارفع لحضرتك القبعة عليهم بجد في الجون ...
و لو قلنا عربيات الغلابة و الموظفين و الاقساط و الي اشتغلوا 20 سنة و طفحوا الدم عشان يجمعوا 100 الف يركبوا سيراتوا او اي عربية في رنجها و هيا اصلا بره ببتاع 50 الف جنيه ... يعني في بتاع 70 الف جنيه متفهمش يا اخى بيروحوا فين ... ده بغض النظر عن ال 700 الف في العربيات التانية ...
لا امل في البلد ديه ... حنفضل كدة و ربنا يتولانا ... الواحد عايش عندوا امال و طموحات لكن تحس انوا البلد ديه الي بيمسكها هدفه تحطيم و دفن الناس ...
احنا بس الي على دمغنا .. فئة الحرامية مش فارقة معاهم حاجة اديه بيسرق بيبلطج و بيتسطل و كل يوم على كدة ... و الي ربنا كرمهم و فوق دول يا صفوا اموالهم و هاجروا و سابوها تخبط تخرب يا اصلا عارفين يعيشوا فيها ازاي و ليهم درعات و ضهر ( فلوس و سلطة )
كلام حضرتك ده بافتراض احسن الاحوال المروريه يعني طريقك اخضر علطول و مبتقفش في الزحمه خاااااااالص ،،،، و مش كل الناس يتعمل ال ٢٠ الف كيلو في السنه دي يعني انا اعرف ناس مشاويرها بتبقي قرب ال ١٠٠ كيلو يوميا !! و طبعا السبب في ان كله بيضطر يمشي دائري و محور لانهم الا حد كبييير فاضي عن وسط البلد و بالتالي بيمشي مسافات اطول كتييييير
:plusone2::plusone2::plusone2::plusone2::plusone2: :plusone2::plusone2::plusone2::plusone2::plusone2: :plusone2:
بالظبط ،، عايزين تشيلوا الدعم ماشي بس شيل الجمارك ماهو يعني من الاخر انا اللي هشيل نفسي في العربيه بقي يبقي متجيش تطلب مني فلووس عليها !!! ،،،، الحاجه التانيه عايز تشيل الدعم من علي السلع او تغلي ماشي بس برضه ارفع الاجور و المعاشات علشان الناس تعرف تشتري و محدش يقولي علشان الصحه و التعليم لان كل واحد في البلد دي عارف ان احنا هنتفحت و بعد كده برضه هتفضل الصحه زفت و التعليم زفتين ده اللي اهله دعوا عليه و دخل تأمين صحي او مستشفي حكومي بيطلع معاه نفس المرض و عليه ١٠٠ مرض غيره !! ،،،،،، و بعد كده بقي لما حد يكلمني علي الدول المتقدمه مفيهاش دعم اصلا احب اقوله ان البلاد بره بتدي مرتبات محترمه و بتدي خدمات محترمه و اه صحيح مفيش دعم علي السلعه بس في دعم فلوس بيجيلك باشكاالل كتير جدا
اولا فيه ردود بالأمانة زي ما قال احد الاعضاء مينفعش يرد عليها غير حسين وبس
ثانيا انا بسافر 3 ايام للشغل ولو غلسوا هايبقي 4 ايام
المسافة 400 كيلو * 3 = 1200 كيلو في الاسبوع
1200 * 4 = 4800 كيلو
متوسط الاستهلاك للتر 8 كيلو يعني نقول محتاج تقريبا علشان اروح الشغل بس حوالى 600 لتر
لما اخد 150 بسعرهم والباقي الله اعلم بكام يبقي المرتب هايضيع كله بنزين
حد يقولي روح بالقطار اقوله تذكرة القطار الان ب30 جنيه يعني لو هروح 3 ايام بس يبقي 3*2*30= 180 جنيه * 4 اسابيع = 720 جنيه شهريا زود عليهم استهلاك ال5 لتر بردو لاني هروح بالعربية لمحطة القطار يعني استهلك البنزين بتاعهم وادفع عليه 720 جنيه شهريا تذاكر قطار
==========
وانا موافق ادفع تمن البنزين زي امريكا لكن بشرط اخد مرتب لا يقل عن 25 الف دولار شهريا و ده اقل مرتب لوظيفتي في امريكا وقتها مش هايفرق معايا لما ادفع الف دولار بنزين شهريا
===========
اللى بيقول الغاء الدعم مساعدة علشان الصحة والتعليم بقولهم اسف الكلام ده كذب بيقولوه لتبرير رفع الدعم فقط
والدليل ان في الوقت اللى بيخفضوا وبيلغوا فيه الدعم ميزانيات التعليم في الجامعات بتتخفض بردو وميزانيات الجامعات نقصت السنة دي في المتوسط 20% وكان فيه وحدات خاصة بتساهم في تمويل العجز الاصلي في الميزانية بتاعة الجامعات وزارة المالية كانت بتحصل منها على 6% زودوها وصلت حصة المالية 20%
يعني حكاية تخفيض الدعم او الغائه لدعم الصحة والتعليم كدب كدب كدب كدب
===========
الخلاصة
كم انتي عظيمة ايها النهضة
عارف انا ايه اكتر حاجه منرفزاني :E_braces[1]: اني بحس ان في ناس :B4_039: بتتعامل مع غيرها علي اساس انهم صهاينه و عملاء للامريكان و مروجي اشاعات عايزين يخربوا البلد مش علي انهم مواطنين زيهم و ميقلوش حاجه عنهم ،، و علي فكره مروجي الاشاعات اللي حضرتك بتتكلم عليهم هما الحكومه نفسها لإنها غير قادره علي انها تصدر قرار واحد حتي يوحد ربنا صحيح !!! فاللي بيحصل انها عايزه تطلع قرار تخلي حد يصرح بيه عشان تشوف رد الفعل ايه و بعد كده تكدبه :36_7_7[1]: و شويه تروح مسرباه تاني و تشوف رد الفعل بقي معارض قد ايه و هكذا لحد ما الناس تبقي خدت انها تسمع القرار ده و الشعلله تنطفي ، بعدها نقوم في يوم نلاقي القرار اتهبد في وشنا :Ta_clap[1]:
تحياتي :orangeabli:
حسبي الله ونعم الوكيل لو ده حصل تبقي مصيبة
احنا سمعنا كتير من خبراء اقتصاد ان الغاء الدعم وتوصيله للناس عن طريق كوبونات او كروت بيكون سبيل لتحسين الاقتصاد.. يتبقى الخلاف حول مقدار الدعم.. ودا اكيد بيتناسب مع اقتصاد البلد واكيد مش هايرض كل الناس انما على الاقل بيكون مناسب للاستهلاك المتوسط اللي معظم الناس ماشيه بيه.. يعني لو 1800 لتر هايعملوا 18 الف كم في السنة .. هو دا فعلا استهلاك اغلبية الناس..
الجانب المضيء في الموضوع ان الزحمة هاتخف شوية علشان الناس اللي بتلف في الشوارع على الفاضي تقعد في بيوتها بقى...:)
فعلا حكومة هشام قنديل محتاجة تتغير .... و لكن حكومة هشام قنديل معملتش حاجة لا بالسالب و لا بالايجاب .
أنت عندك معادلة بسيطة
مصروفات مقابل ايرادات .
أنت مصروفاتك أعلى من أيراداتك .
و أستهلاكك أعلى من أنتاجك
مبارك كان مقضيها شوية شحاتة على شوية مشاريع تعبانة لا تضيف للأقتصاد أي شئ و ده كان مقصود علشان منبقاش وحش أقتصادي .
دلوقتي بقى أنت طلعت الأسد من قفصه .......
فكل الكلاب بتحدف عليك سهام لأيقاعك صريعا على الأرض
أو لأدخالك القفص تاني .
الخليج (الحكام ) مش عايزين الثورة تنجح لتأثيرها السلبي على شعوبهم ..... و أمريكا و أسرائيل و أوروبا عايزينك متخلف و نايم في العسل علشان ما تبقاش قوة أقتصادية تهددهم .
و طبعا ده بالاضافة للخونة من الداخل .......... أو الأغبياء اللي بيعارضوا بحسن نية و لكن بطريقة غلط و طريقة سلبية عليهم و على البلد .
أنا مش أخواني و لم أنتخب الأخوان و لن أنتخبهم لو كملوا المشوار بطريقة الأقصاء السياسي .
و لكن دي كلمة حق .... مش كل حاجة تحصل في البلد نقول الأخوان .
الأخوان أصلا مش عارفين يعملوا حاجة لأنهم بيحاربوا قوى الظلام للبقاء (فإزاي هايشتغلوا أصلا ؟)
و ليه ما يتمش تخفيض الإنفاق الحكومي ؟
تأمين........مواكب..........عربيات فارهة........الخ ( و كلامي مش على الرئيس تحديداً )
على ما أذكر كان فيه خبير إقتصادي قال أن الإنفاق الحكومي فى الحاجات المماثلة لو أتخفض هيعمل فرق كبير مش قليل.
على الأقل الشعب يحس أن الحكومة بتشارك...........ولا أيه ؟
أنا بش هعلق على نقطة الجمارك.........
الجمارك أصلاً محطوطة بنسبة عالية جداً علشان دعم الوقود......أى دولة تانية فى العالم هتلاقي الجمارك فيها من 2 ل 10% على حد علمي........مش 40%!!!!!
يبقى على الأقل يتم تخفيض الجمارك و تبقى 10% بدل 40%.
و لا هو أى حاجة الحكومة مش لاقية حل يبقى نستسهل و نلم من الناس و خلاص ؟
أنا أصلا مضرور زيكم لما الدعم يتشال ....(أنا مش غني )
أنا بتكلم عن عدالة توزيع الدعم (اللي مفيهوش عدل أصلا )
و كمان مساؤى الدعم عليك و علي و على كل المواطنين ..... دعم يعني فلوس بتروح بدون أستثمار
يعني لما الدولة تستثمر فيك (تعليم و صحة و طرق ... الخ ) أفضل مت تديهالك فلوس تروح بها الجامعة في عربيتك .
أنا كنت بروح الجامعة مواصلات .... أيام ما كنت في الجامعة ... و كان ساعتها اللتر بجنيه بس و برضه كنت بروح مواصلات .....
أنت باصص لنفسك بس ... أنت هاتضر أد أيه
و لكن مش باصص للموضوع بشمولية .
و أي خدمة حكومية سيئة موجودة في مصر .... مش هاتتحسن بوجود الدعم أصلا .
ما هو علشان يبدء يقدر يقدملك أي خدمة كويسة لازم الأول يوفر في الميزانية .
و إلا هايقدملك خدمة كويسة ازاي و الميزانية أصلا فيها عجز سنويا بيحصل ؟؟؟؟؟؟؟؟؟؟؟؟؟؟؟؟؟؟؟؟؟؟
هو أنا مش عارف حضرتك تقصد مين .
بس البلد فيها عجز سنوي في الميزانية بسبب الدعم (اللي الله يسامحه قدمه ناصر لمصر )
البلد هاتتقدم ازاي بدون أستثمارات حقيقية ؟
و بلاش كلام التريقة لو سمحتوا
اللي عنده مناقشة بناءة .... يتفضل أنا معاكم .
أنما رد حسين و مش عارف أيه بلاش منه
كلنا ناس محترمة و ياريت نناقش بعض بأحترام .
يا أستاذ أحمد
الجمارك دخلها مليار و نصف
و الدعم 20 مليار
يبقى ازاي الكلام ده ؟
يا راجل ده المفروض الجمارك تزيد تاني و الحكومة تهتم ببناء مواصلات جماعية محترمة زي مترو الأنفاق و القطارات .
أسرع و أفعل و أجود من السيارات بكتير .
و كل واحد بيقى عنده سيارة يخليها للفسح و التسوق بس .
أولاً الكلام اللى أنا قولته كان حقيقة.......أن جمارك السيارات عالية علشان الوقود كان مدعم......جزء بيغطوا بيه دعم الوقود........غير حاجات تانية فى الترخيص مثلاً.
الحاجتين دول مفيش بينهم وجه مقارنة علشان نقول أزاي.
أنا مش بقول أن الجمارك بتغطي الدعم بالكامل بس هي بتغطي جزء.
و ثانياً الجمارك فى 2011 كانت فعلاً حوالي مليار و 626 مليون فى أول 9 شهور بس.......و دي المفروض السنة اللى بعد الثورة اللى فيها ناس كتير بتحجم عن شراء أى حاجة.......و مع ذلك مش معترض انها تكون نسبة حقيقية بدون إحجام من الناس.
طيب هما هيوفروا كام من ال 20 مليار ؟
12 ؟
يبقششوا علينا بقى بال 1.6 مليار دول :)
تاني أنا مش بقارن ده بده......المواكب و التأمين و خلافه لو بتتكلف مليار سنوياً و البلد وضعها الإقتصادي صعب و هيشيلو الدعم عن الوقود يبقى الأولى توفير الإنفاق الحكومي فى الحاجات دي.
صدقني الرقم بتاعها لو مش مؤثر.............الناس هتحس أن الحكومة معاها.
مش الناس تدفع بنزين بسعر حر و فيه ضرايب مبيعات هتزيد و كهرباء و نظافة زادو و فى الأخر الحكومة عايشة فى دنيا تانية و سايبة الناس تولع.
تحسين المواصلات هيخلى ناس كتير تسيب عربياتها و تاخد مواصلات عامة........مش معترض عليه.
و زي ما قولت قبل كده........مش معترض على رفع الدعم عن الوقود بس نلاقي مؤشرات مش أكتر أن رفع الدعم جاب نتيجة و بيتعمل بيه حاجة.......مش نفضل محلك سر.
بس برضه...........يشيلو جمارك العربيات.......مش هبقى بدفع هنا و هنا و هنا و هنا علشان معايا عربية........دي مش جريمة أصلها.
أنت عارف و انا بفكر دلوقتي جه فى بالي الإمارات و ان دخلها من المخالفات المرورية سنوياً ممكن يبقى رقم يخض !!!!
ليه منفعلش دور شرطة المرور و نلم مخالفات من الناس اللى بتخالف ؟
هتوفر مبالغ كبيرة ممكن تساعد على تطوير ورصف الطرق فى مصر و هتساهم فى تقليل مشاكل المرور.
يعني الحكومة عندها أكتر من طريقة للمساهمة فى تطوير البلد............بس للأسف هما دايماً بيختارو الأسهل........جيب المواطن المصري.....و من زمان الكلام ده مش دلوقتي بس.
أنت عارف المشكلة أيه يا أستاذ أحمد ؟
ان الناس أتعودت على الدعم ....... و بالتالي الأغلبية بتعتبره حق مكتسب .
مع أن الدعم ده المفروض بيكون في حالات معينة فقط لا غير .
و الصحيح
هو أن أي سلعة تباع بسعرها الحر و يكون عليها جمارك لمساعدة الحكومة في تنفيذ خطط التنمية .
=====
بأختصار أن بأناقش المبدء .
إنما التنفيذ لازم يكون على مراحل طبعا و يكون فيه حلول و بدائل .
وجهة نظر حضرتك في الموضوع جميلة بصراحه
الله يفتح عليك
دعم الوقود ظالم و ناس بتستفيد منه و ناس لأ
و ده ضد العدالة الاجتماعيه
يعني الي بيعمل 5000 كم في الشهر بياخد دعم من الحكومة قد ايه ؟
و الي معندوش عربية خد ايه ؟
و الي بيعمل 1000 كم بس خد ايه ؟
مفيش عدل في التوزيع و ال 3 نماذج دول عايشين في نفس البلد و تحت نفس الظروف بس ناس استفادت و ناس لأ يبقى فين العداله الاجتماعيه
بس طبعا لازم الحكومة توفر وسائل مواصلات محترمة و فلوس الدعم دي الناس تحس بوجودها و بتوفيرها ده في الشارع
اولا موضوع هايل والناس كلها بتتكلم بمنطقيه :Ta_clap[1]:
بس انا شايف ان المشكله الحقيقيه هو ترتيب الاولويات بمعنى ان الدعم المفروض يتشال لان ده منطقى جدا بس قبل ميتشال لازم نوفر حاجات ضروريه علشان فعلا الناس مش فى حمل انها تزود مصروفاتها لانها زى مبيقولو ماشيه بالزق :crying1:
يعنى انا شايف انه المفترض قبل ماياخد القرار ده المفترض يفعل الحد الادنى للاجور علشان انا كمواطن اضمن معيشه كريمه وبرضه لازم يوفر مواصلات ادميه للناس فى كل المحافظات علشان زى الدول المتقدمه الناس بيكون عندها عربيات بس بتحب تروح شغلها بالمواصلات "توفيرا وراحه من السواقه ويقلل اهلاك عربيته علشان تبقى للخروجات بس وفى نفس الوقت مش هيدور على بارك للعربيه " ولازم يوفر ان المواصله دى تكون مناسبه لكل الطبقات بمعنى انك لو مدير بنك وركبت اتوبيس فى امريكا ببدلتك بفلوسك بهيئتك هتنزل منه زى مطلعت:Copy of makeup: عكس هنا خالص:tire: "
واظن القرارين دول مش محتاجين مجهود ولا وقت محتاجه نظام بس يعنى الحد الادنى يتراقب كويس والمواصلات اللى متنفعش يا تتكهن يا تتجدد ويتعمل خطوط للسير اقدر اوصل بيها لاى مكان انا رايحه من غير بهدله او اركب 15 مواصله ولو عملت ده وشيلت الدعم هتلاقى مشكله المرور اتحلت لوحدها لان الشعب كله طالما جرب الموضوع ولقى تغيير على طول على الاقل توفيرا :E_braces[1]:بس هيسيب عربيته ويركب مواصلات
اما بخصوص التوقيت فانت عايز تعمل ده فى وقت الشعب عمل ثوره وكان مستنى انها حتجيب الفرج انما انت كده بتحسسه انه معملش حاجه واظن ان اكيد الحكومات الثوريه بيكون عندها حلول لده وفى حاجات كتير تم طرحها بالفعل علشان تسد العجز وتجيب فلوس زياده زى
" ترشيد الانفاق الحكومى وده ولا محتاج وقت ولا جهد يعنى الوزير علشان يبقى بجد حاسس بالمواطن يبقى زيه زى مدير البنك يركب المواصلات العامه المحترمه اللى حتحافظ على ادميته وانا موافق ياخد بدل مواصلات عامه وييجى فى عربيته الملاكى ويدفع هو صيانتها وفرق البنزين بس ساعتها انا كمواطن مش ححس ان الوزير راكب اربع عربيات انا جايبهملو وكل مديرين مكتبه كمان راكبين عربيات وعايزينى ارشد استهلاكى ؟؟؟؟؟؟؟ :120146b"
"عندك كمان وقف العمل بالسفارات اللى ملهاش لازمه بره واللى انا شايف مليش مواطنين هناك ونعمل موضوع السفارات الاقليميه فى البلاد دى اظنها بسيطه برضه وواقعيه ولما البلد تشد حيلها ابقى رجعهم تانى واعمل 90 قنصليه فى كل بلد كمان لو عايز:049: "
"عندك كمان ان الموظف العام يشوف شغله كمثال اداره المرور لو اتنظمت صح تجيبلك مبالغ محترمه جداجدا واسهل مثال ممكن اتكلم عنه نظام المرور فى امريكا ولو حبينا نعمله مش محتاج اى وقت ولا مجهود سوى ان كل ظابط مرور يشوف شغله <ممكن نتكلم عنه بعد كده> "
" الجمارك دى قصه تانيه فى حاجات كتير بتدخل البلد وملهاش بدائل محليه وتعتبر من الرفاهيات اللى هيه لما تسمعها ضغطك يرتفع ممكن نزود جماركها واللى بيستخدموها مش هيعترضوا لانها مش هتفرق معاهم خالص ولو مشتروهاش يبقى احسن لانهم هيقللوا عجز ميزان المدفوعات اللى بالتبعيه هيقلل الموازنه العامه "
ولو فضلت اعدلك الحاجات اللى ممكن تتعمل بس محتاجه مجهود من المسئولين فقط مش حنخلص وده اللى الناس كانت مستنيه الثوره تعمله علشان حكوماتنا تلاقى فلوس تسد العجز وتحسن البلد بعدها قول للناس احنا تعبنا الفتره اللى فاتت وريحناكوا عيزنكوا تتعبوا معانا شويه علشان هنشيل الدعم علشان نحسنلكم حاجات تانيه هتلاقى كله بيقولك سمعا وطاعه حكومتنا الجميله ومعارضيك فى حينها الشعب هيتكفل بالرد عليهم:36_7_7[1]:
يعنى فكره الرفض هى بتتلخص فى قله الشفافيه و عدم الثقه بكلام اى حكومه سواء من التيار المحافظ او من المدنيين او الفلول وده من اللى الشعب شافه من النظام القديم وحس ان النظام الجديد سائر على نفس النهج وده بسبب اخطاء الكل معترف انها حصلت الفتره اللى فاتت من المسئولين فانت لما تطلع قرار زى ده فى الوقت ده وانا مشوفتكش افدتنى بحاجه وكلها وعود اللى الناس شبعت منها حتى لو انت صادق فمن حقى اعترض واشك وبدوافع منطقيه ليست كما تصور انها لهدم البلاد وانها مؤامرات :help1::hugging:
واخيرا انا عايز اقول ان كل اللى انا قولته-واسف طولت عليكم - دى وجهه نظرى وقولتها بس لما لقيت الموضوع بيناقش باسلوب كويس خصوصا من المؤيدين زى ا/ tutankhamoun :Ta_clap[1]:واتمنى نستمر بالاسلوب ده:_Alshmokh22[1]: