حاجتين علشان يلخصوا الكلام
الحاجه الأولي
من الاخر علشان الشعب المصري يجي علي نفسه و يعصرها اكتر ماهو معصور و متنيل بنيله لاااااااازم يحس ان الحكومه قبله شدت الحزام علي نفسها بمعني ان يتم الاقتصاص من مصاريف المسئولين و الحكومه -رواتب ، مصروفات ، بنزين ، عربيات ...الخ - يعني مثلا مبقاش طافح الكوته و ماشي ب ٥ لتر بنزين و الاقي الريس ماشي بموكب ٣٠ عربيه اقل عربيه فيهم اكتر ٢٠٠٠ سي سي مثلا !!! اعرف ان المسئولين او كبار البلد -و اولهم الوزير المعني بالاقتصاد- بيتبرعوا بربع او تلت مرتبهم للدخل العام مسمعش اي قرار غبي بيضيع فلوس في حاجه ملهاش لزمه زي حجب مواقع اباحيه ولا نسخ ويندوز مثلا -و حتي لو اشاعه لازم يطلع حد ينفيها علشان ميبوظش نفسية الشعب لان في الفتره دي كل اللي هيأيد هيأيد علشان حاسس بحال البلد- منلاقيش بوكسات عماله توصل اطفال او اهالي لان ده هدر مال عام احنا مفحوتين عشان نجمعه !!! لما نوصل للنفسيه دي اللي حاسين فيها ان رب الاسره حكيم و عارف ازاي يصرف فلوسي اللي انا بحوشها معااااااااا فلوسه اللي هو بيحوشها في حاجات مفيده بس الشعب هيسمع كلامه و مش هيعترض لانه عارف انها ازمه و تعدي
الحاجه التانيه
بقي ان يبقي في شفافيه و ديموقراطيه يعني نعرف كل مليم راح فين وفرنا كام و عمل ايه ،،،، مش نبقي قاعدين نلبس في قرارات و مفيش اي شرح و كذب بين و تزييف للصوره الحقيقيه لوضع البلد تسمع انه لا احنا مش مفلسين و الاقتصاد مزدهر و السياحه عشره علي عشره و المرور تمام و البلد نضيفه ههههههه دي بقت فنزويلا يا جماعه :Ka_che1[1]: ،،،، عايزني انا كمواطن لما اسمع كده اصدقك و اسمع كلامك واثق فيك ازاي لما اللي انا شايفه انت مستعميني و قايلي لا انت شايف غلط ده احنا في جنه !!! :hitwall3: و طالما احنا في جنه نزنق نفسنا ليه ما الدنيا ظريفه اهو و البلد متريشه :rokeyrulez:
ده رأيي الشخصي ممكن تتفق او تختلف معايا بس المحصله لا يمكن مصر تتقدم بالوضع ده ابدا :error404:
تقبلوا تحياتي
:bye2: