انا عندى الكتالوجات وشرح تفصيلى لكل حاجة وعند واحد هيفيدك جدا ودة كتاب الصيانة الى الفنيون نفسهم فى التوكيل بيتعلمو منة
وعندى فيديو لشرح كمبيوتر الكروز بس المشكلة ان الشاشة اختلفت فمش عارف الوظائف اتغيرت ولا لاء لو هيفيدك اجبهولك
بالنسبة للاكسسورات الى انت طالبها دى فهى كلها موجودة عن اى محل اكسسورات محترم زى جو اكسسوريس كدة
ورأى الشخصى ودى اذواق طبعا بس معلش حاول تسمع كلامى فى النقطة دى لانى جربت تقريبا كل حاجة
الحتة الى فى الشنطة ورا جميلة تستاهل انك تجيبها وانا جبتها وعملت عليها تعديل بقت اجمل واجمل
نواكل الاكر والمرايات والفوانيس اوعى تجيبهم ... شكلهم عاااااااار
فى نيكل بينزل للفوانيس الخلفية بس للاسف مش موجود فى مصر ودة شكلة شيك جدا عبارة عن فريم نيكل بسيط حوالين الفانوس مش الدلش الى نازل عندنا
هتجيب طقم نواكل بتاع الابواب ودة عبار عن فريم نيكل بيركب حوالين الازاز بيدى فخامة جاااامدة اوى للعربية وانا مركبة عندى وكان تمنة من حوالى سنيتن 450 جنية اكيد رخص دلوقتى
هتالها اسبويلر شفط الصغير دة الى بيركب ع الشنطة شكلة سيمبل وشيك جدا ودة فى منة نوعين
واحد كورى مضبوط بالملى وبيترش ع طول من غير ولا فلر ولا مهجون ودة سعرة تقريبا ب 400
وواحد تانى صينى بس بيحتاج شوية صرف قبل الرش وممكن ميبقاش مضبوط بالضبط ع الاستمبة بتاعة العربية ودة ب 150 او 200 جنية
وان شاء الله توصلك ع خير وربنا يديك خيرها ويكفيك شرها ياااارب[/QUOTE]
لا ده انت شاكلك موسوعه فى الكروز وحتعبك معايا فى المستقبل هههههههه
اولا انا من اسكندريه واعتقد ان الحاجات دى مش حتبقى موجوده عندنا فكنت عايز اعرف فين محل جو ده ومين تانى ممكن يكون عنده الاكسسوار ده وبخامه كويسه ومنها الجزئيه الفضيه الى فى الدركسيون
ثانيا اما بخصوص النيكل انا عايز اجيب الخط الى فى الباب صف واحد بس مش الطقم كله لانه فى نظرى كده اشيك واحلى وبسيط وبكره كره العمى كل النواكل الى بتركب على الفوانيس بكل انواعها بتبقى اعععع
زى ده حلو اوى
http://nileup.com/up/uploads/nilemotors_13575080632.jpg
http://nileup.com/up/uploads/nilemotors_13575080634.jpg
وكمان النيكل الى فى الشنطه شيك جدا
http://nileup.com/up/uploads/nilemotors_13575080631.jpg
وكمان نيكل المقبض بس النيكل الى بيبقى طبق الاصل فى الهاى لاين 2012 زى ده
http://nileup.com/up/uploads/nilemotors_13575080633.jpg
واتمنى انك تفيدنى بالفيديو و الخاص بشرح كميوتر العربيه لان العدادات هيا هيا مفيش اختلاف بين 2012 و 2013 ماعدا الشاشه الى فى نص التابلوه
وكمان المانيوال بتاع العربيه الى هو بيجى كتيب مع العربيه هل موجود على النت بصيغة PDF ؟؟