الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة shaddadfalcon1

كنت لسه بتكلم مع واحد عن دبي وقالي الأتي

عشان اطلع رخصه بس لازم ادفع اكتر من 4000 درهم يعني اكتر من 7000 الاف جنيه وكل مره تسقط تدفع 1100 درهم
عشان تاجر شقه بتدفع 5% للبلدليه و5% مش عارف ايه تاني و5% كمان لايه وعقود كل سنه يعني تقريبا بتدفع اكتر من 15% من تمن الأيجار السنوي للدوله

والبنزين اغلي من عندنا كمان

ياتري لو عندنا عملو كده يبقي رد فعل الناس ايه؟
طبعا هيقولو لما يظبطو الدنيا يبقي ياخدو

طيب هما هيببطو الدنيا منين ؟

مستوى المعيشه هناك غير هنا
المصرى بيسافر الامارات يشتغل و يعمل فلوس و يجى هنا لكن انت شفت واحد اماراتى جاى يشتغل هنا و يتغرب علشان يعمل فلوس !!!!

المشاركة الأصلية كتبت بواسطة Ahmed A.Maksoud

الرخصة فى الإمارات تكلفتها بتفرق من إمارة للتانية

أنا مطلع رخصة مكلفاني 100+400+900+500= يعني 1900......و ده ليه مبرر على فكرة.
الدولة أخدت من دول 500 درهم و ال 900 و 500 الباقيين راحوا لمدارس تعليم السواقة ( مدرسة علمي و مدرسة نظري و على الأقل العملي مش حكومية) اللى بتدخلها مش بمزاجك.......علشان الناس تبقى بتسوق صح.

الإيجار فى الشارقة بتدفع للدولة 600 درهم سنوية مصاريف توثيق عقد الأيجار فى البلدية فقط لا غير...سواء أجرت ب 1000 أو 5000 فى الشهر........و بتدفع تأمين مسترد للكهرباء و المياه و الغاز 2000 درهم.....مرة واحدة طبعاً.

ليا صديق لسه بيأجر حالياً فى دبي.........هسأله و أجيبلك التفاصيل.....مع أني أعتقد أنها لو زادت عن الشارقة مش هتزيد كتير.......و في رأس الخيمة مفيش مصاريف توثيق ولا تأمين ولا أى حاجة.

نسيت أقولك أن هنا البنزين غالي........يعنى ال 95 ب 1.73 درهم للتر ( وفيه 92 بس مش منتشر فى كل المحطات)......و ده بالنسبة لدول الخليج غالي جداً...........بس فى المقابل ممكن تركب عربية زيرو محترمة زي الأكورد ب 75 أو 80 ألف درهم........و بكده تكون أترحمت من عربية موديل حاجة و 70 محتاجة كل شوية شغل و صيانة عند الميكانيكي علشان تمشي.

و نسيت اقولك برضه أن مع غلو البنزين فيه وسائل مواصلات أدمية.....بتوديك من أول دبي لأخرها ب 20 درهم أو أقل.

و نسيت أقولك أن الشوارع كلها زي الفل و مش بتخليك تتخيط فى مصاريف تصليح علشان لبست حفرة أو مطب.....او حتى مصاريف كل شوية علشان تربط العفشة و تظبط زوايا أو تغير كاوتش و جنط.

و نسيت أقولك أنت التأمين الصحي الحكومي لغير المواطنين..........تأمين معقول (أو ممكن نعتبره محترم جداً بمقارنته بالتأمين الصحي فى مصر).....ممكن يعمل عملية لواحد مش مواطن ببلاش أو بمصاريف قليلة.....و أعرف واحد لسه عامل عملية اللوز لأبنه من شهرين.


و أخيراً لما أكون بقالي 30 سنة بتسرق من الحكومة.......يبقى طبيعي لما تيجي الحكومة تطالب بحاجة زيادة اقولها ظبطي الأول و بعد كده خدي خصوصاً لما تكون الحكومة وعدت بحاجات كتير و مفيش حاجة واحدة أتنفذت :)

احب احيى حضرتك على الرد ده و كل الردود اللى فاتت كلامك زى الفل
و برضو ارفع لحضرتك القبعه بدل الره 100

المشاركة الأصلية كتبت بواسطة kareem.elaraby

بكره لما تخلص و تشتغل و تتجوز و تخلف و تقبض 2500 صافي في الشهر ان شاء
هتضحك يا جميل !
:b4_039:

والله يا باشا من وجهه نظرى 2500 دول يادوب يفتحو بيت زوجه و زوجه فقط لغير

المشاركة الأصلية كتبت بواسطة Ahmed A.Maksoud

يياااااااااا رااااااااااااااجل

بقى كل ده و تطلع لسه مش متجوز ههههههههههههههههههه

طيب بص يا باشا...........علشان بس الموضوع يبقى fair شوية.........انا عاوز حد متجوز يشارك فيه.....علشان الأرقام تبقى اقرب للواقع بس مش أكتر.

و أنا مش هكتب أرقام من نفسي علشان بقالي 3 سنين برة مصر و أكيد الدنيا أتغيرت فيهم كتير.

و بالنسبة لموضوع ليه أحرمه من كل ده.........أنا مش بحرمه......بس بنفترض مع بعض أنه معندهوش أى نوع من أنواع الرفاهية غير العربية ال 128........اللى برضه غيره مش لاقيها....يعني بنفترض حالة شبه مثالية لواحد في وضعه........مع أن أنت لو جيت للواقع.......هتلاقيه يا بيدفع قسط عربية يا بيدفع أيجار شقة إن مكنش الأتنين مع بعض.

هشارك براى بس انا مش متجوز على فكره بص يا باشا مصاريفى انا شخصيا 500 جنيه كورس انجليزى كل شهر + 300-400 جنيه مصاريفى الشخصيه(و مش بيكفو كمان و بيستلف عليهم علشان الدنيا بقت غاليه من اكل فى الجامعه و بنزين و سجاير ..الخ) + 100 جنيه انترنت :D + كل شهرين 300-350 جنيه انزل اجيب طقم (بنطلون و قميص او تيشيرت من غير الكوتش و احنا اسره اب و ام و ابن فقط
و فى اوخر الشهر اخر اسبوع كده ببقى شبه مفلس بركب مواصلات ومبخدش فلوس من الحاج

المشاركة الأصلية كتبت بواسطة abogharib

مستوى المعيشه هناك غير هنا
المصرى بيسافر الامارات يشتغل و يعمل فلوس و يجى هنا لكن انت شفت واحد اماراتى جاى يشتغل هنا و يتغرب علشان يعمل فلوس !!!!

ماهو المستوي ده ياباشا جي من جيب الشعب مش من الحكومه
الحكومه هناك متحتكمش علي حاجه وكله من الشعب

تخيل لو مصريين هما اللي بدأو في دبي كان زمانها زي ماهيا

ياراجل ده انا بقالي 3 سنين في العماره عايز اركب الأسانسير والناس كلها تقولك لما الأسانسير يركب هنبقي ندفع
طيب ياعالم هو هيركب ببلاش؟ مش لازم تدفعو الأول عشان نجيب الحاجه بتاعته وبعدين نركب ؟

اهو ده اكبر مثال للشعب المصري
يقولك لما اشوف الحاجه قدامي الأول هبقي ادفع وحتي لما يشوف الحاجه قدامه مش بيدفع ويقولك انا مالي هو انا بستعملها لوحدي

المشاركة الأصلية كتبت بواسطة abogharib

طيب يا بيه ياللى بتقول اسكن جمب شغلك انا والدى شغال فى المهندسين و ساكن فى حلوان و بيعمل اكتر من 100 كيلو فى اليوم رايح جاى المفروض بقى انو يروح ياخد شقه ب 2 مليون جنيه فى شارع سوريا و لا جامعه الدول علشان يبقى ساكن جمب شغلو
ايه التفكير الغريب بتاعك ده

ماهو يافندم ده اللي الأخ الفاضل بيقوله
ان مش كل الناس زي والد حضرتك والغالبيه مش بتعمل 100 كيلو في اليوم واغلب الناس بتعمل اقل من كده بكتيير فيمنفعش تعمم قاعده عشان اقليه

المشاركة الأصلية كتبت بواسطة abogharib

هشارك براى بس انا مش متجوز على فكره بص يا باشا مصاريفى انا شخصيا 500 جنيه كورس انجليزى كل شهر + 300-400 جنيه مصاريفى الشخصيه(و مش بيكفو كمان و بيستلف عليهم علشان الدنيا بقت غاليه من اكل فى الجامعه و بنزين و سجاير ..الخ) + 100 جنيه انترنت :d + كل شهرين 300-350 جنيه انزل اجيب طقم (بنطلون و قميص او تيشيرت من غير الكوتش و احنا اسره اب و ام و ابن فقط :b4_444:
و فى اوخر الشهر اخر اسبوع كده ببقى شبه مفلس بركب مواصلات ومبخدش فلوس من الحاج

ربنا يخليليك الحاج ويباركلك فيه

ايام ماكنت في الجامعه كنت في القاهره وكنت باخد 40 جنيه في الشهر للمدينة الجامعيه وباخد معايا 5 جنيه كل اسبوع يعني 60 جنيه مصاريفي اول عن اخر في الشهر

حضرتك عايش مرفه قوي ولازم تعود نفسك علي القليل عشان لما تتخرج وتشتغل باذن الله متتصدمش لانك كده مش هتعرف حتي تصرف علي نفسك وكلها حاجات انا شايف انها رفاهيات وكمالات تقدر تستغني عنها بسهوله