و المرتبات بردو تبقي بالسعر الحر
لكن الحكومه كدا بتحتكر
يعني علشان مفيش شغل فبتشغلك بالسعر ال علي مزاجها
و في نفس الوقت هيا المتحكمه في الاسعار فتبيع علي مزاجها
و مفيش نسبه بين السعرين !!!
كنت لسه بتكلم مع واحد عن دبي وقالي الأتي
عشان اطلع رخصه بس لازم ادفع اكتر من 4000 درهم يعني اكتر من 7000 الاف جنيه وكل مره تسقط تدفع 1100 درهم
عشان تاجر شقه بتدفع 5% للبلدليه و5% مش عارف ايه تاني و5% كمان لايه وعقود كل سنه يعني تقريبا بتدفع اكتر من 15% من تمن الأيجار السنوي للدوله
والبنزين اغلي من عندنا كمان
ياتري لو عندنا عملو كده يبقي رد فعل الناس ايه؟
طبعا هيقولو لما يظبطو الدنيا يبقي ياخدو
طيب هما هيببطو الدنيا منين ؟
الرخصة فى الإمارات تكلفتها بتفرق من إمارة للتانية
أنا مطلع رخصة مكلفاني 100+400+900+500= يعني 1900......و ده ليه مبرر على فكرة.
الدولة أخدت من دول 500 درهم و ال 900 و 500 الباقيين راحوا لمدارس تعليم السواقة ( مدرسة علمي و مدرسة نظري و على الأقل العملي مش حكومية) اللى بتدخلها مش بمزاجك.......علشان الناس تبقى بتسوق صح.
الإيجار فى الشارقة بتدفع للدولة 600 درهم سنوية مصاريف توثيق عقد الأيجار فى البلدية فقط لا غير...سواء أجرت ب 1000 أو 5000 فى الشهر........و بتدفع تأمين مسترد للكهرباء و المياه و الغاز 2000 درهم.....مرة واحدة طبعاً.
ليا صديق لسه بيأجر حالياً فى دبي.........هسأله و أجيبلك التفاصيل.....مع أني أعتقد أنها لو زادت عن الشارقة مش هتزيد كتير.......و في رأس الخيمة مفيش مصاريف توثيق ولا تأمين ولا أى حاجة.
نسيت أقولك أن هنا البنزين غالي........يعنى ال 95 ب 1.73 درهم للتر ( وفيه 92 بس مش منتشر فى كل المحطات)......و ده بالنسبة لدول الخليج غالي جداً...........بس فى المقابل ممكن تركب عربية زيرو محترمة زي الأكورد ب 75 أو 80 ألف درهم........و بكده تكون أترحمت من عربية موديل حاجة و 70 محتاجة كل شوية شغل و صيانة عند الميكانيكي علشان تمشي.
و نسيت اقولك برضه أن مع غلو البنزين فيه وسائل مواصلات أدمية.....بتوديك من أول دبي لأخرها ب 20 درهم أو أقل.
و نسيت أقولك أن الشوارع كلها زي الفل و مش بتخليك تتخيط فى مصاريف تصليح علشان لبست حفرة أو مطب.....او حتى مصاريف كل شوية علشان تربط العفشة و تظبط زوايا أو تغير كاوتش و جنط.
و نسيت أقولك أنت التأمين الصحي الحكومي لغير المواطنين..........تأمين معقول (أو ممكن نعتبره محترم جداً بمقارنته بالتأمين الصحي فى مصر).....ممكن يعمل عملية لواحد مش مواطن ببلاش أو بمصاريف قليلة.....و أعرف واحد لسه عامل عملية اللوز لأبنه من شهرين.
و أخيراً لما أكون بقالي 30 سنة بتسرق من الحكومة.......يبقى طبيعي لما تيجي الحكومة تطالب بحاجة زيادة اقولها ظبطي الأول و بعد كده خدي خصوصاً لما تكون الحكومة وعدت بحاجات كتير و مفيش حاجة واحدة أتنفذت :)
+11111111111
الناس في الموضوع بتتكلم عن الحكومة و كأنه شخص حقيقي و ليس شخص أعتباري .
كلمة حكومةمطاطة قوي قوي .....
مش دول اللي كانوا حاكمين البلد ال 30 سنة اللي فاتت علشان نقولهم أعملوا الأول و بعدين نبقى نقبل أننا نتنازل عن الدعم (اللي هو أصلا غلط )
و بعدين أنت عامل زي الأبن اللي بيقول لأبوه .... مش هاقبل تقطع عني المصروف ..... إلا إذا أشترت لي هدوم جديدة .
و هو مش مدرك أن الأب بيقطع المصروف ......... علشان مش معاه يعطي مصروف أصلا ...... ما بالك بالهدوم الجديدة !
المثل البلدي بيقول
أطبخي يا جارية ......... الجارية قالت ....... كلف يا سيدي .
عايز الحكومة تطبخ ......... اديها فلوس تكلف .... (ده مثال توضيحي لا ينطبق على حالتنا و لكنه توضيحي و فيه جزء كبير من الواقع المصري .)
أنا عايز أعرف رأي الناس لو
الحكومة قالتلهم نشد الحزام سنة ........ و ما نأخدتش قرض من البنك الدولي
عايز أعرف رد الفعل ...
تشد الحزام سنتين مش سنة واحدة بس الاول تقلل مصروفاتها الى ملهاش داعى و استيراد السلع الغير ضرورية و تعيد هيكلة الموظفين الى مبيعملش انتاج مياخدش مرتب عربيات الحكومة الى راحة جاية تودى المدام السوق و تجيب الاولاد من النادى و الكلام ده كله يتمنع و يتظبط و هما مش هيحتاجوا يشدوا حزام اصلا عشان هيبقى عندهم فائض فى الموازنة
اه و حاجة كمان يوقفوا صرف على الابنية الحكومية فى الحاجات الى ملهاش لازمة فى الوقت الحالى و فى بدائل ارخص و ممكن تكون احسن كمان
الفكره كلها يا ا/tutankhamoun ان الناس عملت ثوره ليه علشان تعبانين من العيشه على امل تحسين احوالهم والجميع قبل الانتخابات كان عارف انه داخل على تركه كبيره ومطينه ومنيله فكون ان فى 13 شخص دخلوا الانتخابات فهم كده بيقولوا انهم هايقدروا يحققوا للناس اللى هم عملوا الثوره علشانه ولكن كل بطريقته ودى لازمه البرامج الانتخابيه انى اعرف كل واحد حيعمل ده ازاى بعد كده لما الدكتور مرسي مسك الحكم بقى مسئول عن الوزراء كلهم لان دى ادواته فى "السلطه التنفيذيه" فبالتالى من حقى كمواطن ولى رئيس منتخب انى احاسبه انه لما جه معمليش اللى انا عايزه وبيقولى ان التركه الموروثه طلعت منيله خالص فدى متعتبرش حجه لان ده كان واضح قبل الانتخابات .
وانا قولت فى المشاركه اللى فاتت ان فى حاجات كتير ممكن تتعمل وتجيب فلوس بعيدا عن المواطن ومش حتتعب غير المسؤلين اللى هم شغلتهم يتعبوا علشان انا كمواطن ارتاح :E_braces[1]:
وبالنسبه لمثال الاب فانا من حقى كابن على ابويا انى لما اشوفه مرفه وراكب 4 عربيات وعايز يتجوز تانى وبيشترى حاجات ملهاش لازمه ومبيشتغلش ويقولى ممعيش فلوس اديك المصروف ساعتها من حقى اعترض انه مبيرشدش انفاقه هو الشخصى علشان يقدر يعمل واجبه اللى هو الصرف عليا ....................انما لو انا شايفه فعلا مش لاقى شغل وتعبان ومديون والحاله منيله معاه غصب عنه فساعتها انا كابن لازم يكون عند اهلى دم واساعده:help1: غصب عنى .
ولا ايه !!!!!!!!!!!!!
يا جماعة أنا معاكم .... كلامكم صحيح .
أنا مش مع الحكومة ....... أنا مواطن زيي زيكم و هاتضرر من رفع الأسعار .
و لكني أولا بناقش مبدء الشئ الغلط (اللي هو الدعم )
ثانيا بواجهة الأمر الواقع اللي هو ازالة الدعم .
اكيد طبعا ان الدعم ده لازم يتم تقنينه علشان يوصل لمستحقيه بس الناس مش مستحمله ده دلوقتى خصوصا وانك مقدمتش السبت "يعنى الحكومه معملتش بدائل لده "
وعلى فكره احنا بس اللى بنقوله اننا معترضين على الطريقه دى فى تعامل المسئولين مع الشعب خصوصا وان فى حلول تانيه بس كالعاده احنا بنسجل اعتراضنا والحكومات بتعمل اللى عايزاه :E_braces[1]:
وحضرتك ملكش ذنب فى ده لانك مش مسئول بس اكيد حضرتك برضه شايف انه مش وقته بالرغم من صحه المبدأ
وبجد احييك على تقبل الراى الاخر:Ta_clap[1]:
ما أنا علشان عارف أنها مش نفس الحكومة فقولت " لما أكون بقالي 30 سنة بتسرق".........مقولتش أن الحكومة بتسرقني و سكتت.....مش هاخدهم بذنب غيرهم بس المفروض أنى أحرص منهم.
و شوف ردي تحت
تاني يا باشا..........الأب اللى مش عارف يدي عياله مصروف مش بيكون عايش بعيد عنهم.....بياكل أكلهم و بيشرب شربهم و بيركب مواصلات زيه زي عياله.......مش بيروح يظبط نفسه و فى الأخر يرجع يقول مش معايا فلوس أدي مصروف.
الحكومة الحالية مش هي اللى بقالها 30 سنة بتحكم بس بالنسبة للمواطن البسيط أو حتى الغير مهتم بالسياسة و دول كتير...............الحكومة هي الحكومة فى كل الأحوال.
و بعدين زي ما أنا وضحت قبل كده........أنا كمواطن أصنف مثلاً متوسط الحال و ليس بسيط......ممكن أفكر أني أبتدي أدى ثقة للحكومة............بس برضه يكون فيه شوية مصداقية..........يكونوا قالوا على حاجة واحدة و أتنفذت مش كل ما يقولوا حاجة مش بتتنفذ.
لما يكون فيه ما يدعو للثقة يبقى ممكن أثق فيهم و انا و نصيبي.......غير كده مفيش مبرر أني أثق فيهم.
معلش.....أنا عندي فكرة كده عاوز تشوفها مع بعض.
عاوزين نشوف أيه متوسط مصاريف أسرة صغيرة فى الشهر........أب و أم و 2 أبناء فى مدارس.....عندهم عربية صغيرة 1000 سي سي أو 1300 سي سي.
بإفتراض أن مرتب الأب 2500 جم فى الشهر..........اللى هو مش متاح لناس كتير.
بيصرفوا كام أكل و مياه و كهرباء و غاز و تليفون و مدارس و علاج.....بدون أى مصاريف ترفيهية خالص و بدون إيجار شقة بفرض أن الأب عنده شقة تمليك و أن العربية مفيش أقساط عليها......يعني الراجل مفيش عليه ديون خالص و شقته تمليك و مرتبه 2500 جم.
يا ريت يا توت باشا أشوف تقديرك للكلام ده فى ظل الأسعار الحالية......بس بند بند بعد أذنك.
و معلش سؤال تاني.......الضرايب اللى أتلغت........كانت تقريباً نسبة الزيادة فيها كام فى ال% من الأسعار الحالية ؟
اقولك انا الوضع يمشى ازاى بس الاول نتكلم بالسنه يعنى (2500*12) = 30000 سنويا
قول مصروفات المدرسه لو خاصه للعيل متوسط 3000 جنيه *2 عيل = 6000 سنويا
قول كهربا وغاز وموبايل و مياه حوالى بالميت 2000 جنيه سنويا
عندك بقى اكل وشرب حنقول فى اليوم متوسط 40 جنيه / يوم * 365 =يطلع حوالى 15000
عندك بنزين للعربيه حنقول راجل موفر وبيحط 80 نقول 10 جنيه / يوم * 365 يوم = حوالى 4000 + اهلاك عربيه وزيت وغسيل وجراج بالميت 1500 جنيه سنويا
طبعا بقى عندك نثريات وزيارات وعلاج وترفيه ويحوش لمستقبل العيال من الباقى اللى هو (30000-6000-2000-15000-4000-1500)=1500 جنيه سنويا :E_braces[1]:
بس ده طبعا على شرط متحصلش مفاجات خلال السنه عربيه اتخبطت حد تعب جامد لازم مستشفى جاله خصم فى الشغل ....الخ الخ
كان الله فى العون :_Alshmokh22[1]: بصراحه
اما بالنسبه للضرايب فبصراحه انا معرفش النسبه
مع أني شايف أن فيه حاجات أنت حاططها قليل زي الأكل مثلاً..........فطار و غدا و عشا ل 4 أفراد ب 40 جم........بس ماشي.
تخيل بقى مع زيادة البنزين........توقعي أن البنزين ال 80 هيوصل 1.5 جم على الأقل لو ال 90 أتلغى حسب ما سمعت أنه هيحصل.
و مع زيادة الضرايب.........هنقول متوسط الأسعار هتعلى 10%
المدارس 6000+10%= 6600
الأكل 15000=10%= 16500
وصيانة عربية 1500+10%= 1650
و باقى الحاجات مش هنزودها.....
يبقى إجمالي اللى بيتصرف 6600+2000+15500+5475+1650=31225
شوف هتشيل منهم كام دعم بنزين
و حط بقى عليهم كام علاج........و قولي شخص زي ده ولا عنده أورطة عيال ولا بيدفع إيجار أو أقساط لأي حاجة و معلهوش ديون خالص........و ماشي على قده.........و مرتبه مش وحش..........يعيش أزاي ؟
عايز الحق مش عارف اقول ايه غير انه فى الحاله دى مضطر يقلل مستواه الاجتماعى علشان يعيش :angel10: لانه مش حيقدر يعمل غير ده اذا المسؤلين مأوجدوش حلول له بحيث يقدر يلاقى بدائل محترمه تقلل مصروفاته وتخليه فى نفس مستواه :Ta_clap[1]: وفى الحاله دى يبقى مفرقش معاه كتير كمثال البنزين والصيانه والجراج تقل تكاليفهم بوجود مواصلات تؤدى غرضه على الاقل وهو لوحده بدون اسرته ويوفر اللى بيدفعه فيهم لحاجه تانيه وهكذا فى التعليم والاكل و و و
وفى النهايه -بعيدا عن الموضوع - نحمد الله على نعمه العزوبيه وعدم تحمل المسؤليه ههههههههههههههه:E_braces[1]:
هو حضرتك اتخرجت أو شغال
أصل كم الاحلام الورديه و النموذج و السيناريو المثالي ده بصراحه أحسدك عليه لو بعد كل طلعت متجوز و مخلف و عايش كده بالضبط
طب أقولك حاجه تبعتلي ال CV يتاعك و أدورلك علي شغل بالمبلغ ده و نشوف هتعرف تمشي كده ولا لا !
عندنا في الهندسه و تحديدا في التصميم لما بنيجي نحسب الاجهادات و القوي و الحاجات ديه
اياك ثم اياك ثم اياك تعمل DESIGn علي ال OPERATING CONDITIONS بالعكس انت بتعمل DESIGN علي ال WORST CASE , و بتاخد FACTOR OF SAFETY كمان
ما ينفعشي أفترض ان مفيش اجهادات ولا قوي ولا حمل و أقولك أقل التكاليف أهي في التصميم ده
طب فين الكود و ال STANDARD و ال MINIMUM SAFETY REQUIREMENTS
انا قاري الكلام من الصبح بس قولت أرد عليك لما أفضي و أرجع البيت عشان لاجل الامانه حضرتك و كلامك ضايقني لما حضرتك مواطن و زينا و بتفكر كده أومال بقي المسئولين اللي مش حاسين بينا و فوق نقولهم ايه و كل واحد في ملكوته
ما ينفعشي الكلام ده :B4_592::10_9_133::oops2::fun_10_9_134[1]::dzey::breakpc2:
يا رب مكني انني أعرف أخدم البلد ديه و أصلح فيها و أخليها زي بره علي حق ربنا عشان النماذج اللي زي حضرتك تعرف قد ايه الكلام اللي بتقال ليها كله فشنك
تصبح علي خير
يا باشا بالراحة على الراجل..........هو كمان معترض على فكرة
القصة بس أني سألت على متوسط المصاريف زي ما أنت شوفت و هو الوحيد اللى رد
و مع إعتراضي على بعض ما جاء فى رده من مصاريف زي مصاريف الأكل اليومية...........قولت برضه ناخد الرد بتاعه على سبيل المثال.
عموماً..........فيه حاجة أو أتنين من الحاجات اللى قالها أنا شايفها رفاهية........زي الجراج مثلاً.......و أحنا المفروض بنتكلم أن البلد تبقى فى حالة تقشف.....و المواطنين كذلك.
خليني بقى أسألك بما أنك متجوز زي حالاتي.......متوسط المصاريف فى رأيك للبنود اللى أنا قولتها كام ؟ و لو فيه بنود تانية نسيتها يا ريت تذكرها.....و نفترض حتى أن الراجل مدخل عياله مدرسة حكومة......مش خاصة.......شوف مصاريف الكتب و الكشاكيل و مرواح و رجوع و مصروف للعيال جنيه فى اليوم مع أنه ميجبش حاجة دلوقتي بس معلش...معندوش تكييفات...ولا سخانات كهرباء....عربية 128.....كده يعني.......ما أحنا أتفقنا أن الموضوع تقشف :)
علشان بس نوضح لأخوانا المناصرين للفكرة أن أقل متطلبات الحياة لأسرة صغيرة ماشية يا دوب على قدها بدون رفاهية بتتكلف كام.
يا باشا براحه عليا بس واضح جدا ان حضرتك قريت بس اخر مشاركتين ليا فى الموضوع لان اكيد لو كنت قريت مشاركاتى كلها مكنتش حترد عليا كده لانك كنت حتعرف انى معارض للموضوع جدا وقولت حلول ليه غير الضغط على الناس واتكلمت كلام كتير بس حضرتك فتحت اخر صفحه بس
وعلى العموم انا والله كنت بفترض ارقام ردا على ا/Ahmed A.Maksoud بس انما انا مش متجوز وخريج تجاره وحاليا شغال مع اخويا مؤقتا لانى مش لاقى شغل محترم وراكب كيا برايد مش bm ولا حاجه وانا والله بضحكلانى كنت بفترض ارقام وواخد الموضوع هزار لانى عارف اللى انا كاتبه مش واقعى ومع ذلك مش هيكفى وبعدين يا باشا واضح قوى لما بقول حيفضل 1500 جنيه فى السنه انى بتتريق على الواقع المؤلم
ومع ذلك حصل خير واتمنى حضرتك تقرا مشاركاتى فى الموضوع ومواضيعى كله علشان تتاكد انى بس كنت بفترض ارقام وانى اصلا معارض لاسلوب الحكومه :bye2:
وعلى فكره انا دخلى فى الشهر اكتر من 1500 جنيه ومش متجوز ويدوب بيكفونى لوحدى بعد لما بشيل جزء احوشه فاكيد لما اتجوز مش حيكفى ضعفهم حتى
وزى مقولت قبل كده كان الله فى عون المتجوزين والحمد لله على العزوبيه
بس هو ده قصدى اننا نفتح باب لمناقشه ميزانيه اسره متجوزه بعد محطينا افتراض بس
وشكرا يا باشا على توضيحك ل ا/Kareem.ElAraby لانه واضح ان فى سوء تفاهم بس :B4_444:
رجاله المنتدي و الاعضاء
واضح ان طريقه الكلام بانت عصبيه و فيها تنشنه
فانا بأعتذر لاي شخص تضايق أو حس انني هجومي بس الكلام اللي عندي بيبقي brain storming
فما بأصدق أكتبه بسرعه بأقرب صيغه ممكنه
اعتذاري ليكم مره تانيه
و انا قاري الموضوع من الاول علي فكره بس الردود انا بأسيب الناس عشان أعرف الناس و طريقه تفكيرها و دماغها
يياااااااااا رااااااااااااااجل
بقى كل ده و تطلع لسه مش متجوز ههههههههههههههههههه
طيب بص يا باشا...........علشان بس الموضوع يبقى fair شوية.........انا عاوز حد متجوز يشارك فيه.....علشان الأرقام تبقى اقرب للواقع بس مش أكتر.
و أنا مش هكتب أرقام من نفسي علشان بقالي 3 سنين برة مصر و أكيد الدنيا أتغيرت فيهم كتير.
و بالنسبة لموضوع ليه أحرمه من كل ده.........أنا مش بحرمه......بس بنفترض مع بعض أنه معندهوش أى نوع من أنواع الرفاهية غير العربية ال 128........اللى برضه غيره مش لاقيها....يعني بنفترض حالة شبه مثالية لواحد في وضعه........مع أن أنت لو جيت للواقع.......هتلاقيه يا بيدفع قسط عربية يا بيدفع أيجار شقة إن مكنش الأتنين مع بعض.
انا مع القرار بس تدريجيا بمعني 150 لتر في الشهر قليل لناس كتير ممكن تبتدي برقم أكبر و بعد 6 شهور تنزل بالرقم بعد ما الناس تشوف تاثير ايجابي للقرار و الحكومه المفترض تكون في منتهي الشفافيه و تشرح فوائد الموضوع و الفلوس اللي هتتوفر هتروح فين و يبقي في خطه زمنيه نشوف بيها اصلاحات حقيقيه في مجال التعليم و الصحه و طبعا وسائل المواصلات العامه و الطرق - يبقي
1- يبدأ برقم كبير شويه و ليكن 250 لتر مع تغييرها ل 150 لتر بعد 6 شهور
2- المبلغ المتوفر هيتم بيه في البدايه اصلاح شبكه الموصلات العامه لانها هتبقي البديل لاي حد عايز يوفر و دة احد اهداف المشروع الرئيسيه انه يعالج مشكلة المرور كمان
3- يجب توضيح وضعيه السيارات القديمه ال 2000 سي سي
4- توضيح التحسين اللي هيطرأ علي الصحه و التعليم و تكون اهداف حقيقيه مش مجرد مكافأت للعاملين و دورات تدريبيه و ملايين علي الارض و خلاص
5- النزول التدريجي بالشريحه الجمركيه لان من اهداف المشروع برضة هو رفع تكلفه تشغيل السيارات مع خفض ثمنها يبقي اللي هيشتري عربيه هيبقي عارف انه هيصرف عليها كتير حتي لو اشتراها رخيصه
القرار ضروري للاسباب التاليه
1- اي دعم في الدنيا يجب ان يصل لمستحقيه و لازم يكون ليه قيمه قصوي لانه بشكله الحالي معناه كل ما تمشي بالعربيه اكتر كل ما هتستفاد بالدعم اكتر و نفس المنطق علي الكهربا و المياه و كل الخدمات بمعني لو انا واحد بمشي 5000 او 6000 كيلو في الشهر فدة مش ذنب مواطن تاني بيتحرك بالعربيه للمشاوير الضروريه
2- الصحه و التعليم هما ركيزة اي دوله و تحسينهم اهم بكتير من دعم الطاقه
3- انفاق الدعم علي الموصلات العامه و الطرق اهم من صرفه علي البنزين لان المواصلات العامه هي وسيله انتقال الفئات الاكثر فقرا يعني المستحقه للدعم اكتر
في الاخر يجب دراسه القرار كويس جدااااااااا و توضيحه للراي العام بوضوح و عدم ترك فرصه للاعلام الغبي انه ينقل صورة تانيه و ياريت ميكونشي زي قرار غلق المحلات و تقدر الدوله علي تنفيذه
طيب يا بيه ياللى بتقول اسكن جمب شغلك انا والدى شغال فى المهندسين و ساكن فى حلوان و بيعمل اكتر من 100 كيلو فى اليوم رايح جاى المفروض بقى انو يروح ياخد شقه ب 2 مليون جنيه فى شارع سوريا و لا جامعه الدول علشان يبقى ساكن جمب شغلو
ايه التفكير الغريب بتاعك ده
هشارك براى بس انا مش متجوز على فكره بص يا باشا مصاريفى انا شخصيا 500 جنيه كورس انجليزى كل شهر + 300-400 جنيه مصاريفى الشخصيه(و مش بيكفو كمان و بيستلف عليهم علشان الدنيا بقت غاليه من اكل فى الجامعه و بنزين و سجاير ..الخ) + 100 جنيه انترنت :D + كل شهرين 300-350 جنيه انزل اجيب طقم (بنطلون و قميص او تيشيرت من غير الكوتش:angry26: و احنا اسره اب و ام و ابن فقط :B4_444:
و فى اوخر الشهر اخر اسبوع كده ببقى شبه مفلس بركب مواصلات ومبخدش فلوس من الحاج
ماهو المستوي ده ياباشا جي من جيب الشعب مش من الحكومه
الحكومه هناك متحتكمش علي حاجه وكله من الشعب
تخيل لو مصريين هما اللي بدأو في دبي كان زمانها زي ماهيا
ياراجل ده انا بقالي 3 سنين في العماره عايز اركب الأسانسير والناس كلها تقولك لما الأسانسير يركب هنبقي ندفع
طيب ياعالم هو هيركب ببلاش؟ مش لازم تدفعو الأول عشان نجيب الحاجه بتاعته وبعدين نركب ؟
اهو ده اكبر مثال للشعب المصري
يقولك لما اشوف الحاجه قدامي الأول هبقي ادفع وحتي لما يشوف الحاجه قدامه مش بيدفع ويقولك انا مالي هو انا بستعملها لوحدي
ربنا يخليليك الحاج ويباركلك فيه
ايام ماكنت في الجامعه كنت في القاهره وكنت باخد 40 جنيه في الشهر للمدينة الجامعيه وباخد معايا 5 جنيه كل اسبوع يعني 60 جنيه مصاريفي اول عن اخر في الشهر
حضرتك عايش مرفه قوي ولازم تعود نفسك علي القليل عشان لما تتخرج وتشتغل باذن الله متتصدمش لانك كده مش هتعرف حتي تصرف علي نفسك وكلها حاجات انا شايف انها رفاهيات وكمالات تقدر تستغني عنها بسهوله
مين اللي قال لحضرتك ان الحكومة بتصرف من جيب الشعب ؟
الحكومة هنا ليها مصادر دخل تانية زي البترول و السياحة ........سياحة التسوق بصفة رئيسية
الحكومة هنا مش بتاخد من مواطنيها حاجة تقريبا
مفيش ضرائب
الجمارك مش فاكر ٢ و لا ٥٪ على كل المنتجات
تأمين صحي زي. الفل
بتوفر لهم شغل بمرتبات عالية سواء في الحكومة او القطاع الخاص
عاوز يبني بيت ؟ بيطلب ارض و بتتخصص له و بيروح حاجة اسمها برنامج الشيخ زايد للإسكان بي قدم على قرض ب ٥٠٠ الف درهم و بيتوافق عليه.......عمر ما اترفض قرض إسكان لمواطن
ايه اللي بيدفعه المواطن ؟
كهرباء و مياه و غاز و انترنت و تليفون و تجديد العربية و مخالفات
فيه منهم انترنت و المخالفات ممكن ميدفعهمش......الانترنت كماليات ممكن يستغنى عنها و المخالفات يمشي حسب القوانين
و على فكرة المواطنين بيد فعو كهرباء و مياه بأسعار غير الوافدين........اقل طبعا
كون ان الحكومة بتوفر مصاريفها من الوافدين دي حاجة تحسب لصالح الحكومة انها بتدور على موارد بعيد عن جيب المواطن الإماراتي .
حضرتك خريج سنة كام و احنا في سنة كام ؟
شوف ساعتها ال ٦٠ جم كانو بيعملوا ايه و دلوقتي بيعملوا ايه ( مع اعترافي ان المبلغ اللي حضرتك قولته ده فعلا قليل.....مش بنكر كده بس نحسب فرق قيمة العملة برضه )
هقولك على حاجة........انا خريج ٩٩ يعني من ١٢ سنة تقريبا
عارف كنت بدفع تصوير ورق بس كام في الشهر ؟ مش اقل من ١٥ ل ٢٠ جم
لو جعت و انا في الكلية مكنش فيه غير كافيتريا واحدة ساندوتش البطاطس فيها كان ب ٧٥ قرش و لو هامبورجر كان بجنيه
هو ممكن يستغنى عن السجائر و ممكن الطقم يجيبه كل ٤ شهور بدل شهرين........ انا معاك في دول ......بس شايفه يستغنى عن ايه تاني ؟
الكورس اللي بياخده علشان يستفاد ؟
الانترنت اللي ممكن يكون بيحتاجها في دراسته و اللي مفيش حد مش بيستخدمها استخدام عملي حاليا؟
بنزين العربية. اللي رحمته من المواصلات في اغلب الشهر ؟
للاسف فيه حاجات كتير في مصر هي حقوق لينا و اصبحنا بعتبرها رفاهيات.
معاك انها حقوق بس دلوقتي هي رفاهيات
يعني شاب في الكليه يقدر ياكل في بيته ويتعشي في بيته والغداء يبقي حاجه بسيطه
ميشربش سجاير
بدل كورسات يذاكر ويعتمد علي نفسه
بدل لبس كل شهر ولا اتنين يبقي كل سنه - ده انا بشتغل ومش بشتري لبس غير كل سنه او اتنين والحمد لله عندي لبس كتيير
بدل النت اللي ب 100 ولا 200 ممكن يمشي الحال ب 25 جنيه يدخل يذاكر او يدور الي حاجه اللي عايزها
مالواحد كان مقضيها سايبرات :)
بس طبعا ده اللي محتاج
اللي عنده فلوس واهله مريحينه يبقي خير وبركه ومش محتاج يعمل كل ده بس يبقي عارف انه لما يشتغل ممكن ميقدرش يحصل المبلغ اللي بياخده مصروف