معرفش بصراحة انت عارف المعلومات دى مجهولة :)
بس فى التوكيل محدش قال مينفعش نحط زيت ال 5000 هما بيسألوك 5000 ولا 10000 موبيل
اعتقد مينفعش تجيب زيت معاك من بره و اكيد برضه الفلتر
معرفش بصراحة انت عارف المعلومات دى مجهولة :)
بس فى التوكيل محدش قال مينفعش نحط زيت ال 5000 هما بيسألوك 5000 ولا 10000 موبيل
اعتقد مينفعش تجيب زيت معاك من بره و اكيد برضه الفلتر
حبيبى يا حسام لا شكر ع واجب وانا فعلا معايا عربية لاستى ملاكى بورسعيد بس انا من المنصورة مش من بورسعيد
والفلتر موجود منة الالمانى متوفر والحمد الله لا تقلق انت
واى حاجة تانية انا تحت امرك
هههههههههههههههه يا حبيب قلبى ربنا يكرمك دة من ذوقك
وياعم الى تقدر تسألة اسألة وشوف مين الى هيزهق فى الاخر بقى
لالالالالالالا سيراتو مين !!!!
متشبهاش بالسيراتو ابدا
الكروز للاسف ال z link مش بينزل الا فى موديل جديد اسمها كروز z بتنزل فى امريكا وبس
ودة صورتة
http://www10.0zz0.com/2013/01/09/22/890223219.jpg
http://www10.0zz0.com/2013/01/09/22/829966809.jpg
http://www10.0zz0.com/2013/01/09/22/912489540.jpg
اما الى بينزل عندنا سيت اب اوروبى نفس الاوبل
http://www10.0zz0.com/2013/01/09/22/128463651.jpg
ودة الى بينزل فى السيراتو
http://www10.0zz0.com/2013/01/09/22/695117757.jpg
شوف الفرق فى التصميم فى اماكن المساعدين واليايات !!!!!!
وعاوز اطمنك فى التصميم بسبب ان شيفرولية كروز مبنية بتكنولجى المانى 100% هى تقفيل كورى مش اكتر ولا اقل
وبالنسبة للجودة التقفيل فهى معقولة بس انا بالنسبالى مش مقتنع بكلمة معقولة دى فانا فكيت العربية كلها وبعيد تقفيلها من اول وجديد مع اضافة بعد التعديلات
ومقولتليش صحيح انت اخترت لون اية ؟؟
وكنت شفتك بتسأل ع فرش للعربية خد الشكل دة عاوزك تعملة
http://www10.0zz0.com/2013/01/09/22/213941241.jpg
الشكل دة فخييييييييم
واياك تغلط غلطتى وتركب الكسوة الجاهزة الى هى القماش دى
انا اول ماجبت العربية فضلت سايبها باكياسها وبعدين روحت جبت الكسوة الى هى القماش الى بتتغسل دى لانى بصراحة اشكالهم لذيذة ودلع اوى وتكيبها سهل ولو انها كانت غالية
بس للاسف وانا فاكك العربية اليومين دول علشان اجرائات النضافة والتعديل اتلاقيت الاسفنج بتاع الكراسى اتبهدل جامد اوى وقررت انى اشيلهم دلوقتى وامشى بيها كدة شوية لحد ما اركبلها كسوة جلد
ولو انت غاوى ستاير متركبش ستاير كبس انا جبتهم بس مش عجبونى وشكلك بصراحة بيئة
هاتى الستاير الجرار الى بتنزلها بتبقى ع استمبة الازاز بالضبط وفخيمة بردة حاجة اجااااااااويدى ياعم الحج
بالنسبة للدواسات مش هتلاقى الى انت بتدور عليها وسيبك منها مش هتفرق فى حاجة يعنى
وهاتلها طقم الدواسات العادى الى هو الغويط دة بصراحة طقم عملى ومريح وحلو
انا صرفت كتير ع الدواسات 3 اطقم كل واحد اغلى من التانى صحيح هما خامات لكن مش عملين ابدا
وربنا معاك يا صديقى العزيز
تسلم يا غالى على الاجابه الوافيه
كده معلومة التعليق الخلفى وصلت
لكن اعتقد ان التعليق الامامى واحد فى كل الكروز صح ولا ايه ؟؟
اما بخصوص الفرش انا عرفت يقينا ان الفرش الجاهز بيبهدل الفوم بهدله وحشه ويبوظ فورمته
عشان كده ان شاء الله حعمله زى الصوره دى ايه رأيك فى التصميم ده ...
http://nileup.com/up/uploads/nilemot...578177671.jpeg
مع انك حيرتنى بالتصميم المقترح فى الصوره بتاعتك مع العلم انى رسيت على اللون الفضى زى الى فى توقيعى لانه عملى وشيك عليها وحخلى لوت الفرش اسود بخياطه دبل فضى وا شاء الله حعمله عند جينز كار تفصيل وكمان حعمل فيه الحته البارزه الى فى القاعده بتاعت كرسى السائق والى جنبه والى عرفت من خلال الكتالوج الى انت بعته انها بتبقى موجوده فى بعض العربيات بره وفيها اوبشن انك ترفعها وتنزلها حسب راحتك وللاسف مش موجود عندنا الاوبشن ده ولكن شكلها لما بيتعمل فى الكرسى بتفرق فعلا
وبخصوص الستاير هو فيه اصلا ستاير جرار مخصوص للكروز ولا ستاير بتركب على اى عربيه ؟؟
ولو فيه ياريت صوره ليها لو تكرمت
اما الدوسات انا عرفت انى مش حلاقى الى انا عاوزه فى مصر لان وانا بقلب على موقع امازون لقيت دواسات مخصوصه ليها على شكل ارضية العربيه بالزبط ودى روعه فى الشكل وتغنى عن فرش الارضيه جلد وكمان عمليه جدا وللاسف غاليه جدا ولو وصلت مصر بعد التكاليف والشحن حتوصل لاكتر من 1000 جنيه و لله الامر
تحياتى وتقديرى
صورة الفرش تانى عشان ما ظهرتش
http://img05.arabsh.com/uploads/imag...d4e6df406.jpeg
التعليف الامامى واحد من نوع ماكفرسون
بالنسبة للفرش دى اذواق طبعا وانت الى هتركب فلازم تكون مرتاح نفسيا للى هتختارة بس انا شايف ان الى ورتيهولك الرسمة بتاعتة مجسمة اكتر وشبية بناقشة البى ام
بالنسببة للون العربية اختياااااار هايل وموفق انا عند السيلفر وبجد ماشاء الله عليها مش بيبان عليها الهوا فعلا اكتر لون عملى
ولون الفرش بلاش تقفلة كلة بلون واحد اعمل الاطراف البارزة اسود وبقيتة لون جراى مثلا علشان تبان التقسيمة بتاعتة
وبالنسبة للستاير حاضر عنيا هدورلك ع صورة وارفعلك الصورة بتاعتها
شوف يا حسام دى كام صورة لتصميم الكراسى الى بقولك علية شوفهم بردة وحاول تتخيل المنظر فى دماغك
http://www4.0zz0.com/2013/01/10/16/917631448.jpg
http://www4.0zz0.com/2013/01/10/16/430511034.jpg
ودى صورة شبية للستاير الى بقولك عليها بس مش هى
هى بتبقى نفس الفكرة ونفس المنظر دة مع اختلاف ان الى بقولك عليها شفافة يعنى نفس خامة الستاير الكبس كدة واخف منها لانها بتبقى طبقة واحدة
وبتبقى كمان ماسكة نفسها عن كدة وشيييك جدا وهو معروفة وتمنها حوالى 250 جنية الطقم
http://www4.0zz0.com/2013/01/10/16/150866475.jpg
واية رايك فى الفانوس دة ؟؟
LED Taillights/Lamp Assembly for Chevrolet Cruze,View LED Tail Lamp Assembly,EEI Product Details from Zhejiang Native Produce & Animal By-Products I/E Group Co., Ltd. on Alibaba.com
نفس الى انت عاوز تجيبة بس دة الاسبورت بتاعة هيبقى شيك اوى ع لون عربيتك
انا ناوى اجيبة ان شاء الله بس لما اخلص الشغل الى عندى علشان المصاريف كترت