حجزتها وربنا يسهل واخلصها بسعر كويس :_Alshmokh22[1]:
يا جماعة انتم متضايقين ليه من اسعار العربيات فى مصر
زيادة الاسعار دى ظاهرة عالمية ومالهاش علاقة بسعر صرف الدولار
انا قاعد فى السعودية وداخل على سنة اهو وسعر الدولار ثابت عند 3.75 ريال
ومع ذلك كل العربيات بلا استثناء غليت فى موديلات 2013 عن 2012
عربيتى كيا سبورتاج كان سعرها لحد 30 يوليو ب85800 ومن اول سبتمبر زادت الى 88100 وكل الفئات والطرازات كده فى كيا وغير كيا سواء كان كورى - يابانى - امريكى - اوروبى بقدر لا يقل عن 2000-3000 ريال فى كل فئة !!!
مبروك الحجز يا حسام باشا واسف ع التأخير النت عندى كان فاصل
بالنسبة لعداد الكيلوهات هو بيبقى معمول بالكيلو او الميل .. طبعا الميل بيظهر ارقام اقل من الكيلو وتبقى باينة فى العداد اذا كان دة كيلة ولا ميل
وعلشان تحولها دراع الاشارات هتلاقى زرار انتر اضغط علية هيجيلك فى الشاشة كلمة اسمها يونيت وتحتها رقم 1 او 2 او 3 هتبدل منهم عن طريقة قرص بيلف فى نفس الدراع هتختار يونيت 3 وبعدين انتر يبقى انت كدة حولت نظام كيلوهات
ربنا يوفقك و تخلصها بسعر كويس و يباركلك فيها و يديلك خيرها و يكفيك شرها
الكروز رايى للالوان فيرانى - اسود - نبيتى ..بالترتيب .....الفرش الداخلى نصيحة بلاش البيج ...فى واحد ازرق بيبقى شييك جدا و مش بيبان فيه التراب ..عندى البيج مجننى
لو فى بنى انا شفتة ف الصور تححححفة بصراحة ...لو لقيته على الطبيعة حلو هاتو ...ربنا يباركلك فيها انشاء الله
من غير اى اسف انت كلك ذوق وكرم
انا فهمت الطريقه
بس ياريت بقيت وظائف كمبيوتر العربيه بالتفصيل هل فيه فيديو بشرح الطريقه؟؟
الله يعزك ويبارك فيك
انا حاليا حصرت اختيارى بين الفضى لانه عملى ومعمر وبين النبيتى الى حيطلع من عينى بس خايف من الخرابيش وبين الرمادى الاستيل الجديد (مكنش قبل كده موجود خالص) ولسه حشوف على الطبيعه عشان احسم الامر
شوفت البنى بس للاسف جميل جدا فى الصور والبلاد النضيفه لكن عندنا مش عملى اطلاقاً
طيب سؤال هو الجزئيه الفضيه الى فى الدركسيون دى بتتباع لوحده هنا فى مصر لانى شوفته بتتباع على امازون وebay وبتركب لوحدها لزق تقريبا او كبس
http://nileup.com/up/uploads/nilemotors_13574847671.jpg
وهل الحليات النيكل دى كمان موجوده وبتركب لوحدها هنا فى مصر هيا والحته النيكل الى فى الشنطه
http://nileup.com/up/uploads/nilemotors_13574847672.jpg
http://nileup.com/up/uploads/nilemotors_13574856701.jpg
ياريت الى عنده فكره عن الحاجات دى يقول السعر كام ومنين ؟؟
انا عندى الكتالوجات وشرح تفصيلى لكل حاجة وعند واحد هيفيدك جدا ودة كتاب الصيانة الى الفنيون نفسهم فى التوكيل بيتعلمو منة
وعندى فيديو لشرح كمبيوتر الكروز بس المشكلة ان الشاشة اختلفت فمش عارف الوظائف اتغيرت ولا لاء لو هيفيدك اجبهولك
بالنسبة للاكسسورات الى انت طالبها دى فهى كلها موجودة عن اى محل اكسسورات محترم زى جو اكسسوريس كدة
ورأى الشخصى ودى اذواق طبعا بس معلش حاول تسمع كلامى فى النقطة دى لانى جربت تقريبا كل حاجة
الحتة الى فى الشنطة ورا جميلة تستاهل انك تجيبها وانا جبتها وعملت عليها تعديل بقت اجمل واجمل
نواكل الاكر والمرايات والفوانيس اوعى تجيبهم ... شكلهم عاااااااار
فى نيكل بينزل للفوانيس الخلفية بس للاسف مش موجود فى مصر ودة شكلة شيك جدا عبارة عن فريم نيكل بسيط حوالين الفانوس مش الدلش الى نازل عندنا
هتجيب طقم نواكل بتاع الابواب ودة عبار عن فريم نيكل بيركب حوالين الازاز بيدى فخامة جاااامدة اوى للعربية وانا مركبة عندى وكان تمنة من حوالى سنيتن 450 جنية اكيد رخص دلوقتى
هتالها اسبويلر شفط الصغير دة الى بيركب ع الشنطة شكلة سيمبل وشيك جدا ودة فى منة نوعين
واحد كورى مضبوط بالملى وبيترش ع طول من غير ولا فلر ولا مهجون ودة سعرة تقريبا ب 400
وواحد تانى صينى بس بيحتاج شوية صرف قبل الرش وممكن ميبقاش مضبوط بالضبط ع الاستمبة بتاعة العربية ودة ب 150 او 200 جنية
وان شاء الله توصلك ع خير وربنا يديك خيرها ويكفيك شرها ياااارب
الفضي حلو عليها زي اللي في توقيعك..
و مبروك مقدماً حسام بيه :)